Ləbije 25:39 - Maktub gə́ To gə Kəmee

³⁹ Ɓó lé ŋgoko̰ sí gə́ si mbɔr sí’g dəb lé tel to gə́ njendoo ɓa ar sí ndogeeje ndá seḭ a kaareeje ra kula asəna gə ɓər el.

Ləbije 25:39 ပူးပေါင်းရင်းမြစ်များ

1 Mbaije 9:22

Nɛ Salomo̰ ar Israɛlje ra kula asəna gə ɓərje el, mbata deḛ to dəwje gə́ to njérɔje ləm, gə kuraje ləa ləm, gə ŋgan-mbaije ləa ləm, gə dəwje ləa gə́ boo-boo ləma, gə njékaa dɔ pusu-rɔje ləa gə njérɔ gə kundaje ləa ləm tɔ.

2 Mbaije 4:1

Dené kára mbuna denéje’g lə njéteggintaje ra ndòo rɔ Elije’g pana: Ŋgabmje gə́ to kura ləi lé wəi, nɛ i gər gao to gə́ yeḛ lé to njekwa Njesigənea̰ mée’g. Nɛ njeɓaŋ ree mba taa ŋganəmje gə́ joo gə mba kwa dee gə́ ɓərje ləa.

2 Sôrta Gḭka Israɛlje 28:10

Bèe ɓa ɓasinè seḭ ə̰jije meḛ sí’g gə mba kwaje Judaje gə Jerusalemje gə́ ɓərje lə sí gə́ diŋgam gə njé gə́ dené. Nɛ seḭje kara see ta wa dɔ sí no̰ Njesigənea̰, Ala’g lə sí to el wa.

Nehemi 5:5

Lé bèe ya kara darɔ sí to asəna gə darɔ ŋgako̰ síje ya ləm, ŋgan síjeḛje to d’asəna gə ŋgan dee-deḛje ya ləm tɔ, nɛ aa ooje, jeḛ j’arje ŋgan síje gə́ diŋgam gə njé gə́ dené ra kula ɓər tɔɓəi ŋgan síje gə́ dené gə́ na̰je tel to ne ɓərje mba̰ tɔ, jeḛ kara siŋga sí godo ləm, ndɔje lə sí gə ndɔ-nduúje lə sí to ka̰ njé gə́ raŋg ləm tɔ.

Teḛ-Raga 1:14

Deḛ d’ar meḛ dee adə dee mbag-mbag dɔ kula gə́ kədərə gə́ wɔji dɔ mbɔḭ a̰ji ləm, gə kɔr bɔrɔ ləma, gə kula ndɔje lai ləm tɔ, gə goo meeyèr gə́ to kḛji ɓa deḛ d’ɔm ne kulaje gə́ wɔi dɔ dee’g bèe ya.

Teḛ-Raga 21:2

Ɓó lé seḭ ndogoje ɓər gə́ to Ǝbrə ndá yeḛ a ra kula ləbee misa̰, nɛ ləb gə́ njekɔm’g siri lé ndá ta ɓər a kɔr dəa’g karee teḛ aw lal kuga ɓaŋgee ya.

Teḛ-Raga 22:3

Ɓó lé né gə́ yeḛ ɓogo lé to maŋg əsé mulayḛ̀je əsé badə ɓa d’iŋgá ne jia’g kəmba ɓəi ndá njeɓogo neelé a kunda maree dɔ’g gɔl joo ɓəi.

Jeremi 25:14

Mbata ginkoji dəwje gə raŋg gə́ to njésiŋgamoŋje ləm, gə mbaije gə́ boo-boo ləm tɔ lé d’a tel kwa dee-deḛ nja ɓər ndá n’a kuga dee gə goo néra dee ləm, gə goo kula gə́ ji dee ɓa ra ləm tɔ.

Jeremi 27:7

Ginkoji dəwje gə raŋg lai d’a ra né karee-yeḛ ləm, gə ŋgonee ləma, gə ŋgokea ləm tɔ saar kar ndɔ gə́ wɔji dɔ ɓee ləa teḛ kar ginkoji dəwje gə raŋg gə́ to njésiŋgamoŋje, gə mbaije gə́ boo-boo dum ne dɔ ɓee ləa.

Jeremi 30:8

Njesigənea̰ gə́ njeboo-néje lé pana: Mee ndəa’g neelé m’a təd néməməna̰ gə́ wɔi gwɔs sí’g ləm, m’a gaŋg kulaje gə́ d’wa sí ne lé mbidi-mbidi ti ləm tɔ. Dəw-dɔ-ɓeeje d’a kisi gə́ dəw dɔ sí el ŋga.

Jeremi 34:14

Loo gə́ rudu ləbje gə́ siri-siri lé as ndá nana kara mbuna sí’g a kya̰ ŋgokea̰ gə́ to Ǝbrə gə́ ya̰ rəa ar sí ndogeeje kaareeje aw ya. Yeḛ a ra kula kar sí ləb misa̰ ndá seḭ a kaareeje teḛ mee kəi’g lə sí aw. Nɛ bɔ síje-je d’un mbi dee rəw dɔ ta’g ləm ɓó deḛ tuga mbi dee d’oo ne ta ləm el.

Jeremi 34:8

Njesigənea̰ ula Jeremi ta loo gə́ mbai Sedesias man rəa ar koso-dəwje gə́ Jerusalem lai gə mba kila mber kɔm ɓərje tar

Jeremi 34:9

gə mba kar nana kara ya̰ ɓər ləa gə́ diŋgam əsé gə́ dené gə́ to Ǝbrəje ar dee d’aw mba kar dəw kára kara wa ŋgokea̰ gə́ to Jip naŋg gaa-gaa loo kula-ɓər’g el.

Ləbije 25:46

Seḭ a kya̰ deeje gə́ nénduba mbata lə ŋgan síje gə́ goo sí’g asəna gə néje lə dee bèe, seḭ a ŋgəm deeje gə́ ɓərje saar gə no̰. Nɛ ta gə́ wɔji dɔ ŋgako̰ síje gə́ to Israɛlje lé dəw kára kara mbuna sí’g a kunda siŋgamoŋ dɔ ŋgokea̰’g el.

Matiyo 18:25

Nékoga ɓaŋgee dəa’g godo ndá ɓéeje un ndia ar dee gə mba kar dee d’wa darəa-yeḛ gə dené ləa gə ŋganeeje gə néje ləa lɔd ndogo dee mba kya̰ laree kuga ne ɓaŋgee.