Jujé 8:2 - Maktub gə́ To gə Kəmee

² I a ra gə Ai gə mbai gə́ keneŋ to gə́ i ra ne gə Jeriko gə mbai gə́ keneŋ bèe ya tɔ. Nɛ seḭ a ŋgəmje nébanrɔ gə da-kulje gə mbata lə sí-seḭ. Maji kari ar njérɔje d’aw d’iya rɔ dee gir ɓee’g ɓa.

Jujé 8:2 ပူးပေါင်းရင်းမြစ်များ

2 Sôrta Gḭka Israɛlje 13:13

Jeroboam lé ar njérɔje ləa d’um dee goo dee’g ləm, ar ges dee d’aar no̰ Judaje’g ləm tɔ.

2 Sôrta Gḭka Israɛlje 20:22

Loo gə́ d’un kudu kɔs paje ləm, gə pa pidije ləm tɔ ndá Njesigənea̰ ula Amo̰je, gə Moabje, gə njé gə́ dɔ mbal gə́ Seir gə́ ree gə mba rɔ gə Judaje lé na̰’d wɔr. Bèe ɓa deḛ nja naḭ dɔ na̰’d tuji na̰.

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Gosota-Kəmkàrje 13:22

Dəw gə́ njemeemaji lé Nénduba ləa to mbata ŋgan meḛ ŋganeeje, Nɛ nébaoje lə njekaiya lé D’unda kul mbata lə njemeekarabasur.

Gosota-Kəmkàrje 28:20

Dəw gə́ to ŋgonkoji lé iŋga ndutɔr si danee’g bèdèg, Nɛ yeḛ gə́ ndəb ndəb tel bao lé a lal kar ta wa dəa el.

Jeremi 17:11

Dəw gə́ mbo̰ nékiŋgaje Gə́ gə goo rəbee el gə́ dɔ na̰’d-na̰’d lé To asəna gə kɛrɛ gə́ to dɔ kaw’d gə́ to kea̰ el, Loo gə́ ndɔje ləa nai kédé ya ɓəi ndá Yeḛ a kuba dee kya̰ dee ndá Rudu ndɔ ləa lé yeḛ tel to mbə-dəw.

Jeremi 51:12

Undaje nétɔji lə sí Wɔjije ne dɔ ndògo-bɔrɔ Gə́ Babilɔn njoroŋ. Ŋgəmje loo pèrèrè ləm, Undaje njéŋgəmlooje keneŋ ləma, Gɔlje loo-kumje ləm tɔ. Mbata né gə́ Njesigənea̰ wɔji njaŋg Gə mba ra lé ndá, Yeḛ aree aw lée’g béréré mba̰. To né gə́ yeḛ pa wɔji ne dɔ Deḛ gə́ d’isi Babilɔn lé.

Tel tura Godndu 2:35

Nɛ né kára ba lé da-kulje gə némajije gə́ mee ɓee-booje’g lé ɓa jeḛ n’taaje gə́ nébanrɔ lə sí tɔ.

Tel tura Godndu 20:14

Nɛ seḭ a kya̰je denéje, gə ŋganje, gə nékulje, gə néje lai gə́ mee ɓee-boo’g lé, tɔɓəi seḭ a sɔje némajije lə njéba̰je lə sí gə́ Ala lə sí gə́ Njesigənea̰ ya̰ dee ji sí’g lé.

Tel tura Godndu 3:2

Njesigənea̰ ulam pana: Maji kari ɓəlee el, mbata ma m’yá̰ meḛ ji’g mba̰, yeḛ gə koso-dəwje ləa lai ləm, gə ɓee ləa ləm tɔ, a ra səa to gə́ i ra gə Siho̰, mbai lə Amɔrje gə́ si Esbon lé bèe ya.

