Jujé 7:6 - Maktub gə́ To gə Kəmee

⁶ Juje wa kubu rəa’g hao̰ til ndá yeḛ rəm bəbərə oso dəb kəmee naŋg no̰ sa̰duk-manrɔ’g lə Njesigənea̰’g saar ar kàr andə, yeḛ ləm, gə ŋgatɔgje lə Israɛl ləm tɔ, tɔɓəi deḛ saa naŋg d’ɔm dɔ dee’g tɔ.

Jujé 7:6 ပူးပေါင်းရင်းမြစ်များ

Gḭ-Néje 37:29

Rubḛ tel ree godə-bwa-mán’g ndá aa oo, Jisəb godo mee godə-bwa-mán’g lé. Yeḛ wa kubu ləa rəa’g hao̰ til,

Gḭ-Néje 37:34

Yeḛ wa kubu ləa rəa’g hao̰ til ndá yeḛ tɔ kubu-kwa-ndòo rḛgee’g tɔɓəi yeḛ wa ne ndòo ŋgonee kuree əw yaa̰.

2 Samel 1:11

Dabid wa kubuje gə́ rəa’g hao̰-hao̰ til ndá koso-dəwje lai gə́ d’isi səa kara ra togə́bè ya tɔ.

2 Samel 1:12

Deḛ d’wa ndòo yoo ləm, no̰ ləma, d’ɔg meḛ dee ɓoo ləm tɔ saar kàrkemetag mbata lə Sawul gə ŋgonee Jonatan gə koso-dəwje lə Njesigənea̰ gə gel-bɔje lə Israɛl to mbata deḛ tɔl dee gə kiambas.

2 Samel 1:2

Ndɔ gə́ njekɔm’g munda ndá dəw kára ḭ loo-si njérɔje’g lə Sawul. Kubuje gə́ rəa’g ŋgisi ləm, kor wa dəa lub-lub ləm tɔ. Loo gə́ yeḛ ree aar no̰ Dabid’g ndá yeḛ oso naŋg bəbərə dəb kəmee naŋg.

2 Samel 12:16

Dabid ra tamaji ta Ala’g lé mbata lə ŋgon lé ɔg ne mée ɓoo. Loo gə́ yeḛ tel aw mee kəi’g ləa ndá yeḛ to dɔ naŋg’d ya loondul’g.

2 Samel 13:19

Tamar saa bu ɔm dəa’g ləm, yeḛ til kubu ləa gə́ boi yul gə́ ndaŋg mèr gə́ rəa’g lé hao̰-hao̰ ləm tɔ, ndá yeḛ odo jia ɔm dəa’g tur kii pénéné-pénéné aw ne.

2 Samel 13:31

Mbai lé uba naŋg ḭta til kubuje ləa hao̰-hao̰ ndá tel to dɔ naŋg’d ba, ar kuraje ləa lai gə́ d’isi keneŋ kara til kubuje lə dee hao̰-hao̰ tɔ.

2 Mbaije 22:11

Loo gə́ mbai oo taje gə́ maktub godndu pa lé ndá yeḛ wa kubu ləa rəa’g hao̰-hao̰ til.

2 Sôrta Gḭka Israɛlje 34:19

Loo gə́ mbai lé oo taje gə́ maktub godndu pa lé ndá yeḛ wa kubuje ləa hao̰-hao̰ til.

Esdras 10:1

Loo gə́ Esdras oso naŋg bəbərə gə mán-no̰ kəmee’g ra ne tamaji neelé teg ne gin kaiya neelé ndá koso-Israɛlje bula ree mbo̰ dɔ na̰ rəa’g, diŋgamje ləm, gə denéje ləma, gə ŋganje ləm tɔ, dəwje neelé no̰ gə mán-no̰ kəm dee’g ɓugudu-ɓugudu.

Nehemi 9:1

Ndɔ gə́ njekɔm’g rɔ-joo-giree-sɔ gə́ mee naḭ’g neelé Israɛlje mbo̰ dɔ na̰, deḛ d’ula kubu-kwa-ndòo rɔ dee’g ləm, tuga kor naŋg d’ɔm dɔ dee’g ləm tɔ ɓa d’ɔg ne meḛ dee ɓoo tɔ.

