Jujé 8:6 - Maktub gə́ To gə Kəmee

⁶ D’a tuba goo sí saar loo gə́ j’a ndɔr dee kar dee d’iya̰ ɓee-boo neelé əw mbata d’a pana: Deḛ d’aḭ no̰ sí’g to gə́ d’aḭ ne no̰ sí’g kédé lé. Togə́bè ɓa j’a kaḭ no̰ dee’g bèe ya.

Jujé 8:6 ပူးပေါင်းရင်းမြစ်များ

Teḛ-Raga 14:3

Parao̰ a pata kwɔji ne dɔ Israɛlje pana: Deḛ ndəm rəw gə́ ndəm, dɔdilaloo lé o̰ bia̰ dɔ dee’g.

Teḛ-Raga 15:9

Njéba̰je lé pana: N’a tubaje goo dee, n’a kwa deeje garəm, N’a kunda deeje banrɔ tɔ, Dal ba̰ lə neḛje kara n’a raje karee as lée’g ya, N’a kɔrje kiambas haar ndá Ji neḛje ɓa n’a tuji deeje ne.

Njekillamber 8:11

Mbata ta gə́ gaŋg dɔ néraje gə́ majel’d Gə́ d’aree aw ne lée’g béréré Dɔ dee’g kalaŋ el lé Ɓa ar dəwje d’wɔji ne néra gə́ majel Meḛ dee’g ra gə́ kédé-kédé.

Njekillamber 9:12

Dəw lé gər kàree gə́ wɔji dəa lé el To gə́ ka̰jije gə́ d’wa dee gə bura Gə́ to néyoo lé kara gər bèe el ləm, To gə́ yelje gə́ d’wa dee gə jàm gər bèe ləm tɔ. To gə́ deḛ bèe lé dəwje kara Némeeko̰ uba dee wa dee rès Mee ndəa gə́ teḛ dɔ dee’g wai lé tɔ.

Jujé 8:5

Nɛ jeḛ gə dəwje lai gə́ d’aw səm na̰’d lé j’a kaw pər gə́ ɓee-boo’g ŋga ɓa, loo gə́ d’a kunda loo teḛ mba tila kəm sí ndá j’a kaḭ no̰ dee’g to gə́ jeḛ j’aḭ ne no̰ dee’g kédé lé bèe ya tɔ.

Jujé 8:7

Bèe ɓa seḭ a kḭje loo-kiya-rɔ sí’g teḛje raga ndá seḭ a taaje ɓee-boo gə́ Njesigənea̰, Ala lə sí ya̰ ji sí’g lé tɔ.

Njéga̰g-Rəwtaje 20:32

Bḛjamije pana: Aa ooje, jeḛ n’dum dɔ dee to gə́ kédé lé ya ɓəi! Nɛ Israɛlje pana: Ar sí j’aḭje no̰ dee’g ndɔr deeje ne j’ar dee d’ya̰ ɓee-boo gə kuree ɓa mba teḛ ne sə dee rəwje gə́ wala ɓəi.