Ləbije 23:32 - Maktub gə́ To gə Kəmee

³² Yee ɓa a to ndɔ-kwa-rɔ mbata lə sí ləm, gə ndɔ kya̰ goo kula lə sí ləma, seḭ a kwaje ndòo rɔ sí ləm tɔ, un kudee kàrkemetag lə ndɔ gə́ jinaikara lə naḭ saar bélè kàrkemetag lé, seḭ a kwaje rɔ sí ndɔ-kwa-rɔ’g lə sí.

Ləbije 23:32 ပူးပေါင်းရင်းမြစ်များ

Nehemi 13:19

Yen ŋga m’un ndum mba kar dee d’udu tarəwkɔgje gə́ Jerusalem loo gə́ kàr a gə kandə kédé ɓa kar ndɔ-kwa-rɔ teḛ ɓəi ndá d’a kɔr ta dee el saar ndɔ-kwa-rɔ godo ɓa. Tɔɓəi ma m’unda kuraje ləm gə́ na̰je tarəwkɔgje’g gə mba kɔg dee loo kandə keneŋ gə nékodo gə́ wɔi gə ndɔ-kwa-rɔ’g lé.

Pakɔsje 35:13

Ma lé loo gə́ deḛ ɓa d’oso gə rɔko̰ ndá M’ula kubu-kwa-ndòo rɔm’g ləm, M’oso kul m’ɔg məəm ɓó ləma, M’ula dɔm naŋg mbur-mbur m’ra ne tamaji ləm tɔ.

Pakɔsje 51:17

Mbaidɔmbaije, maji kari wa tam teḛ Ndá tam a kila mber ta pidiije.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Ləbije 16:29

Yee gə́ nee ɓa to godndu gə́ to saar gə no̰ mbata lə sí: ndɔ dɔg lə naḭ gə́ njekɔm’g siri lé seḭ a saŋgje rɔ sí ləm, seḭ a raje kula kára kara el ləm tɔ, lé gə́ kojiɓee əsé dəw-dɔ-ɓee gə́ si mbuna sí’g kara a ra bèe ya.

Ləbije 16:31

Yee ɓa a to ndɔ ndɔ-kwa-rɔ mbata lə sí ləm, a to ndɔ kya̰ goo kula lə sí ləma, seḭ a saŋgje rɔ sí ləm tɔ. Yee ɓa to godndu gə́ to saar gə no̰ ya.

Ləbije 23:27

Ndɔ gə́ dɔg lə naḭ gə́ siri neelé a to ndɔ gə́ wɔji dɔ kiŋga meekoso lemsé dɔ kaiya’g: seḭ a mbo̰je dɔ na̰ kwamje meḛ sí’g ləm, seḭ a kwaje ndòo ləma, seḭ a kinjaje nékinjanéməsje gə́ ka̰ roo karje Njesigənea̰ ləm tɔ.

Ləbije 23:31

Seḭ a raje kula kára kara keneŋ el. Yee ɓa to godndu gə́ to gə no̰ mbata lə ŋgaka síje mee ləbje lai-lai gə́ seḭ a síje keneŋ lé.

Ləbije 23:33

Njesigənea̰ ula Moyis pana:

Matiyo 5:4

Deḛ gə́ d’isi dan kəmndooyoo’g lé rɔ dee lel dee, Mbata d’a gɔl meḛ dee ɓəi.

1 Njé gə́ Kɔrḭtə 11:31

Ɓó lé jeḛ nani dɔ néra sí j’udu ne dəa ndá d’a kila ta dɔ sí’g el.

Ǝbrəje 4:11

Bèe ndá ar sí j’wa rɔ sí kɔgərɔ mba kandə ne loo-kwa-rɔ’g ləa-yeḛ mba kar dəw kára kara oso to gə́ njékaltaje gə́ kédé lé el.

Ǝbrəje 4:3

Jeḛ gə́ j’ɔm meḛ sí dɔ Jeju’g lé jeḛ j’a kaw loo-kwa-rɔ’g lé. To gə́ yeḛ pa lé pana: Mee neḛ ḭ sə neḛ jugugu ar neḛ n’un ne ndu neḛ njaŋg gə rɔkubu pana: D’a kaw loo-kwa-rɔ’g lə neḛ nda̰ el. Yeḛ pa bèe ya nɛ kula rəa lé yeḛ tɔlee bém un kudee mee ndəa gə́ yeḛ tum ne gin naŋg neelé.