Ləbije 25:28 - Maktub gə́ To gə Kəmee

²⁸ Ɓó lé yeḛ iŋga ges laree gə́ nai mba kar debee gə́ yeḛ tona lar lé el ndá né gə́ yeḛ tona ne lar lé a nai ji njetona’g saar ləb Jubile ya, ləb Jubile ɓa yeḛ a tel kaw dɔ naŋg’d ləa ndá njetona né kara a teḛ keneŋ kya̰ kar njea tɔ.

Ləbije 25:28 ပူးပေါင်းရင်းမြစ်များ

Jeremi 32:15

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: D’a gə ndogo kəije gə loo-ndɔje gə ndɔ-nduúje ya ɓəi mee ɓee’g neelé.

Ləbije 25:10

Seḭ a kɔrje ləb gə́ njekɔm’g rɔ-mi kṵdáje gə kəmee ləm, seḭ a kilaje mbər kɔr ɓər dɔ dəwje’g lai gə́ d’isi mee ɓee’g neelé ləm tɔ: a to ləb gə́ ɓaree Jubile mbata lə sí, nana kara mbuna sí’g a tel kaw dɔ nduba’g ləa ləm, nana kara mbuna sí’g a tel dan njémeekəije’g ləa ləm tɔ.

Ləbije 25:13

Mee ləb Jubile’g neelé nana kara mbuna sí’g a tel kaw loo’g ləa-ləa.

Ləbije 25:29

Ɓó lé dəw ar maree wa kəi-siée mee ɓee-boo gə́ ndògo-bɔrɔ gugu dəa sub lé tona ne lar ndá yeḛ a tel kuga dəa kalaŋ mbata a dəs ləb kára doŋgɔ goo tona gə́ yeḛ tona lar’g lé, yeḛ a tel kuga dəa ya tɔ.

Ləbije 25:30

Nɛ ɓó lé kəi neelé gə́ to mee ɓee-boo gə́ ndògo-bɔrɔ gugu dəa sub lé d’uga dəa el saar ləb kára doŋgɔ dəs mba̰ ndá yee a to ka̰ yeḛ gə́ ar dee lar lé gə ka̰ ŋgakeaje saar gə no̰, yeḛ a teḛ keneŋ kya̰ kar njeaje mee ləb Jubile’g el ŋga.

Ləbije 25:41

Mee ləb’g neelé seḭ a kya̰je gée gə́ kya̰, yeḛ gə ŋganeeje səa na̰’d ndá yeḛ a tel kaw mbuna njénojije’g ləa ləm, gə dɔ naŋg’d lə bɔbeeje ləm tɔ.

Ləbije 27:24

Mee ləb Jubile’g lé ndɔ neelé a tel to ka̰ yeḛ gə́ ar maree ndogo səa ləm, a tel to nénduba ləa gogo ləm tɔ.