Jujé 9:3 - Maktub gə́ To gə Kəmee

³ Nɛ njé gə́ Gabao̰ lé loo gə́ d’oo ta né gə́ Juje ra gə Jeriko gə Ai ndá,

Jujé 9:3 ပူးပေါင်းရင်းမြစ်များ

2 Samel 2:12

Abner, ŋgolə Ner gə njérɔje lə Is-Boset, ŋgolə Sawul d’ḭ Mahanayim d’ɔr rɔ d’aw Gabao̰.

1 Sôrta Gḭka-Israɛlje 12:4

gə Jismaeja, dəw gə́ Gabao̰ gə́ to bao-rɔ mbuna deḛ gə́ rɔ-munda’g lé ləm, yeḛ to mbai dɔ njé gə́ yeḛ ɔm dee’g rɔ-munda lé ləm tɔ,

2 Sôrta Gḭka Israɛlje 1:3

Salomo̰ aw gə koso-dəwje lai neelé na̰’d dɔ loo gə́ ndəw’d gə́ to Gabao̰. Lée gə́ neelé ɓa d’iŋga kəi-kubu-kiŋga-na̰ lə Ala gə́ Moyis, kura lə Njesigənea̰ ra dɔdilaloo’g lé keneŋ.

Jeremi 28:1

Mee ləb’g neelé loo gə́ Sedesias, mbai un kudu ko̰ ne ɓee, mee naḭ gə́ njekɔm’g mi mee ləb gə́ njekɔm’g sɔ lé Hanania, ŋgolə Ajur gə́ to njetegginta gə́ Gabao̰, ulam ta mee kəi’g lə Njesigənea̰ kəm njékinjanéməsje’g ləm, gə kəm koso-dəwje’g lai ləm tɔ pana:

Jujé 10:1

Loo gə́ Adoni-Sedek, mbai gə́ Jerusalem oo to gə́ Juje taa ɓee gə́ Ai tujee pugudu-pugudu ləm, oo to gə́ yeḛ ra gə Ai gə mbai gə́ keneŋ to gə́ yeḛ ra gə Jeriko gə mbai gə́ keneŋ ləma, oo to gə́ njé gə́ Gabao̰ d’ɔm na̰’d gə Israɛlje d’isi ne mbuna dee’g ləm tɔ ndá,

Jujé 10:2

ɓəl-boo undá badə gaŋgee, mbata Gabao̰ lé to ɓee-boo gə́ boi yaa̰ kára mbuna ɓee-booje gə́ lə mbaije ləm, boi yaa̰ unda ɓee-boo gə́ Ai kara ləma, ar diŋgamje lai gə́ d’isi keneŋ to gə́ bao-rɔje ləm tɔ.

Jujé 10:28

Mee ndəa’g neelé Juje rɔ gə ɓee gə́ Makéda gə kiambas ɓa taa ne, yeḛ tɔl mbai gə́ keneŋ ləm, gə koso-dəwje lai gə́ d’isi keneŋ ləma, yeḛ tuji ne ɓee-boo neelé pugudu-pugudu ləm tɔ, yeḛ ya̰ loo ar dəw kára kara teḛ aḭ aw el ndá yeḛ ra gə mbai gə́ Makéda to gə́ yeḛ ra ne gə mbai gə́ Jeriko lé bèe tɔ.

Jujé 10:30

Njesigənea̰ ya̰ Libna gə mbai gə́ keneŋ ji Israɛlje’g ar dee rɔ səa gə kiambas tuji ɓee-boo ləm, gə deḛ lai gə́ d’isi keneŋ pugudu-pugudu ləm tɔ, yeḛ ya̰ loo ar dəw kára kara teḛ aḭ aw el ndá yeḛ ra gə mbai gə́ keneŋ to gə́ yeḛ ra ne gə mbai gə́ Jeriko lé bèe tɔ.

Jujé 11:19

Ɓee-boo kára kara gə́ ɔm na̰’d gə Israɛlje lé godo nɛ Hebje gə́ d’isi Gabao̰ ya kára ba ɓa d’ɔm sə dee na̰’d, ndá deḛ taa ɓee-booje neelé lai gə rɔ tɔ.

Jujé 18:25

Gabao̰, gə Rama, gə Beerot,

Jujé 21:17

mbuna ginkoji Bḛjamije’g lé d’ar dee Gabao̰ gə looje gə́ gugu dəa sub ləm, gə Geba gə looje gə́ gugu dəa sub ləm tɔ,

Jujé 9:17

Mbata loo gə́ Israɛlje d’ɔd d’aw ndá ndɔ gə́ njekɔm’g munda ba ya deḛ teḛ ɓee-booje’g lə dee, ɓee-booje lə dee lé ri dee lə Gabao̰, gə Kepira, gə Beerot gə Kirjat-Yearim,

Jujé 9:22

Juje ula kula ɓar dee dəji dee togə́bè pana: See gelee ban ɓa seḭ suje kəm sí kédé pajena: Jeḛ j’isije əw sə sí nɛ ɓasinè seḭ síje mbuna sí’g nee wa.

Jujé 9:4

deḛ ra goso d’ɔm na̰ rəbə gə nésɔ gə́ ka̰ sɔ njaa ne rəbə ji dee’g. Deḛ d’odo bar ɓɔl kɔm néje dɔ mulayḛ̀je-je’g lə dee ləm, gə ɓɔl ndarje gə́ ka̰ kɔm mán-nduú gə́ mḭ keneŋ gə́ d’inja bərəŋ-bərəŋ ɓa tel d’ur dee gogo ləm,