Ləbije 25:17 - Maktub gə́ To gə Kəmee

¹⁷ Dəw kára kara mbuna sí’g a buguru maree el ləm, seḭ a ɓəlje Ala lə sí ləm tɔ, mbata ma m’to Njesigənea̰, Ala lə sí.

Ləbije 25:17 ပူးပေါင်းရင်းမြစ်များ

Gḭ-Néje 20:11

Abrakam tel ilá keneŋ pana: Ma m’ə̰ji məəm’g m’pana: Mee ɓee’g neelé deḛ ɓəl Ala pai godo ndá d’a tɔlm gə mbata lə dené ləm.

Gḭ-Néje 22:12

Kura gə́ dara lé pana: Un jii ɔrɔ ne rɔ ŋgon neelé el ləm, ra səa né el ləm tɔ. Mbata ɓasinè lé ma m’gər gao to gə́ i ɓəl Ala ya. Ŋgoni gə́ to ŋgon gə́ kára ba kiao lé i ɔgm el.

Gḭ-Néje 39:9

Dəw gə́ njekur dɔm-ma mee kəi’g neelé godo ləm, yeḛ ɔgm né kára kara el ləm tɔ, nɛ i ɓa nai mbata i to dené ləa ɓa. See m’a ra néra gə́ majel gə́ boi bèe ɓa mba ra ne kaiya kɔs ne Ala rəw to gə́ ban wa.

Gḭ-Néje 42:18

Ndɔ gə́ njekɔm’g munda lé ndá Jisəb ula dee pana: Gə́ raje né neelé ndá seḭ a síje ne kəmba. Mbata ma lé m’ɓəl Ala.

2 Sôrta Gḭka Israɛlje 19:7

Ɓasinè, maji kar ɓəl lə Njesigənea̰ ɔm dɔ sí’g, undaje kəmkàr dɔ rɔ sí’g mbata rɔ Njesigənea̰, Ala lə sí lé néra gə́ kori-kori godo keneŋ ləm, yeḛ ɔr kəm dəwje gə goo maji lə deḛ gə́ raga ba el ləma, yeḛ ndigi néndogo-gel el ləm tɔ.

Nehemi 5:15

Njéguburuɓeje gə́ nɔm’g kédé lé d’unda nékodo gə́ wɔi dɔ koso-dəwje’g taa ne muru lə dee ləm, gə taa ne mán-nduú lə dee ləma, gə ŋgan larnda rɔ-sɔ-sɔ ləm tɔ. Kuraje lə dee ya kara d’ula kəm koso-dəwje ndòo tɔ. Nɛ ma m’ɓəl Ala ɓó m’ra togə́bè el.

Nehemi 5:9

Tɔɓəi m’pana: Né gə́ seḭ raje lé to lée’g el. See kəm kar sí ɓəlje Ala lə sí loo-kaw sí’g el wa. Bèe ɓa ginkoji dəwje gə́ to njéba̰je lə sí d’a koo loo kula ne sul dɔ sí’g el.

Pakɔsje 19:9

Ndukunje lə Njesigənea̰ lé To gə goo rəbee sur, D’ar dəwje d’al ne rɔ dee, Godnduje lə Njesigənea̰ lé To ta gə́ àr raŋg-raŋg, D’ar kəm dəw lé inja ne bərəŋ tɔ.

Teḛ-Raga 20:20

Moyis ula koso-dəwje neelé pana: Ɓəlje el, mbata ree gə́ Ala ree lé ree mba kaḭ meḛ sí ləm, gə mba kar ɓəl gə́ seḭ ɓəleeje lé aarje dɔ’g njaŋg ɓó gə mba kar sí raje ne kaiya nda̰ el tɔ.

Gosota-Kəmkàrje 1:7

Ɓəl Njesigənea̰ ɓa To gin gosonégər gə́ dɔtar, Mbəje lé d’ə̰ji takəmkàr Gə tandoo lé bəḭ-bəḭ.

Gosota-Kəmkàrje 14:31

Yeḛ gə́ ra né gə́ kədərə gə njéndooje lé Ila rɔkul-boo dɔ njekunda dee’g, Nɛ yeḛ gə́ oo kəmtondoo lə njendoo lé Ila riɓar dəa’g.

Gosota-Kəmkàrje 16:6

Mbɔl dɔ meemaji gə ŋgonkoji ɓa D’ɔr ne ta néra gə́ majel dɔ dəw’g ləm, Mbɔl dɔ ɓəl gə́ dəw ɓəl Njesigənea̰ lé ɓa Yeḛ ya̰ ne goo majel ləm tɔ.

Gosota-Kəmkàrje 22:22

Wa njendoo né ləa təa mbata to gə́ yeḛ to njendoo el ləm, Buguru njekəmndoo tarəwkɔg’d el ləm tɔ.

