Ləbije 19:33 - Maktub gə́ To gə Kəmee

³³ Ɓó lé dəw-dɔ-ɓee ree si sə sí mee ɓee’g lə sí ndá seḭ a bugureje el.

Ləbije 19:33 ပူးပေါင်းရင်းမြစ်များ

Teḛ-Raga 22:20

Seḭ a kulaje kəm dəw-dɔ-ɓee ndòo el ləm, seḭ a raje səa né gə́ kədərə el ləm tɔ, mbata seḭ kara seḭ toje dəw-dɔ-ɓeeje mee ɓee gə́ Ejiptə’g kédé tɔ.

Teḛ-Raga 22:21

Seḭ a kulaje kəm njekəisiŋga əsé ŋgonal ndòo nda̰ el.

Teḛ-Raga 23:9

Seḭ a raje né gə́ kədərə gə dəw-dɔ-ɓee el, né gə́ ra dəw-dɔ-ɓeeje lé seḭ gərje gao mbata seḭ kara seḭ toje dəw-dɔ-ɓeeje mee ɓee gə́ Ejiptə kédé tɔ.

Jeremi 7:6

ɓó lé seḭ ulaje kəm dəw-dɔ-ɓee gə ŋgonal gə njekəisiŋga ndòo el ləm, ɓó lé seḭ ilaje məs yeḛ gə́ ta wa dəa el lé naŋg loo gə́ nee’g el ləma, ɓó lé seḭ ndolèje goo magəje gə mba kiŋgaje ne némeeko̰ el ləm tɔ ndá

Ejekel 22:29

Koso-dəwje gə́ mee ɓee’g d’ya̰ rɔ dee yag dan néra gə́ kərm-kərm’g ləm, deḛ ɓogo ləm, deḛ d’oré dɔ njénékəmndooje gə njéndooje naŋg ləma, deḛ buguru dəw-dɔ-ɓeeje dɔ néje gə́ wɔji dɔ dee’g ləm tɔ.

Ejekel 22:7

Loo gə́ mee ɓee-boo’g ləi lé dəwje d’ə̰ji bɔ deeje gə ko̰ deeje bəḭ-bəḭ ləm, d’ula kəm dəw-dɔ-ɓee ndòo ləma, deḛ buguru ŋgonal gə njekəisiŋga ləm tɔ.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Tel tura Godndu 24:14

Njekula lar gə́ to dəw gə́ daŋ’d gə́ njendoo lé, lé yeḛ to ŋgoko̰ sí əsé to dəw kára mbuna dəw-dɔ-ɓeeje gə́ d’isi mbuna sí’g mee ɓee’g lə sí kara seḭ a kulaje kəmee ndòo el.

Tel tura Godndu 24:17

Né gə́ kəm kar dəw-dɔ-ɓee əsé ŋgonal iŋga loo gaŋg-rəwta’g lé seḭ a bugureeje dɔ’g el ləm, seḭ a taaje kubu lə njekəisiŋga gə́ né kɔs naŋg el ləm tɔ.

Tel tura Godndu 24:18

Seḭ a karje meḛ sí olé dɔ’g to gə́ kédé lé seḭ toje gə́ ɓərje mee ɓee gə́ Ejiptə ɓa Ala lə sí gə́ Njesigənea̰ taa dɔ sí, gelee gə́ nee ɓa ma m’ar sí ne godnduje neelé gə mba kar sí raje née tɔ.

Tel tura Godndu 27:19

Meeko̰ a koso dɔ dəw gə́ buguru dəw-dɔ-ɓee əsé ŋgonal əsé njekəisiŋga loo-gaŋg-rəwta’g. Ndá koso-dəwje lai d’a kila dee keneŋ pana: A to togə́bè ya!