Ləbije 23:25 - Maktub gə́ To gə Kəmee

²⁵ Seḭ a raje kula gə́ seḭ aw raje ta-ta lé el, nɛ seḭ a kinjaje nékinjanéməsje gə́ ka̰ roo karje Njesigənea̰ ɓa.

Ləbije 23:25 ပူးပေါင်းရင်းမြစ်များ

Esdras 3:6

Mee ndɔ gə́ dɔtar lə naḭ gə́ njekɔm’g siri lé deḛ d’un kudu kinja nékinjanéməsje gə́ ka̰ roo lé kar Njesigənea̰. Nɛ deḛ tum gin kəi lə Njesigənea̰ gə́ to gə kəmee lé el ɓəi.

Ləbije 23:21

Mee ndəa gən lé ya, seḭ a kilaje mbər naḭ neelé ndá seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el. Yee ɓa to godndu gə́ to gə no̰ mbata lə ŋgaka síje mee looje lai gə́ seḭ a síje keneŋ lé.

Ləbije 23:26

Njesigənea̰ ula Moyis pana:

Ləbije 23:35

Ndɔ gə́ dɔtar ndá seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el.

Ləbije 23:7

Mee ndəa gə́ dɔtar lé seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el.