Esai 3:14

Njesigənea̰ ɔr ta ila dɔ ŋgatɔgje’g lə koso-dəwje ləa ləm, Gə dɔ mbaije’g lə dee ləm tɔ pana: Seḭ lé seḭ rumje loo-ndɔ-nduú! Néje gə́ seḭ tɔrje rɔ njéndooje’g lé To mee kəi’g lə sí to!

Jeremi 22:16

Yeḛ gaŋg rəwta lə njenékəmndoo Gə yeḛ gə́ né lalee gə goo rəbee, Ndá yeḛ si ne dan rɔlel’g. Njesigənea̰ pana: See néra gə́ togə́bè ɓa gə́ gər neḛ el wa.

Ləbije 19:13

Seḭ a buguruje mar síje el ləm, a ɓogo deeje el ləm tɔ. Njékulaje lə sí kara seḭ a ŋgəmje nékoga dɔ ji dee saar teḛ bèlè el tɔ.

Ləbije 19:14

Seḭ a tajije njembikudu el ləm, seḭ a kilaje né no̰ njekəmtɔ’g mba karee un gɔlee aree oso el ləm tɔ, nɛ seḭ a ɓəlje Ala lə sí ya. Ma m’to Njesigənea̰.

Ləbije 19:32

Seḭ a kḭje tar no̰ dəw gə́ dəa pudu’g ləm, seḭ a kilaje koji dɔ ɓugaje’g ləm tɔ. Bèe ɓa seḭ a ɓəlje ne Ala lə sí ya. Ma m’to Njesigənea̰.

Ləbije 25:14

Ɓó lé seḭ raje né arje mar síje ndogo sə sí əsé seḭ kara ndogoje sə dee né tɔ ndá maji kar dəw kára kara mbuna sí’g su ne kəm ŋgokea̰ el.

Ləbije 25:36

Seḭ a kwɔjije səa lar dɔ maree’g el ləm, seḭ a taaje manee jia’g el ləm tɔ, seḭ a ɓəlje Ala lə sí ndá ŋgoko̰ sí a si ne sə sí ya.

Ləbije 25:43

Seḭ a kundaje siŋgamoŋ dəa’g el nɛ seḭ a ɓəlje Ala lə sí.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Lugu 12:5

M’a tɔji sí yeḛ gə́ kəm kar sí ɓəleeje ya. Yeḛ gə́ tɔl sí ɓa siŋga as mba kɔm sí dan pər gehene’g lé ɓəi maji kar sí ɓəleeje ya. Oiyo, ma m’ula sí təsərə, yeḛ nja ɓa kəm kar sí ɓəleeje ya.

Néra Njékaḭkulaje 10:2

Dəw neelé tədkag Ala ləm, ɓəlee ləm tɔ, yeḛ gə njénojije ləa lai ya.

Néra Njékaḭkulaje 10:35

Nɛ gə ginkoji dəwje gə raŋg lé nana ɓa gə́ ɓəlee ra ne né gə́ to gə dɔ najee ndá to gə́ njetaakəmee rəgm ya.

Néra Njékaḭkulaje 9:31

Togə́bè ɓa Eglisə si ne gə loo kulee lɔm dɔ naŋg gə́ Jude ləm, gə Galile ləma, gə Samari ləm tɔ. Deḛ d’ula diŋgam meḛ na̰’d ləm, deḛ njaa na̰’d ɓəl ne Ndil Mbaidɔmbaije ləm tɔ ndá deḛ ra tɔg gə́ kédé-kédé mbata Ndilmeenda to gə́ dərgel dee tɔ.

Njé gə́ Rɔmə 11:20

Yee neelé to lée’g ya, deḛ tuga kəmkagje neelé mbata deḛ to njémeekɔs ŋgwɔḭje nɛ i lé mbɔl dɔ meekun ləi ɓa i nai ne keneŋ ɓəi. Ar məəi to kəgəgə dɔ rɔi’g ɓó beelé ne dɔ meekun’g ləi el.

Njé gə́ Rɔmə 3:18

Ɓəl Ala lé deḛ d’oo gə́ né kəm dee’g el.

Tel tura Godndu 25:18

To gə́ deḛ ree d’iŋga sí rəw’g rɔ sə sí lal ɓəl ne Ala ndá deḛ tel rɔ dee goo sí’g d’ur ne dɔ deḛ lai gə́ ndɔr rɔ dee goo sí’g, loo gə́ seḭje kara daoje yaa̰ ləm, gə siŋga sí godo lé ləm tɔ.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.

1 Samel 12:24

Nɛ ɓəl ya maji kar sí ɓəlje Njesigənea̰ ləm, raje né areeje gə ŋgonkoji gə meḛ sí bura ləm tɔ. Mbata aa ooje boo-némɔrije gə́ yeḛ ra mbata lə sí lé.