Jujé 8:18 - Maktub gə́ To gə Kəmee

¹⁸ Njesigənea̰ ula Juje pana: Ula niŋga gə́ to jii’g ndiŋ par gə́ dɔ ɓee-boo gə́ Ai mbata m’a gə kya̰ jii’g ŋga. Ndá Juje ula niŋga gə́ to jia’g lé ndiŋ gə́ dɔ ɓee-boo gə́ Ai ya tɔ.

Jujé 8:18 ပူးပေါင်းရင်းမြစ်များ

Maktub gə́ wɔji dɔ Jɔb 15:25

Mbata yeḛ un jia ɔs ne ta lə Ala rəw ləm, Yeḛ ti rəa dɔ Bao-siŋgamoŋ’d ləm tɔ.

Maktub gə́ wɔji dɔ Jɔb 39:23

Kaa ku ɓandaŋg ɓar dəa’g kogoro-kogoro ləm, Nḭga-ndəi gə niŋga-dubu ndɔḭ pəl-pəl rəa’g ləm tɔ.

Teḛ-Raga 14:16

I lé un kag-tɔs ləi gə́ tar, ula jii ndiŋ dɔ mán baa-boo’g lé kaiyee ne dana, bèe ɓa Israɛlje d’a dəs mee baa-boo’g lé loo gə́ tudu kurum-kurum’g ya.

Teḛ-Raga 8:1

Njesigənea̰ ula Moyis pana: Ula Aaro̰ pana: Ula kag-tɔs gə́ to jii’g ndiŋ gə́ dɔ baaje’g ləm, dɔ kəm-rəw-manje’g ləma, gə dɔ duu-manje’g ləm tɔ gə mba kar kurkuduje tal gə́ mee ɓee gə́ Ejiptə.

Teḛ-Raga 8:5

Moyis ula Parao̰ pana: I nja wɔji kàr gə́ m’a ra ne tamaji ta Njesigənea̰’g mbata lə mbai ləm, gə mbata kuraje ləi ləma, gə mbata dəwje ləi ləm tɔ, gə mba karee ɔr kurkuduje neelé pam dɔi’g ləm, gə dɔ kəije’g ləi ləm tɔ. Ndá d’a nai mee baa’g ya ba ŋga.

Ejekel 30:25

N’a kar kag ji mbai gə́ Babilɔn ɓar mèr-mèr nɛ kag ji Parao̰ a kunda ndolé. Bèe ɓa d’a gər ne to gə́ neḛ n’to Njesigənea̰ loo gə́ n’a kula kiambas lə neḛ ji mbai gə́ Babilɔn’g ɓa yeḛ a kwa kwɔji ne dɔ ɓee gə́ Ejiptə njoroŋ lé.

Jujé 8:17

Mee ɓee gə́ Ai gə Betel lé diŋgam kára kara gə́ lal tuba goo Israɛlje lé godo. Deḛ d’ya̰ tarəw ɓee-boo neelé tag ndá deḛ tuba goo Israɛlje tɔ.

Jujé 8:19

Loo gə́ yeḛ ula jia ndiŋ lé ndá njérɔje gə́ d’iya rɔ dee lé d’unda loo mee loo-si dee’g kalaŋ teḛ, deḛ d’andə mee ɓee-boo’g ləm, deḛ taa ɓee-boo neelé ləma, deḛ d’ɔs rɔ dee ɓad gə mba tila pər keneŋ ləm tɔ.

Jujé 8:26

Ji Juje gə́ ula gə niŋga par gə́ tar lé yeḛ rəm ne el saar deḛ tuji dəwje gə́ Ai lai pugudu-pugudu ɓa.

Jujé 8:7

Bèe ɓa seḭ a kḭje loo-kiya-rɔ sí’g teḛje raga ndá seḭ a taaje ɓee-boo gə́ Njesigənea̰, Ala lə sí ya̰ ji sí’g lé tɔ.

1 Samel 17:41

Dəw gə́ Pilisti lé ree lam-lam gə rɔ Dabid’g ləm, dəw gə́ njekun dər ləa lé njaa ne nea̰’g ləm tɔ.

1 Samel 17:45

Dabid ula dəw gə́ Pilisti lé pana: I lé ree gə kiambas gə ko̰-niŋga mba rɔ ne səm. Nɛ ma lé m’aw gə́ dɔi’g gə ri Njesigənea̰ gə́ njeboo-néje, yeḛ gə́ to Ala gə́ njeboo-néje gə́ Israɛl gə́ i ula sul dəa’g lé ya.

1 Samel 17:6

Nérɔ gə́ ra gə larkas to kag gɔleeje’g ləm, ko̰-niŋga gə́ ra gə larkas to dɔ bagee’g ləm tɔ.