Junas 4:8 - Maktub gə́ To gə Kəmee

⁸ Loo gə́ kàr uba mba̰ ndá Ala ar lel gə́ nuŋga pid-pid ḭ bər ula ləm, ar kàr kara nuŋga dɔ Junas’g ləm tɔ ndá yeḛ guru naŋg rug. Yeḛ ndiŋga rəa gə yoo pana: Ma lé kwəi ɓa ma m’ndigi yaa̰ unda kisi kəmba tɔ.

Junas 4:8 ပူးပေါင်းရင်းမြစ်များ

Gḭ-Néje 41:6

Dɔ koje siri gə́ d’aar jəm ləm, lel gə́ ḭ bər tudu dee ləm tɔ lé d’uba goo dee’g.

1 Mbaije 19:4

Nɛ yeḛ lé aw njaa dɔdilaloo’g as ndɔ kára doŋgɔ ɓa aw si gel kag-sam’g ndá yeḛ ndiŋga yoo pana: Asm ŋga! Ɓasinè lé Njesigənea̰, ɔr kəmə ləm mbata ma m’to maji m’unda bɔmje-je el.

1 Mbaije 21:4

Akab tel aw kəi ləa gə kəmndoo ləm, gə meeko̰ ləm tɔ mbata ta gə́ Nabot gə́ Jisreel ulá pana: M’a kari nénduba gə́ to ka̰ kamje-je el lé! Ndá yeḛ to dɔ tira’g ləa ar kəmee mas mbid-mbid tɔɓəi sɔ né el tɔ.

Maktub gə́ wɔji dɔ Jɔb 2:10

Nɛ Jɔb tel ilá keneŋ pana: I pata asəna gə mbə-dené bèe. Mba ɗi ɓa j’iŋga né gə́ maji rɔ Ala’g lé ndá see j’a taa né gə́ majel to el wa. Gə goo néje lai lé Jɔb ra ne kaiya gə taje gə́ teḛ təa’g el.

Maktub gə́ wɔji dɔ Jɔb 7:15

Ai-i, ma m’ndigi kar dəw ugu ɗɔrm gaŋg ɓa maji. Tɔgərɔ, kwəi ɓa maji unda kar siŋgamje nai njḭ.

Pakɔsje 121:6

Kàr a kɔsi dan kàr gə́ nuŋga kəd-kəd’g el ləm, Naḭ a rai loondul’g el ləm tɔ.

Pakɔsje 39:9

Maji kari ɔrm dan nékaltaje’g ləm lai ya Ɓó ar rɔkul-boo lə mbə-dəw oso dɔm’g el.

Njekillamber 7:9

Maji kari ḭ kalaŋ ra oŋg el Mbata oŋg lé ra ɓee meḛ mbəje’g.

Pa gə́ ur dɔ paje 1:6

Maji kar sí oreeje dɔ ndul’g ləm ba el, To kàr ɓa ram am m’ndul ya. Meḛ ŋgakɔmje gə́ diŋgam ḭ sə dee jugugu dɔm’g Ar dee d’undam gə́ njeŋgəm ndɔ-nduúje. Ndɔ-nduú ləm-ma ndá ma m’ŋgəm el.

Esai 49:10

Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Ejekel 19:12

Nɛ nduú neelé deḛ tɔree gə boo-oŋg d’ɔm naŋg, Lel gə́ ḭ bər ula keneŋ ar ka̰dee tudu kurum-kurum, Barkəmeeje gə́ siŋ na̰’d siŋ-siŋ təd ləm, Tudu kurum-kurum ləma, Pər roo dee dula-dula ləm tɔ.

Ojee 13:15

Lée nékiŋgaje lə Eprayimje to yaa̰ mbuna ŋgako̰ deeje’g kara Lel gə́ a kḭ bər lé a kula dɔ dee’g ləm, Lel lə Njesigənea̰ a kḭ dɔdilaloo’g kula ləm tɔ Ndá kəm-rəw-manje lə dee d’a tudu kurum-kurum ləm, Manje lə dee gə́ d’aḭ kuji-kuji kara d’a kyi tə-tə ləma, Kəi-nébaoje gə́ néje gə́ to ŋgonkəm dee to keneŋ lé D’a kunda deḛ lai gə́ nébanrɔ kaw ne ləm tɔ.

Ləbije 10:3

Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

Junas 1:4

Nɛ Njesigənea̰ ar lel-boo ḭ gigigi dɔ baa-boo’g ndá lel-boo neelé ula mbḭ-mbḭ tɔ. Nai lam bèe mba kar bato lé tuji mán ya.

Junas 4:3

Ɓasinè lé aa oo Njesigənea̰, m’ra ndòo rɔi’g kari am m’wəi mbata ma lé kwəi ɓa ma m’ndigi yaa̰ unda kisi kəmba ya.

Junas 4:9

Ala dəji Junas pana: See oŋg gə́ i ra wɔji ne dɔ roŋ neelé i oo gə́ né gə́ maji ya wa. Yeḛ tel ilá keneŋ pana: Oŋg gə́ m’ra lé m’ra gə goo rəbee ya saar a kas yoom.

Matiyo 20:12

d’ulá pana: Deḛ gə́ ree ra kula goo sí’g gə kuree waga ba ya ɓəi gə́ i ar dee lar askəm dee, nɛ ban ɓa see jeḛ gə́ n’ree gə ndɔ rad ya n’ra kula saar-saar n’dao ləm, kàr kara ula sí ndubu yaa̰ nee ɓa ra sə sí bèe wa.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.

Loo gə́ killa rea kəm Ja̰’g 7:16

Ɓó a tɔl dee nda̰ bèe el ləm, kṵdaman a tɔl dee nda̰ el ləm, kàr a kɔs dee nda̰ el ləma, né gə́ nuŋga kəd-kəd gə́ rara kara a nuŋga dee el ləm tɔ.

1 Samel 3:18

Yen ŋga Samel ndaji tarje lai aree ɓó iya səa dɔ né kára el. Tɔɓəi Eli pana: Yeḛ to Njesigənea̰ ya. Maji karee ra né to gə́ mée wɔji.