Jujé 9:4 - Maktub gə́ To gə Kəmee

⁴ deḛ ra goso d’ɔm na̰ rəbə gə nésɔ gə́ ka̰ sɔ njaa ne rəbə ji dee’g. Deḛ d’odo bar ɓɔl kɔm néje dɔ mulayḛ̀je-je’g lə dee ləm, gə ɓɔl ndarje gə́ ka̰ kɔm mán-nduú gə́ mḭ keneŋ gə́ d’inja bərəŋ-bərəŋ ɓa tel d’ur dee gogo ləm,

Jujé 9:4 ပူးပေါင်းရင်းမြစ်များ

Gḭ-Néje 34:13

Ŋgalə Jakob ndigi ta Sikem’g gə bɔbeeje’g Hamɔr lé d’ula dee ta gə goso mbata Sikem lé tuji ŋgoko̰ dee gə́ dené lé mba̰.

Pakɔsje 119:83

Mbata ma lé m’to asəna gə ɓɔl gə́ naa̰ tar kəm sa’g bèe, M’ar məəm wəi dɔ godnduije’g lé nda̰ el.

Matiyo 10:16

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.

Matiyo 9:17

Dəwje d’ɔm mán-nduú gə́ sigi mee ɓɔl-ndar gə́ ləw’g el mbata ɓɔl-ndar lé a kinja bim ndá mán-nduú gə́ sigi a kɔm naŋg ləm, ɓɔl-ndar a tuji ləm tɔ. Man-nduú gə́ sigi lé d’ɔm mee ɓɔl-ndar gə́ sigi’g tɔ ndá mán-nduú ləm, gə ɓɔl-ndar ləm tɔ lé d’a kwa naŋg jəb ya.

Mark 2:22

Dəw kára kara a kɔm mán-nduú gə́ sigi mee ɓɔl-ndar gə́ ləw’g el mbata loo gə́ mán-nduú neelé a kḭ njem-njem ndá a kar ɓɔl-ndar gə́ ləw lé inja uguju kar mán-nduú lé ən naŋg səd ləm, ɓɔl-ndar kara a tuji ləm tɔ. Bèe ndá maji kar dee d’ɔm mán-nduú gə́ sigi mee ɓɔl-ndar gə́ sigi.

Lugu 16:8

Loo gə́ ɓéeje oo goso lə njekaa dɔ néje ləa gə́ to majikoji el lé yeḛ ɔree ndəŋ ɔs ne gajee. Mbata ŋganje gə́ ɓasinè lé goso lə dee gə́ deḛ ra wɔji ne dɔ mar deeje lé dum ka̰ ŋgan lookàrje ya.

Jujé 9:12

Aa ooje, muru lə sí ɓa nee, loo gə́ j’ḭ ne mee kəi’g lə sí mee ndəa gə́ j’ḭ gə mba ree rɔ sí’g lé yee to gə loo nuŋga ɓəi, nɛ ɓasinè yee tudu kurum-kurum ləm, gə to gə́ bumeje ləm tɔ.

Jujé 9:13

Ɓɔl ndarje gə́ ka̰ mán-nduú gə́ j’ɔm né keneŋ neelé ya kara to gə́ sigi ya ɓəi nɛ aa ooje, ɓasinè d’inja bərəŋ-bərəŋ mba̰, kubuje lə sí gə négɔlje lə sí kara ŋgisi gə mbata lə rəw-kaw sí gə́ əw yaa̰ lé.

Jujé 9:3

Nɛ njé gə́ Gabao̰ lé loo gə́ d’oo ta né gə́ Juje ra gə Jeriko gə Ai ndá,

Jujé 9:5

d’ula ŋgisi négɔlje gə́ d’ur gɔl dee’g ləma, gə ŋgisi kubuje rɔ dee’g ləm tɔ, nésɔje lai gə́ to rɔ dee’g lé to bina gə́ d’ila gə́ tudu kurum-kurum ləm, gə yee gə́ to bumeje ləm tɔ.