Ləbije 19:10 - Maktub gə́ To gə Kəmee

¹⁰ Seḭ a kinjaje ɗɔr nduú gə́ nai mee ndɔ-nduú’g lə sí el ləm, ka̰deeje gə́ ɔm naŋg kara seḭ a tɔsje ndo̰-ndo̰ el ləm tɔ, seḭ a kya̰je néje neelé karje njéndooje əsé dəw-dɔ-ɓeeje. Ma m’to Njesigənea̰, Ala lə sí.

Ləbije 19:10 ပူးပေါင်းရင်းမြစ်များ

Esai 17:6

Ges kandə kag a nai ya To gə́ loo gə́ dəw yə ne kag-koiyo bèe Ar kandə koiyoje nai joo əsé munda sémee’g tar ləm, Nai sɔ əsé mi dɔ barkəmeeje gə́ d’andə’g lé ləm tɔ. Njesigənea̰ gə́ njeboo-néje ɓa pa bèe.

Esai 24:13

Mbata mee ɓee’g gə mbuna ginkoji dəwje gə raŋg’g lé To asəna gə loo gə́ deḛ yə ne kag-koiyo bèe ləm, Asəna gə loo gə́ d’wa ne ɓuru ɗɔréje Gə d’inja ne kandə nduú bèe ləm tɔ.

Jeremi 49:9

Ɓó lé njétḭja kul-nduúje ree rɔi’g ndá See d’a kya̰ njé gə́ ka̰ kwa ɓuru el wa. Ɓó lé njéɓogoje ree loondul’g ndá D’a tuji néje lai gə́ to gə́ meḛ dee ndigi tɔ.

Ləbije 11:44

Mbata ma m’to Njesigənea̰, Ala lə sí, seḭ a kɔrje rɔ sí kundaje gə kəmee ndá seḭ a toje ne dəwje gə́ to gə kəmee mbata ma nja m’to njerɔkunda ya. Seḭ a karje rɔ sí tel to né gə́ mina̰ mbata lə néje nee lai gə́ d’ag naŋg gə ta meḛ dee lé el.

Ləbije 19:11

Seḭ a ɓogoje el ləm, seḭ a raje né gə́ ŋgɔm əsé a kundaje goso mbuna na̰’d el ləm tɔ.

Ləbije 19:25

Ləb gə́ njekɔm’g mi lé seḭ a sɔje kandə deeje ləm, a kinjaje kandə dee gə́ kédé-kédé ləm tɔ. Ma m’to Njesigənea̰, Ala lə sí.

Ləbije 19:9

Loo gə́ seḭ a kinjaje kó mee ɓee’g lə sí ndá seḭ a kya̰je kil ndɔ lə sí lal kinja kó keneŋ ləm, yee gə́ nai gə́ kəm kwa ɓuru lé kara seḭ a kwaje ləm-ləm el ləm tɔ.

Ləbije 23:22

Loo gə́ seḭ a kinjaje dɔ kó mee ɓee’g lə sí ndá seḭ a kya̰je kil ndɔje lə sí lal kinja kó keneŋ ləm, yee gə́ nai gə́ kəm kwa ɓuru lé seḭ a kwaje ləm-ləm el ləm tɔ. Seḭ a kya̰je néje neelé karje njendoo əsé dəw-dɔ-ɓee. Ma m’to Njesigənea̰, Ala lə sí.

Ləbije 25:6

Ɓó lé seḭ ndɔje ndɔ mee ləb-kwa-rɔ’g lə dɔ naŋg lé el kara yee a kinja gə nésɔ sí ləm, gə ka̰ kuraje lə sí gə́ diŋgam əsé njé gə́ dené ləm, gə ka̰ kuraje lə sí gə́ ra kula mba kiŋga ne lar ləm, gə ka̰ dəw-dɔ-ɓeeje gə́ d’isi sə si na̰’d ləm,

Abdias 1:5

Ɓó lé njéɓogoje əsé gayim-ɓogoje ree kəi ləi loondul’g ndá D’a tujii pugudu! Nɛ see d’a kodo néje karee as dee ɓa el wa. Ɓó lé njétḭja nduúje ree rɔi’g ndá See yee gə́ ka̰ ɓuru ba ya ɓa d’a kya̰ el wa.

Misee 7:1

Meeko̰ oso dɔm’g! Mbata ma m’to m’asəna gə dəw Gə́ aw mba kinja kandə kag naḭkuli bèe ləm, M’to m’asəna gə njekaw ɓuru tor kandə nduú’g bèe ləm tɔ: Néɓuru gə́ ka̰ sɔ lé godo ləm, Kandə kodé gə́ doŋgɔr gə́ məəm ndigi lé godo ləm tɔ.

Tel tura Godndu 24:19

Loo gə́ seḭ injaje kó mee ndɔ’g lə sí ɓa meḛ sí wəi dɔ dɔ kó’g kára mee ndɔ’g ndá seḭ a telje kaw kunje el, yee a to mbata lə dəw-dɔ-ɓeeje ləm, gə mbata lə ŋganalje ləma, gə mbata lə njékəisiŋgaje ləm tɔ gə mba kar Ala lə sí gə́ Njesigənea̰ tɔr ne ndia dɔ kulaje lai gə́ seḭ raje lé.

Tel tura Godndu 24:20

Loo gə́ seḭ a kundaje kandə koiyo lə sí ndá seḭ a tije ka̰dee gə́ nai barkəmeeje’g lé el: d’a to mbata lə dəw-dɔ-ɓeeje ləm, gə mbata lə ŋganalje ləma, gə mbata lə njékəisiŋgaje ləm tɔ.

Tel tura Godndu 24:21

Loo gə́ seḭ a tḭjaje nduú lə sí ndá seḭ a telje tḭjaje ɗɔréje gə́ nai godé’g el: d’a to mbata lə dəw-dɔ-ɓeeje ləm, gə mbata lə ŋganalje ləma, gə njékəisiŋgaje ləm tɔ.

Njéga̰g-Rəwtaje 8:2

Gedeo̰ ila dee keneŋ pana: See ɗi ɓa m’ra gə́ né gə́ as gə ka̰ sí-seḭ wa. See kwa ɓuru lə Eprayimje maji yaa̰ unda tḭja nduú lə Abiejerje el wa.

Rudu 2:2

Rudu gə́ dené gə́ Moab lé dəji Naomi pana: See a k’ya̰ loo kam m’aw m’wa ɓuru mee ndɔ’g lə yeḛ gə́ a kila kəm toro’g el wa. Ndá Naomi ilá keneŋ pana: Aw ya, ŋgonəm.