Ləbije 25:50 - Maktub gə́ To gə Kəmee

⁵⁰ Yeḛ a tura gə yeḛ gə́ njendogee lé un kudee mee ləb gə́ deḛ ndogee ne lé saar teḛ ne mee ləb Jubile’g, ndá lar gə́ kəm kuga lé a kwɔji dɔ bula lə ləbje gə́ nai lé, tɔɓəi d’a tura gə goo lar kuga dɔ ji njekula lar tɔ.

Ləbije 25:50 ပူးပေါင်းရင်းမြစ်များ

Maktub gə́ wɔji dɔ Jɔb 14:6

Maji kari un kəmi dəa’g aree taa kəmə Mba kar rəa lelee to gə́ njekula lar gə́ iŋga nékoga dɔ ji mee ndɔ’g ləa bèe.

Esai 16:14

Nɛ ɓasinè Njesigənea̰ pa taje nee pana: Mee ləbje gə́ munda gə́ to gə́ ləbje lə njekula lar bèe lé ndá rɔnduba lə Moabje gə koso-dəwje lə dee gə́ bula digi-digi lé d’a tel to né gə́ to kḛji. Ges dee gə́ nai lé d’a tel to gə́ né el asəna gə né gə́ godo bèe ya.

Esai 21:16

Mbata Mbaidɔmbaije ulam togə́bè pana: Ləb nai kára ɓəi asəna gə ləb lə njekula lar bèe ndá rɔnduba lə Kedar lai a godo.

Ləbije 25:28

Ɓó lé yeḛ iŋga ges laree gə́ nai mba kar debee gə́ yeḛ tona lar lé el ndá né gə́ yeḛ tona ne lar lé a nai ji njetona’g saar ləb Jubile ya, ləb Jubile ɓa yeḛ a tel kaw dɔ naŋg’d ləa ndá njetona né kara a teḛ keneŋ kya̰ kar njea tɔ.

Ləbije 25:40

Yeḛ a si sə sí asəna gə kura gə́ ra kula mba kiŋga ne lar ləm, asəna gə yeḛ gə́ si sə sí na̰’d ləm tɔ, yeḛ a ra kula kar sí saar ləb Jubile ɓa.

Ləbije 25:49

Ŋgoko̰ bɔbeeje əsé ŋgon mee ŋgoko̰ bɔbeeje gə́ diŋgam əsé yeḛ gə́ kára mbuna njénojije’g ləa gə́ gəd lé a kaskəm kuga dəa, əsé ɓó lé néje ləa-yeḛ as ndá yeḛ nja a kuga dɔ rəa tɔ.

Ləbije 25:51

Ɓó lé ləbje nai bula ɓəi ndá yeḛ a kar dee lar kuga dɔ rəa gə goo lar ləbje gə́ nai neelé ləm, tɔɓəi d’a tura gə goo lar kuga dɔ ji njekula lar tɔ.

Ləbije 25:53

Yeḛ a to asəna gə njekula lar bèe gə ləbee-ləbee, tɔɓəi dəw gə́ yeḛ a si səa lé a kunda siŋgamoŋ dəa’g kəm sí’g el tɔ.

Tel tura Godndu 15:18

Seḭ a kooje gə́ né gə́ kədərə sə sí gə mba kyá̰je kaareeje ḭ kəi lə sí aw kari ba el mbata kula gə́ yeḛ ra as ləb misa̰ ar sí lé to asəna gə nékoga-dɔ-ji njekula lar lé as gɔl joo ya doŋgɔ, bèe ɓa Ala lə sí gə́ Njesigənea̰ a tɔr ne ndia dɔ sí’g gə dɔ néje lai gə́ seḭ raje lé.