Ləbije 25:36 - Maktub gə́ To gə Kəmee

³⁶ Seḭ a kwɔjije səa lar dɔ maree’g el ləm, seḭ a taaje manee jia’g el ləm tɔ, seḭ a ɓəlje Ala lə sí ndá ŋgoko̰ sí a si ne sə sí ya.

Ləbije 25:36 ပူးပေါင်းရင်းမြစ်များ

Nehemi 5:15

Njéguburuɓeje gə́ nɔm’g kédé lé d’unda nékodo gə́ wɔi dɔ koso-dəwje’g taa ne muru lə dee ləm, gə taa ne mán-nduú lə dee ləma, gə ŋgan larnda rɔ-sɔ-sɔ ləm tɔ. Kuraje lə dee ya kara d’ula kəm koso-dəwje ndòo tɔ. Nɛ ma m’ɓəl Ala ɓó m’ra togə́bè el.

Nehemi 5:3

Njé gə́ raŋg pana: Jeḛ j’waje ndɔje lə sí, gə ndɔ-nduúje lə sí, gə kəije lə sí n’tonaje ne kó loo gə́ ɓoo-boo o̰ lé.

Pakɔsje 15:5

Lé yeḛ ar dee toná lar ndá kara Yeḛ taa manee dɔ’g el ləm, Ɓó lé deḛ ndo̰ təa gə lar mba kila ne ta dɔ yeḛ gə́ ta wa dəa el kara Yeḛ taa el ləm tɔ. Dəw gə́ ra togə́bè ndá a kunda ndolé nda̰ el.

Teḛ-Raga 22:24

Ɓó lé seḭ arje dəwje ləm gə́ to njéndooje gə́ d’isi sə sí tona sí lar ndá seḭ a raje sə dee to gə́ njeɓaŋ lə sí el ləm, seḭ a dəji deeje maree dɔ’g el ləm tɔ.

Teḛ-Raga 22:25

Ɓó lé seḭ taaje kubu lə mar sí gə́ yeḛ tona ne lar ndá seḭ a telje ne kaareeje gogo ɓad ɓa kar kàr andə ɓəi,

Gosota-Kəmkàrje 28:8

Yeḛ gə́ wɔji lar dɔ maree’g ləm, Taa manee dɔ’g ləm tɔ Gə mba kar némajije ləa-yeḛ ḭ dɔ maree’d gə́ kédé-kédé lé Mbo̰ dee mbata lə yeḛ gə́ a koo kəmtondoo lə njéndooje.

Esai 24:2

A to kwɔji dɔ njekinjanéməs gə koso-dəwje ləm, A to kwɔji dɔ mbai gə kura ləa ləm, A to kwɔji dɔ njekəi gə́ dené gə ŋgonjelookisi ləa gə́ dené ləm, A to kwɔji dɔ njerab-né gə njendogee ləm, A to kwɔji dɔ njekar maree tona né gə njetaa né jia’g ləma, A to kwɔji dɔ njekunda ɓaŋg dɔ maree’g gə njetaa né tel kəmee ləm tɔ.

Jeremi 15:10

Kɔm, meeko̰ oso dɔm’g Mbata i ojim Gə́ njemaḭta gə njekunda tar Mbata lə dəwje lai! Ma m’ar dee tonam né el ləm, M’tona dee né el ləm tɔ, Nɛ lé bèe kara deḛ lai d’ila ndɔl dɔm’g.

Ejekel 18:13

ɓó lé yee wɔji né dɔ maree’g ɓa ar dee tona mba kiŋga ne manee dɔ’g ləm tɔ ndá see ŋgon neelé a si kəmba ya wa. Yeḛ a si kəmba el, yeḛ ra néje nee lai gə́ mina̰ ndá maji karee wəi! Maji kar ta məsee wa dəa-yeḛ ya.

Ejekel 18:17

ɓó lé yeḛ ɔg jia dɔ néra gə́ kori-kori’g ləm, ɓó lé yeḛ wɔji né dɔ maree’g ɓa ar dee tona mba kiŋga ne manee dɔ’g el ləm, ɓó lé yeḛ aa dɔ torndu neḛje kər-kər ləma, ɓó lé yeḛ un godndu neḛje lad-lad ləm tɔ ndá ŋgon neelé a kwəi mba kaiya ra bɔbeeje el, yeḛ a si kəmba ya.

Ejekel 18:8

yeḛ wɔji né dɔ maree’g ɓa ar dee tona gə mba kiŋga manee dɔ’g el ləm, yeḛ ɔg jia dɔ néra gə́ kori-kori’g ləm, yeḛ gaŋgta gə goo rəbee mbuna dəwje gə́ joo’g ləm,

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ləbije 25:17

Dəw kára kara mbuna sí’g a buguru maree el ləm, seḭ a ɓəlje Ala lə sí ləm tɔ, mbata ma m’to Njesigənea̰, Ala lə sí.

Ləbije 25:37

Seḭ a kaareeje tona sí lar mba kiŋga manee dɔ’g el ləm, seḭ a kaareeje wɔr sí nésɔ ɓa mba kiŋga maree dɔ’g el ləm tɔ.