Jujé 7:9 - Maktub gə́ To gə Kəmee

⁹ Kana̰je gə deḛ lai gə́ d’isi mee ɓee’g neelé d’a koo taree ndá d’a ree kaḭ dɔ sí sub ləm, d’a kar ri sí udu bo̰ dɔ naŋg nee ləm tɔ. Ŋga see ɗi ɓa i a ra mba kar boo-riɓar ləi to ne ɓəi wa.

Jujé 7:9 ပူးပေါင်းရင်းမြစ်များ

Pakɔsje 115:1

Ǝi Njesigənea̰, kəm kar síjeḛ ɓa j’iŋga riɓar el, Kəm kar síjeḛ ɓa jḭga riɓar el, Nɛ kəm kar dee d’ula rɔnduba dɔ rii-i’g ɓa Mbata meemaji ləi gə meenda londoŋ ləi lé.

Pakɔsje 48:10

Ǝi Ala, meemaji ləi lé jeḛ j’ə̰ji taree meḛ sí’g Dan mee kəi’g ləi gə́ to gə kəmee.

Pakɔsje 79:9

Ala, i gə́ to njekaji sí lé Maji kari ree la sə sí gə mba kar rii ɓar ne ləm, Gə́ taa dɔ sí ar məəi oso lemsé dɔ kaiya ra síje’g Mbata lə rii-i nja ləm tɔ.

Pakɔsje 83:4

Deḛ d’wɔji-kwɔji mba ra gosɔyèr gə koso-dəwje ləi ya ləm, D’ula ta meḛ na̰’d Gə mba tuji deḛ gə́ i aḭ bada dɔ dee’g lé ya ləm tɔ.

Pakɔsje 83:5

Deḛ lai pana: Gə́ reeje ar neḛ n’tɔje kó dee mbuna ginkoji dəwje gə raŋg’g Mba kar meḛ dəwje olé ne dɔ ri Israɛl’g lé el ŋga.

Teḛ-Raga 32:12

See mbata ɗi ɓa njé gə́ Ejiptə d’a pa ne pana: Yeḛ lé ar dee d’unda loo teḛ mba kar né gə́ majel ra dee ləm, gə mba tɔl dee dɔ mbalje’g ləma, gə mba kar dee d’udu dɔdilaloo’g ləm tɔ lé wa. Maji kari tel gə oŋg ləi aree wəi bèm dɔ dee’g ləm, uba goo né gə́ majel gə́ i wɔji-kwɔji ra gə koso-dəwje ləi lé ya̰ ləm tɔ.

Ejekel 20:9

Nɛ lé togə́bè kara neḛ n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ d’isi mbuna dee’g el ləm, gə kəm ginkoji dəwje gə raŋg gə́ neḛ n’ar dee gər neḛ gə mba kar dee d’unda loo mee ɓee gə́ Ejiptə teḛ lé ləm tɔ.

Joɛl 2:17

Maji kar njékinjanéməsje Gə́ to kuraje lə Njesigənea̰ lé D’aar mbuna loo-nékinjaməs gə gel jala’g lé Ra tamaji no̰ gə mán-no̰ kəm dee’g pana: Ǝi Njesigənea̰, maji kari aji koso-dəwje ləi! Maji kari ya̰ né gə́ to nédɔji ləi aree tel to nérɔkul Gə nékunda-kogo lə ginkoji dəwje gə raŋg el. Maji kari ya̰ loo mba kar gel ɓeeje lə dəwje-dəwje lé D’a pa ne pana: Ala lə dee lé see si ra ɓəi wa bèe el.

Misee 7:10

Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Bula lə Israɛlje 14:13

Moyis ula Njesigənea̰ pana: Bèe ɓa njé gə́ Ejiptə gə́ i ɔr koso-dəwje neelé mbuna dee’g gə goo siŋgamoŋ ləi lé d’a koo taree ndá

Tagə́maji gə́ Ja̰ ndang 12:28

Bɔm, ar rii oso gə loo mbidi-mbidi ya! Yen ŋga ndu ɓar dara pana: Rim oso gə loo mbidi-mbidi mba̰, nɛ m’a kar rim oso gə loo-loo ya tɔɓəi.

Tel tura Godndu 9:28

nà banelə dəwje gə́ mee ɓee gə́ i ar sí j’ḭ keneŋ j’unda loo n’teḛje lé d’a pana: To mbata siŋga Njesigənea̰ as mba kaw sə dee ɓee gə́ yeḛ un ndəa ar dee lé el ləm, to mbata yeḛ ə̰ji dee bəḭ-bəḭ ləm tɔ ɓa yeḛ ar dee d’unda ne loo teḛ gə mba kaw tɔl dee ne dɔdilaloo’g.

Jujé 7:10

Njesigənea̰ ula Juje pana: Uba naŋg ḭta! See gelee ban ɓa i dəb kəmi naŋg saar-saar bèe wa.

Jujé 7:8

Ǝi Mbaidɔmbaije, see ta ɗi ɓa m’a pa loo gə́ Israɛlje tel gir dee d’ila d’ar njéba̰je lə dee nee ɓəi wa.

1 Samel 12:22

Njesigənea̰ lé a kuba koso-dəwje ləa kya̰ dee el mbata lə boo-riɓar ləa gə́ ɓar yaa̰ lé mbata Njesigənea̰ wɔji mée’g njaŋg mba kar sí toje koso-dəwje ləa ya.