Junas 3:5 - Maktub gə́ To gə Kəmee

⁵ Koso-dəwje gə́ Ninibə lé d’ɔm meḛ dee dɔ Ala’g lé ndá deḛ d’ila mber ta kɔg meḛ dee ɓoo ləm, deḛ d’ula kubu-kwa-ndòo rɔ dee’g ləm tɔ, un kudee dɔ dəwje gə́ tɔg’d saar teḛ ne dɔ ŋganje gə́ gɔ gɔ’g tɔ.

Junas 3:5 ပူးပေါင်းရင်းမြစ်များ

2 Mbaije 19:1

Loo gə́ Ejekias oo taje neelé ndá yeḛ til kubuje ləa hao̰-hao̰ rəa’g, ya̰ ula kubu-kwa-ndòo rəa’g tɔɓəi ɔd aw ne mee kəi’g lə Njesigənea̰ tɔ.

2 Sôrta Gḭka Israɛlje 20:3

Ɓəl unda Josapat badə gaŋgee aree wɔji mée’g gə mba dəji Njesigənea̰ ta ndá yeḛ ila mber ta kɔg-mee-ɓoo mee ɓee gə́ Juda’g lai.

Esdras 8:21

Lée gə́ nee, gə́ to mbɔr baa gə́ Ahaba lé ɓa ma m’ila mber kɔg-mee-ɓoo keneŋ, gə mba kar sí j’oso ne kul no̰ Ala’g lə sí mba ra ndòo rəa’g karee ar rəw-kaw sí to gə́ majee mbata lə síjeḛ ləm, gə mbata lə ŋgan síje ləma, gə mbata némajije lə sí lai ləm tɔ.

Este 4:1

Loo gə́ Mardose oo néje lai gə́ deḛ ra lé ndá yeḛ til kubuje rəa’g hao̰-hao̰, ya̰ ula kubu-kwa-ndòo rəa’g ləm, sa bu ɔm dəa’g ləm tɔ. Tɔɓəi yeḛ aw dan mee ɓee-boo’g ɔr ndia wəl no̰ ne gə meeko̰ tɔ.

Teḛ-Raga 33:6

Israɛlje lé loo gə́ d’ḭ dɔ mbal gə́ Oreb d’isi d’aw ndá deḛ tɔr néra basaje gə néra ma̰dje gə́ rɔ dee’g ya.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Jeremi 36:9

Mee naḭ gə́ njekɔm’g jinaikara mee ləb gə́ njekɔm’g mi gə́ Jojakim, ŋgolə Jojias, mbai gə́ Juda o̰ ne ɓee lé d’ila mber kɔg-mee-ɓoo no̰ Njesigənea̰’g mbata koso-dəwje gə́ Jerusalem lai ləm, gə mbata koso-dəwje lai gə́ d’ḭ mee ɓee-booje gə́ Juda ree Jerusalem ləm tɔ.

Jeremi 42:1

Ɓée kudu-njérɔje lai gə Jokana, ŋgolə Karea gə Jejania, ŋgolə Hosee ləm, gə koso-dəwje lai gə́ un kudee dɔ ŋganje’g saar teḛ ne dɔ njé gə́ tɔg’d ləm tɔ lé rəm pər

Jeremi 42:8

Yen ɓa Jeremi ɓar Jokana, ŋgolə Karea gə ɓée kudu-njérɔje lai gə́ d’aw səa ləm, gə koso-dəwje lai un kudee dɔ ŋganje’g saar teḛ ne dɔ njé gə́ tɔg’d ləm tɔ.

Loo gə́ killa rea kəm Daniel’g 9:3

Ma m’tel kəm par gə́ rɔ Mbaidɔmbaije Ala’g lé ləm, m’ra tamaji ləm, m’ra ndòo rəa’g ləm, m’ɔg məəm ɓó ləma, m’ula kubu-kwa-ndòo rɔm’g m’isi ne dan bu’g ləm tɔ.

Joɛl 1:14

Ilaje mbər kɔg-mee-ɓoo ləm, Gə kwa-dɔ-na̰ gə́ to gə kəmee ləm tɔ! Mbo̰je ɓugaje gə dəwje lai gə́ mee ɓee’g Mee kəi’g lə Ala lə sí gə́ Njesigənea̰ Ndá raje né wəl arje Njesigənea̰!

Junas 3:7

Yeḛ ar dee d’ila mber gə torndu mbai ləm, gə ka̰ ŋgatɔgje ləa ləm tɔ pana: Maji kar dəw əsé nékul gə́ to gə́ maŋg əsé badə kara d’a to̰ né ta dee’g njagm el ləm, d’a kya̰ dee kar dee d’usɔ né el ləma, d’a kai mán el ləm tɔ.

Matiyo 12:41

Njé gə́ Ninibə d’a kunda loo teḛ gə ginka dəwje gə́ nee na̰’d ndɔ gaŋg-rəwta’g lé ndá d’a gaŋg-rəwta dɔ dee’g mbata takɔr lə Junas gə́ ar dee d’wa ne ndòo rɔ dee dɔ kaiya’g lə dee. Aa ooje, yeḛ gə́ aar neelé ur dɔ Junas’g.

Lugu 11:32

Njé gə́ Ninibə d’a kḭ ta gə ginka dəwje gə́ nee lé na̰’d ndɔ gaŋgta’g lé d’a gaŋgta dɔ dee’g mbata ta kɔr lə Junas lé ar dee d’wa ndòo rɔ dee dɔ kaiya’g lə dee, nɛ aa ooje, yeḛ gə́ aar neelé ur dɔ Junas’g ɓəi.

Néra Njékaḭkulaje 27:25

Wah dəwje, gelee gə́ nee ɓa maji kar sí ilaje kaar sí més, mbata ma m’unda məəm yel dɔ Ala’g m’oo gao ta gə́ yeḛ ulam lé a kaw lée’g béréré ya.

Néra Njékaḭkulaje 8:10

Koso-dəwje lai d’ur mbi dee gèŋ gə́ dəa’g, deḛ gə́ nai ŋganje ləm, gə deḛ gə́ to gə́ ɓugaje ləm tɔ lé ar dee pana: Yeḛ neelé to gə́ siŋgamoŋ lə Ala gə́ deḛ ɓaree siŋgamoŋ gə́ boo lé.

Ǝbrəje 11:1

Meekun lé see to ɗi wa. Néje gə́ meḛ sí to yel dɔ’g ɓa j’wa peb el ɓəi nɛ meḛ sí ɓa to dɔ’g bururu ya. J’oo gə kəm sí el ɓəi nɛ meḛ sí ɓa oo mba̰ tɔ.

Ǝbrəje 11:7

Meekun lé ɓa Noe ra ne bato aji ne njémeekəije ləa. Ala aree oo néje gə́ dəwje d’oo el ɓəi, taa ne tapea wá mée’g sud. Togə́bè meekun lé ɓa yeḛ ila ne ta dɔ dəwje gə́ dɔ naŋg nee, tel ne ŋgon nduba iŋga ne meekarabasur gə́ dəw iŋga gə goo meekun lé.

Loo gə́ killa rea kəm Ja̰’g 11:3

M’a kun ndum kar njékɔrgootaje ləm gə́ joo lé siŋga dee mba kɔr ne goo ta kar ndɔ dee tɔl-dɔg-giree-joo gə dəa rɔ-misa̰, d’a kaar gə kubu-kwa-ndòo rɔ dee’g.