Ləbije 25:55 - Maktub gə́ To gə Kəmee

⁵⁵ Mbata ma nja Israɛlje to ɓərje ləm, deḛ to ɓərje ləm gə́ m’ar dee d’unda loo mee ɓee gə́ Ejiptə teḛ lé. Ma m’to Njesigənea̰, Ala lə sí ya.

Ləbije 25:55 ပူးပေါင်းရင်းမြစ်များ

Pakɔsje 116:16

Ǝi Njesigənea̰, oo ndum ya kari Mbata ma lé m’to kura ləi ya, M’to kura ləi gə́ to ŋgolə kura ləi gə́ dené lé ya. Kula gə́ tɔm ne lé i nja tudu rɔm’g mba̰.

Teḛ-Raga 13:3

Moyis ula koso-dəwje pana: Arje meḛ sí olé dɔ ndɔ’g neelé gə́ seḭ undaje ne loo mee ɓee-ɓər’g teḛje lé, mbata ji siŋgamoŋ lə Njesigənea̰ gə́ ɓar mèr-mèr lé ɓa Njesigənea̰ ar sí undaje ne loo teḛje ya. Loo gə́ seḭ raje naḭ neelé ndá dəw a ko̰ muru gə́ əm-tiné keneŋ pai godo.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Ləbije 25:42

Mbata deḛ to kuraje ləm gə́ m’ar dee d’unda loo mee ɓee gə́ Ejiptə teḛ, ndá d’a ndogo dee to gə́ ndogo ne ɓərje bèe el.

Ləbije 25:54

Ɓó lé d’uga dəa gə goo rəbee el ndá yeḛ a kunda loo teḛ kya̰ kula neelé mee ləb Jubile’g, yeḛ gə ŋganeeje səa na̰’d ya.

Ləbije 26:1

Seḭ a ndajije magəje nda̰ el ləm, seḭ a tɔlje magəje gə́ to ər əsé a kuruje mbal tar ndaŋgje né keneŋ el ləma, seḭ a tɔlje mbal gə́ ndaji né keneŋ kára kara mee ɓee’g lə sí gə mba kunda barmba nea̰’g el ləm tɔ, mbata ma m’to Njesigənea̰, Ala lə sí ya.

Njé gə́ Rɔmə 6:14

Mbata kaiya a kuba dɔ sí si tar el ŋga mbata seḭ síje gin noji’g lé ɓó gin godndu’g el ŋga.

Njé gə́ Rɔmə 6:22

Nɛ ɓasinè kaiya ɔr dɔ sí’g mba̰ ar sí telje ne ɓərje gə́ ka̰ Ala ndá kó sí to né gə́ ka̰ kunda gə kəmee mba kar sí urje ne loo gə́ seḭ a síje keneŋ gə kəmə gə́ gə no̰ lé tɔ.

1 Njé gə́ Kɔrḭtə 9:19

Mbata ɓó lə dəw dɔm kára kara godo kara ma nja m’wa rɔm gə́ ɓər lə dəwje lai ɓó gə mba kiŋga ne dəwje unda nje gə́ kédé.

1 Njé gə́ Kɔrḭtə 9:21

Mbuna deḛ gə́ lal godndu lé m’tel rɔm asəna gə dəw gə́ lal godndu tɔ, ɓó gə mba kiŋga ne deḛ gə́ lal godndu lé tɔ, nɛ ma lé m’lal godndu gə́ ka̰ Ala el mbata ma m’isi gin godndu gə́ ka̰ Kristi’g.

Njé gə́ Galati 5:13

Ŋgakɔmje, deḛ ɓar sí loo ŋgonkoji’g, nɛ loo ŋgonkoji gə́ seḭ sije keneŋ lé maji kar sí raje goso keneŋ mba ra né gə́ ka̰ darɔ ɓa el. Nɛ waje noji gə na̰ mba toje ne kuraje lə na̰.