Ləbije 19:11 - Maktub gə́ To gə Kəmee

¹¹ Seḭ a ɓogoje el ləm, seḭ a raje né gə́ ŋgɔm əsé a kundaje goso mbuna na̰’d el ləm tɔ.

Ləbije 19:11 ပူးပေါင်းရင်းမြစ်များ

2 Samel 17:20

Kuraje lə Absalɔm d’andə mee kəi’g rɔ dené’g lé dəjee pana: Ahimaas gə Jonatan d’aw ra wa. Dené lé ila dee keneŋ pana: Deḛ gaŋg mán d’aw. Deḛ saŋg dee nɛ d’iŋga dee el ndá deḛ tel d’aw Jerusalem.

1 Mbaije 13:18

Yen ŋga njetegginta gə́ tɔg lé ulá pana: Ma kara m’to njetegginta to gə́ i bèe ya tɔ. Bèe ɓa kura gə́ dara ulam ta gə ndu Njesigənea̰ pana: Aree aw səi na̰’d mee kəi’g ləi mba sɔ né ləm, gə mba kai mán ləm tɔ. Nɛ to taŋgɔm ɓa yeḛ ulá ya.

Pakɔsje 101:7

Yeḛ gə́ ya̰ rəa yag dan kərgoso’g lé ndá Yeḛ a si mee kəi’g ləm lé nda̰ el ləm, Yeḛ gə́ pa taŋgɔm lé kara A kaar nɔm’g nda̰ el ya ləm tɔ.

Pakɔsje 116:11

Loo gə́ m’isi dan néurti’g lé m’pana: Dəwje lai lé to gə́ njésukəmlooje ya.

Teḛ-Raga 20:15

I a ɓogo el.

Teḛ-Raga 20:16

I a təd taŋgɔm kunda ta mari’g el.

Teḛ-Raga 20:17

I a ra kəmkəḭ dɔ kəi’g lə mari el, i a ra kəmkəḭ dɔ dené’g lə mari el ləm, a ra kəmkəḭ dɔ kura’g ləa gə́ diŋgam əsé yeḛ gə́ dené’g, əsé dɔ maŋg’g ləa əsé dɔ mulayḛ̀je’g ləa əsé dɔ né gə́ rara gə́ to ka̰ mari nja doŋgɔ lé i a ra kəmkəḭ dɔ’g kára bèe el ləm tɔ.

Teḛ-Raga 22:1

Ɓó lé d’iŋga njeɓogo gə́ təd takəi loondul’g mba ɓogo né ɓa d’undá tɔlee ndá ta məsee lé a kwa dɔ njetɔlee lé el,

Teḛ-Raga 22:7

Ɓó lé d’iŋga njeɓogo neelé el ndá njekəi lé a kaw no̰ Ala’g lé mba kɔr goo ta ləa to gə́ yeḛ lɔm dɔ né lə maree lé gə́ lɔm el.

Teḛ-Raga 23:1

Seḭ a kunje taŋgɔm kasje ne loo pəd-pəd el. Seḭ a kɔmje na̰’d sad gə njémeeyèrje mba gaŋg ne ta badə-badə gə taŋgɔm el tɔ.

Gosota-Kəmkàrje 24:28

Maji kari ɔr goo ta gə mḭdé ba ɔs ne njeboatakəi ləi rəw el, See i ndigi su kəm loo gə tapaije wa.

Jeremi 6:13

Mbata un kudee dɔ dəwje Gə́ gɔ-gɔ’g saar teḛ ne dɔ deḛ gə́ boo-boo’g lé Deḛ lai lé mal kiŋga né Gə́ gə goo rəbee el ra dee ŋgwɔd-ŋgwɔd, Un kudee dɔ njetegginta’g saar teḛ ne dɔ njekinjanéməs’g lé Deḛ lai to njésukəmlooje.

Ləbije 19:10

Seḭ a kinjaje ɗɔr nduú gə́ nai mee ndɔ-nduú’g lə sí el ləm, ka̰deeje gə́ ɔm naŋg kara seḭ a tɔsje ndo̰-ndo̰ el ləm tɔ, seḭ a kya̰je néje neelé karje njéndooje əsé dəw-dɔ-ɓeeje. Ma m’to Njesigənea̰, Ala lə sí.

Njé gə́ Rɔmə 3:4

Wah! bèe el. Maji kar dee d’oo Ala gə́ njekankəmta ndá dəwje lai ɓa d’a koo dee gə́ njéŋgɔmje gə goo ta gə́ ndaŋg mee maktub’g pana: Maji kar tapai ɓa d’a kooi ne gə́ njemeekarabasur ləm, Loo gə́ d’a kɔrkəmta ləi ndá i a taa ne rɔi puduru ləm tɔ.

Njé gə́ Epesə 4:25

Gelee gə́ nee ɓa, maji kar sí ɔgje ta sí dɔ taŋgɔm’g. Nɛ kankəmta ɓa, maji kar nana kara aree teḛ təa’g ar maree, mbata jeḛ lai jeḛ n’toje barkəmrɔ na̰.

Njé gə́ Epesə 4:28

Yeḛ gə́ to gə́ njeɓogo kédé lé maji karee to gə́ njeɓogo el ŋga, nɛ maji karee uru kula gə́ maji’g mbidi ra gə jia ya ndá yeḛ a koo loo gə mba la gə maree gə́ raŋg gə́ aw ndòo né lé tɔ.

Tel tura Godndu 5:19

I a ɓogo el.

Njé gə́ Kolosə 3:9

Ulaje na̰ taŋgɔm mbuna sí’g el mbata dəw gə́ ləw gə néreaje lé seḭ ɔrje jo̰gee ubaje ya̰je mba̰,

1 Timote 1:10

gə mba kar néra dee gə́ to njékəmndaje ləm, əsé ram-dəwje ləm, əsé njéndogo dəwje ləm, əsé gə njéŋgɔmje ləm, gə njékusu dɔ rɔ deeje ləma, əsé gə dəw gə́ rara ɓa ɔs kankəmta rəw ləm tɔ lé a to raga pai-pai ya.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.