Ləbije 15:10 - Maktub gə́ To gə Kəmee

¹⁰ Dəw gə́ rara gə́ ɔrɔ rɔ né gə́ ban-ban gə́ to gin dəw gə́ mina̰ neelé ndá rəa-yeḛ kara a mina̰ saar kàr a kandə, nana ɓa gə́ un né neelé ndá a togo kubuje ləa ləm, a ndogo mán ləma, a mina̰ saar kàr a kandə ləm tɔ.

Ləbije 15:10 ပူးပေါင်းရင်းမြစ်များ

Pakɔsje 26:6

M’togo jim m’riba ne dɔ ta gə́ wa dɔm el lé, Ndá əi Njesigənea̰, yee ɓa m’njaa m’gugu ne dɔ loo-nékinjaməs ləi lé!

Ləbije 11:24

Ɓó lé nana ɓa gə́ a kɔrɔ rɔ yoo dee ndá rəa a mina̰ saar kar kàr a kandə,

Ləbije 15:11

Dəw gə́ rara gə́ dəw gə́ mina̰ lé a kɔrɔ rəa ɓa a lal togo jia gə mán ndá yeḛ a togo kubuje ləa ləm, a ndogo mán ləma, a to dəw gə́ mina̰ saar kàr a kandə ləm tɔ.

Ləbije 15:5

Dəw gə́ rara gə́ ɔrɔ tira lə dəw neelé ndá yeḛ kara a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ.

Ləbije 15:8

Ɓó lé dəw gə́ rəa mina̰ neelé tibi yiro dɔ dəw gə́ rəa àr ŋgad-ŋgad’g ndá debee neelé a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ.

Ləbije 15:9

Kali kuba kunda gə́ rara gə́ dəw gə́ mina̰ neelé si dɔ’g ndá kali neelé a mina̰ tɔ.

Bula lə Israɛlje 19:22

Né gə́ rara gə́ dəw gə́ rəa mina̰ ɔrɔ lé ndá né neelé kara tel mina̰ ya ləm, dəw gə́ ɔrɔ rɔ né neelé kara rəa a mina̰ saar kar kàr andə ləm tɔ.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.