Junas 1:14 - Maktub gə́ To gə Kəmee

¹⁴ Yen ŋga deḛ no̰ ɓar Njesigənea̰ pana: Ǝi, Njesigənea̰, ya̰ sí ar sí n’tujije mbata lə dəw gə́ neelé el ləm, ar məs njegelgodo neelé nai dɔ síjeḛ’g el ləm tɔ. Mbata i, Njesigənea̰ lé i ya ra né to gə́ məəi ndigi.

Junas 1:14 ပူးပေါင်းရင်းမြစ်များ

Gḭ-Néje 9:6

Dəw gə́ rara ɓa ila məs dəw maree naŋg lé Maree kara a kila məsee-yeḛ naŋg ya tɔ, Mbata Ala ra dəw aree to tana səa pai-pai ya.

Pakɔsje 107:28

Deḛ no̰ wəl dan néurti gə́ ra dee’g Ɓar ne Njesigənea̰ ndá Yeḛ ɔr dee dan néɓəŋgərətije gə́ ra dee’g lé.

Pakɔsje 115:3

Ala lə sí lé si dara ya, Yeḛ nja ra néje lai to gə́ mée ndigi.

Pakɔsje 135:6

Néje lai gə́ Njesigənea̰ ndigi lé ndá yeḛ ra ya, Néje gə́ mee dara’g gə dɔ naŋg nee ləm, Dan baa-boo-kadje’g gə dan ɓul manje’g lé ləm tɔ.

Esai 26:16

Njesigənea̰, loo gə́ d’isi dan néurti’g lé Deḛ ndolè gooi ləm Deḛ no̰ nɔḭ’g gə tamaji Loo gə́ i ar bo̰ néra dee ɔs ta dee’g ləm tɔ.

Junas 1:13

Dəwje neelé d’wa hai kɔgərɔ gə mba teḛ kaar koŋgo’d nɛ d’oma̰ pi mbata baa-boo lé ḭ dɔ maree’d gə́ kédé-kédé ya.

Junas 1:16

Dəwje neelé kaar dee wa dee paḭ ar dee ɓəl Njesigənea̰, tɔɓəi deḛ d’inja nékinjaməs d’ar Njesigənea̰ ləm, d’un ndu dee d’aree ləm tɔ.

Junas 1:5

Njébatoje neelé ɓəl yaa̰ ar nana kara no̰ ɓar magə ləa-ləa ya, tɔɓəi deḛ d’odo néje gə́ mee bato’g lé d’ɔm dan mán baa-boo’g ɓa gə mba kya̰ bato lé karee wɔilɔ pélé. Nɛ Junas lé uru mee bato gə́ bər to keneŋ ar ɓi tɔlee pərəg tɔ.

Junas 3:8

Nɛ maji kar dee d’ula kubu-kwa-ndòo rɔ dee’g, dəwje ləm, gə daje ləm tɔ kar dee d’ɔr ndu dee gə́ tar wəl no̰ ne gə kaar gəd rɔ Ala’g lé. Maji kar dəwje kára-kára lai lé d’uba goo néra deeje gə́ majel ləm, gə goo néra gə́ kərm-kərm gə́ ji dee ɓa ra lé ləm tɔ d’ya̰.

Matiyo 11:26

Oiyo, Bɔm, ma m’pidii mbata i ndigi ra togə́bè ya.

Néra Njékaḭkulaje 28:4

Loo gə́ njéɓeeje d’oo li-meewai gə́ nà jia’g jərəŋ lé ndá d’ula na̰ wédé-wédé pana: Tɔgərɔ ya, dəw neelé to gə́ njetɔl dəw ya, mbata yeḛ teḛ ta yoo gə́ mán, nɛ naji teá el nja ɓəi.

Njé gə́ Epesə 1:11

Mbɔl dɔ Kristi lé ɓa jeḛ n’tel n’to ne nédɔji ləa gə goo kuma̰ gə́ yeḛ nja kuma̰ sí mée’g kédé gə́ dɔtar, yeḛ nja ɓa unda ne néje lai gə goo nduree-nduree to gə́ mée wɔji

Njé gə́ Epesə 1:9

Yeḛ ar sí n’gər ne né gə́ mée wɔji gə́ to loo-kiya’g gə goo némeemaji gə́ yeḛ nja wɔji-kwɔji mba ra lé ɓa

Tel tura Godndu 21:8

Ǝi Njesigənea̰! Ar məəi oso lemsé dɔ koso-dəwje’g ləi gə́ Israɛl gə́ i uga dɔ dee lé, ila ta məs njegelgodo neelé dɔ koso-dəwje’g ləi gə́ Israɛl lé el.