Jujé 10:1

Loo gə́ Adoni-Sedek, mbai gə́ Jerusalem oo to gə́ Juje taa ɓee gə́ Ai tujee pugudu-pugudu ləm, oo to gə́ yeḛ ra gə Ai gə mbai gə́ keneŋ to gə́ yeḛ ra gə Jeriko gə mbai gə́ keneŋ ləma, oo to gə́ njé gə́ Gabao̰ d’ɔm na̰’d gə Israɛlje d’isi ne mbuna dee’g ləm tɔ ndá,

Jujé 10:28

Mee ndəa’g neelé Juje rɔ gə ɓee gə́ Makéda gə kiambas ɓa taa ne, yeḛ tɔl mbai gə́ keneŋ ləm, gə koso-dəwje lai gə́ d’isi keneŋ ləma, yeḛ tuji ne ɓee-boo neelé pugudu-pugudu ləm tɔ, yeḛ ya̰ loo ar dəw kára kara teḛ aḭ aw el ndá yeḛ ra gə mbai gə́ Makéda to gə́ yeḛ ra ne gə mbai gə́ Jeriko lé bèe tɔ.

Jujé 11:14

Israɛlje ŋgəm nébanrɔje lə ɓee-booje neelé lai ləm, gə nékulje gə́ keneŋ ləm tɔ, nɛ diŋgamje lai gə́ keneŋ lé deḛ tɔl dee gə kiambas ar né gə́ əmə kára kara nai kəmba el.

Jujé 6:21

Deḛ tuji néje lai-lai gə́ to mee ɓee’g neelé gə kiambas, diŋgamje gə denéje ləm, ŋganje gə ɓugaje ləma, maŋgje gə badje gə mulayḛ̀je-je kara ləm tɔ.

Jujé 8:12

Juje mbər njérɔje tɔl-dɔg-loo-mi (5.000) jén bèe, ar dee d’aw d’iya rɔ dee pən Betel gə Ai’g, par gə́ kel dɔ-gó lə ɓee-boo neelé.

Jujé 8:14

Loo gə́ mbai gə́ Ai oo Israɛlje bèe ndá njé gə́ Ai d’ḭta gə ndɔ rad gə tɔg dee, tɔɓəi deḛ d’unda loo teḛ d’aw tila kəm Israɛlje gə mba rɔ sə dee tɔ. Mbai lé gə koso-dəwje ləa lai d’aw par gə́ loo gə́ wɔji dɔ ndag-loo’g nɛ ta lə dee gə́ d’iya rɔ dee gir ɓee-boo’g gə mba gaŋg gel dee lé deḛ gər el.

Jujé 8:19

Loo gə́ yeḛ ula jia ndiŋ lé ndá njérɔje gə́ d’iya rɔ dee lé d’unda loo mee loo-si dee’g kalaŋ teḛ, deḛ d’andə mee ɓee-boo’g ləm, deḛ taa ɓee-boo neelé ləma, deḛ d’ɔs rɔ dee ɓad gə mba tila pər keneŋ ləm tɔ.

Jujé 8:24

Loo gə́ Israɛlje tɔl njé gə́ Ai lai mee wala’g əsé mee dɔdilaloo’d gə́ deḛ tuba dee keneŋ d’ar dee d’wəi yoo-kiambas mba̰ ndá Israɛlje lai tel ree rɔ ɓee gə́ Ai tujee gə kiambas tɔ.

Jujé 8:3

Togə́bè ɓa Juje ḭta gɔl dɔ rəa gə njérɔje gə mba kaw rɔ ne gə njé gə́ Ai tɔ. Yeḛ mbər bao-rɔje tɔl-dɔg-loo rɔ-munda (30.000) ar dee d’ɔd d’aw loondul’g,

Jujé 8:7

Bèe ɓa seḭ a kḭje loo-kiya-rɔ sí’g teḛje raga ndá seḭ a taaje ɓee-boo gə́ Njesigənea̰, Ala lə sí ya̰ ji sí’g lé tɔ.

Jujé 8:8

Loo gə́ seḭ a taaje ɓee-boo neelé mba̰ ndá seḭ a réeje gə pər ləm, a raje to gə́ Njesigənea̰ pa ne taree lé ləm tɔ, yee neelé ɓa to ndukun, gə́ ma m’un m’ar sí ya.

Jujé 8:9

Juje ar dee d’ɔd d’aw ndá d’aw d’iya rɔ dee gə goo ŋgəḭ pə̰ Betel gə Ai’g, par gə́ dɔ-gó lə ɓee gə́ Ai. Nɛ loondul’g neelé Juje to mbuna njérɔje’g ya.

Jujé 9:3

Nɛ njé gə́ Gabao̰ lé loo gə́ d’oo ta né gə́ Juje ra gə Jeriko gə Ai ndá,