Junas 2:8 - Maktub gə́ To gə Kəmee

⁸ Loo gə́ ndiləm teḛ pərəŋ ndá M’ar məəm olé dɔi-i Njesigənea̰’g, Tamaji ləm kara aw njal teḛ rɔi’g Mee kəi’g ləi gə́ to gə kəmee doi lé tɔ.

Junas 2:8 ပူးပေါင်းရင်းမြစ်များ

2 Mbaije 17:15

Deḛ d’uba godndiaje d’ya̰ ləm, gə ta manrɔ ləa gə́ yeḛ man ne rəa ar bɔ deeje-je ləma, gə ta ndəji kɔrje gə́ yeḛ ndəji dee ləm tɔ lé d’ya̰. Deḛ d’aw goo néje gə́ gə mḭdé ba ar dee nja kara tel to ne néje gə́ gə mḭdé ba ya tɔ, ndolè ne goo ginkoji dəwje gə raŋg gə́ gugu gir dee gə́ Njesigənea̰ ɔg dee dɔ ndaji kəm dee’g lé.

Pakɔsje 142:4

Loo gə́ ndiləm unda bala məəm’g lé I nja gər kila rəw-kabm gao, Deḛ d’iya gum dɔ rəw gə́ m’njaa keneŋ lé.

Pakɔsje 31:6

M’ya̰ ndiləm meḛ jii’g, Njesigənea̰, Ala gə́ njegin kankəmta lé I nja a taa dɔm.

Pakɔsje 69:14

Nɛ ma lé m’ra tamaji tai-i Njesigənea̰’g, Ǝi Ala, maji kar ndɔ neelé to ndɔ noji gə goo bao-meemaji ləi ləm, Maji kari ilam keneŋ Mba kam m’gər gao to gə́ i a gə la səm ləm tɔ.

Jeremi 10:8

Deḛ lai to gə́ mbəje gə njégərnéelje, Gosɔnégər lə dee to gə́ né gə́ kari ba: To gə́ kag!

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Misee 1:2

Seḭ koso-dəwje lai lé ooje ta nee! Naŋg gə dəwje lai gə́ d’isi keneŋ lé Urje mbi sí gèŋ! Maji kar Njesigənea̰ Mbaidɔmbaije ɔr ta ila dɔ sí’g Mbaidɔmbaije, yeḛ gə́ si mee kəi-mbai’g ləa Gə́ to gə kəmee lé!

1 Samel 12:21

Ubáje yá̰je el. Ɓó lé bèe el ndá seḭ a ndolèje goo néje gə́ gə mḭdé ba gə́ d’askəm kar sí iŋgaje né keneŋ el ləm, d’askəm kɔr sí kɔm sí tar el ləm tɔ mbata deḛ to néje gə́ gə mḭdé ba ya.