Junas 2:6 - Maktub gə́ To gə Kəmee

⁶ Manje neelé tur dɔm pubug Gə mba kar kəmə ləm godo, Ŋguru mán neelé tula dɔm yal ləm, Mu manje kara ɓindi na̰ dɔm’g ləm tɔ.

Junas 2:6 ပူးပေါင်းရင်းမြစ်များ

Maktub gə́ wɔji dɔ Jɔb 33:24

Mee Ala aw taḭ-taḭ dəa’g aree ula kura gə́ dara lé pana: Maji karee ilá tar ɓó aree aw mee bwa-dɔɓar’g el, Neḛ n’iŋga nékoga dəa mba̰!

Maktub gə́ wɔji dɔ Jɔb 33:28

Ala aji kankəmrɔ neḛ ɓó aree aw mee bwa-dɔɓar’g el, Bèe ɓa neḛ n’al ne rɔ neḛ dan lookàr’g.

Pakɔsje 104:6

I ar ɓul mán turu dəa pubug Asəna gə kubu gə́ ŋgal yududu bèe ləm, Manje lé d’aw njal teḛ sém mbalje’g ya ləm tɔ.

Pakɔsje 104:8

Mbalje lé d’ḭ mbaḭ-mbaḭ gə́ tar ləm, Bwa-wəlje kara rəm gə́ bər ləm tɔ Gə lée gə́ i wɔji ar dee lé ya.

Pakɔsje 116:3

Kulaje gə́ ka̰ yoo lé d’aḭ dɔm kɔr-kɔr ləm, Némeekaar kərm gə́ ka̰ bwa-dɔɓar lé ram ləma, Né gə́ too gə némeeko̰ lé d’ubam d’wam kérég ləm tɔ.

Pakɔsje 143:7

Ǝi Njesigənea̰, maji kari ɔs rɔi ɓad Gə mba kam né gə́ ma m’dəjii lé! Meem ila kas bilim. Maji kari o̰ kəmi səm el. Ɓó lé bèe el ndá m’a tel to asəna gə deḛ gə́ d’ɔm dee bwa-dɔɓar’g bèe.

Pakɔsje 16:10

Mbata i a kya̰’m ɓee lə njé gə́ d’wəi’g lé el ləm, Yeḛ gə́ i undá dan kəmi’g lé I a kyá̰ k aree unda naŋg ndəs el ləm tɔ.

Pakɔsje 18:5

Kula gə́ ka̰ yoo tɔm jo̰dɔrɔ ləm, Kəm-rəw-mán gə́ ka̰ tuji loo lé Am m’ɓəl m’ndəb ne pəd-pəd ləm tɔ.

Pakɔsje 30:3

Njesigənea̰, Ala ləm! Ma m’ila ndum naŋg m’no̰ ne wəl gə́ rɔi’g Ndá i nja ajim ya.

Pakɔsje 30:9

Njesigənea̰, ma lé m’ila ndum naŋg m’no̰ wəl gə́ rɔi’g! M’ra ndòo rɔ Njesigənea̰’g ya.

Pakɔsje 55:23

Maji kari ɔm nékodoje ləi gə́ wɔi dɔ Njesigənea̰’g Ndá yeḛ nja a gədi, Yeḛ a kya̰ loo kar né kára kara yə ŋgira njemeekarabasur lé el.

Pakɔsje 65:6

Néraije gə́ dum koo lé I ila sí ne keneŋ gə goo meemaji ləi, I Ala gə́ njekaji sí lé Dəwje lai gə́ d’isi əw rudu naŋg’d ləm, Gə deḛ gə́ d’isi dɔgoré-looje’g dan baa-boo-kad’g lé ləm tɔ D’unda meḛ dee yel gə́ dɔi’g ya.

Pakɔsje 69:2

Ǝi Ala, ajim ya kari Mbata manje lé d’a gə tula dɔm.

Esai 38:10

Ma m’pana: Loo gə́ m’isi lɔm dan mee ndɔje’g ləm ndá See kəm karm m’ḭ m’aw Tarəwɓeeje’g lə njé gə́ d’wəi Lal ne ges ləbje gə́ nai lé wa!

Esai 38:17

Aa oo, némeekonje ləm lé Tel to gə́ meekulɔm ləm, Gə mba kunda gə́ I undam dan kəmi’g lé ɓa I ɔrm ne dan bwa-tuji’g ya Mbata i ɔm kaiya ramje lai giri’g gogo.

Esai 40:12

See na̰ ɓa wɔji manje gə ŋgo jia wa. See na̰ ɓa wɔji tad lə dara gə dabla jia wa. See na̰ ɓa odo nduji naŋg mee nékwɔji-né Gə́ kaiyee loo munda kun təa kára wa. See na̰ ɓa wɔji kwɔi lə mbalje gə nékwɔjee wa. See na̰ ɓa wɔji kwɔi lə dɔdərlooje gə nékwɔjee wa.

Ejekel 26:20

n’a kɔsi piriŋ kilai gə deḛ gə́ dubu dee mee bwa’g rɔ koso-dəwje gə́ ləw’g. N’a kari aw si gin naŋg’d naŋg loo gə́ wa ŋgɔ njag-njag gə no̰ rɔ deḛ gə́ dubu dee mee bwa’g mba kar dəw kára kara si ɓee’g ləi el ŋga, ndá n’a kunda rɔnduba kul mbata lə ɓee lə njésikəmbaje.

Ejekel 31:14

mba kar kagje lai gə́ d’aar ta manje’g lé d’a kar dee ŋgal pur-pur el ŋga ləm, mba kar sém dee teḛ tar dan barkəm deeje gə́ ndər siŋ-siŋ’d lé el ŋga ləma, mba kar kag-sɛnəje lai gə́ d’ai mán yaa̰ lé ŋgal dee a to to gə́ kédé el ŋga ləm tɔ. Mbata deḛ lai lé yoo ɓa wɔji dɔ dee kar dee d’aw gin naŋg’d bər mbuna dəwje lai gə́ dubu dee bwa-dɔɓar’g na̰’d.

Habakuk 3:10

Dɔ mbalje d’ooi ndá d’unda bala, Ko̰ ndi mbél manee naŋg, Ɓul mán ar ndia ɓar wəl ləm, Ar paŋgəm manje d’ḭ gə́ tar ləm tɔ.

Habakuk 3:6

Yeḛ aar naŋg ndá yeḛ wɔji loo gə́ dɔ naŋg nee gə kəmee, Yeḛ aa loo gərərə ndá ar ginkoji dəwje gə raŋg d’unda bala, Dɔ mbalje gə́ to gə ləb dee ləb dee gə no̰ lé Tɔ pɔs-pɔs ləm, Dɔdərlooje gə́ ləw lé Rəm gə́ naŋg ləm tɔ, Deḛ ɓa gə́ kila-rəwje gə́ yeḛ njaa keneŋ kédé lé.

Matiyo 16:18

Ma nja m’ulai təsərə: I to Piɛrə, dɔ mbal neelé m’a rɔd Eglisə ləm dɔ’g. Lé riri gə́ a gə teḛ gə tarəw gə́ ɓee lə yoo kara a koma̰ səa pi ya.

Tel tura Godndu 32:22

Mbata pər oŋg ləm mbudu o̰ ndá A ko̰ saar teḛ rudu loo-si njé gə́ d’wəi’g A roo naŋg nee gə kandə néje gə́ d’uba keneŋ ləm, A kaw saar teḛ gel mbalje’g naŋg ləm tɔ.