Este 4:1

Loo gə́ Mardose oo néje lai gə́ deḛ ra lé ndá yeḛ til kubuje rəa’g hao̰-hao̰, ya̰ ula kubu-kwa-ndòo rəa’g ləm, sa bu ɔm dəa’g ləm tɔ. Tɔɓəi yeḛ aw dan mee ɓee-boo’g ɔr ndia wəl no̰ ne gə meeko̰ tɔ.

Este 4:3

Mee dəb ɓeeko̰je kára-kára lai gə́ d’aw gə ndukun lə mbai gə godndu ləa keneŋ lé boo-nékəmndoo to mbuna Jibje’g ya. Deḛ d’ɔg meḛ dee ɓoo ləm, deḛ no̰ sii mbigi-mbigi ləm, dəwje bula to naŋg gə kubu-kwa-ndòo rɔ dee’g ləma, deḛ rogo bu’g ləm tɔ.

Maktub gə́ wɔji dɔ Jɔb 1:20

Yen ŋga Jɔb ḭta til kubu ləa gə́ boi yul rəa’g ləm, ndisa dəa ŋgori-ŋgori ləm tɔ, tɔɓəi yeḛ oso naŋg bəbərə dəb kəmee naŋg

Maktub gə́ wɔji dɔ Jɔb 2:12

Loo gə́ deḛ nai əw ya ɓəi ndá d’un kəm dee d’ée ndá deḛ gəree el. Deḛ d’ɔr ndu dee gə́ tar wəl no̰ ne ləm, deḛ til kubuje lə dee gə́ boi yul-yul rɔ dee’g ləma, deḛ tuga kor d’ɔm dɔ dee’g ləm tɔ.

Maktub gə́ wɔji dɔ Jɔb 42:6

Gelee gə́ nee ɓa ma m’gaŋgta dɔ rɔm’g m’wa ne ndòo rɔm Dan babur’g ləm, gə dan bu pər’g ləm tɔ.

Nɔ̰-ndôo gə́ wɔji dɔ Jerusalem 2:10

Ŋgatɔgje lə ŋgoma̰də gə́ Sio̰ lé D’isi dɔ mundu, Deḛ tuga kor d’ɔm dɔ dee’g ləm, Deḛ d’ula kubu-kwa-ndòo ɓa rɔ dee’g ləm tɔ, Ŋgama̰dje gə́ Jerusalem lai lé D’ula dɔ dee naŋg.

Bula lə Israɛlje 14:6

Juje, ŋgolə Nun, gə Kaleb, ŋgolə Jepune lé to gə́ mbuna dee-deḛ gə́ d’aw tən loo mee ɓee’g lé deḛ kara til kubuje rɔ dee’g hao̰-hao̰ tɔ,

Bula lə Israɛlje 16:22

Moyis gə Aaro̰ d’oso naŋg bəbərə-bəbərə dəb kəm dee naŋg, deḛ pana: Ǝi Ala! i gə́ ar dəwje lai d’isi kəmba lé! Dəw kára ba ɓa ra kaiya ndá ŋga, see oŋg ləi a kḭ səi pu dɔ koso-dəwje’g ləi lai to gə́ ban wa.

Néra Njékaḭkulaje 14:14

Pool gə Barnabas gə́ to njékaḭkulaje lə Jeju lé loo gə́ deḛ d’oo bèe ndá d’wa kubu gə́ rɔ dee’g hao̰-hao̰ til ɓa deḛ teḛ pəd-pəd d’uru mbuna koso-dəwje’g neelé.

Jujé 7:7

Juje pana: Ai-i Mbaidɔmbaije gə́ Njesigənea̰, see gelee ban ɓa i ar koso-dəwje neelé gaŋg baa gə́ Jurdɛ̰ gə mba kya̰ sí ji Amɔrje’g gə mba tuji sí ne bèe wa. Ǝi, lé jeḛ n’gər bèe ndá si sí gə́ kel tura-baa gə́ Jurdɛ̰ maji unda ree si lə sí gə́ nee ya!

Loo gə́ killa rea kəm Ja̰’g 18:19

Deḛ sa babur d’ɔm dɔ dee’g ləm, deḛ no̰ gə mán-no̰ kəm dee’g ləm, d’wa ndòo-yoo ləma, deḛ no̰ pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Ɓee-boo gə́ garee godo gə́ njébatoje lai d’iŋga ne boo-nébaoje lə dee keneŋ lé mee kàree gə́ kára ba ya tuji teḛ dəa’g.

Njéga̰g-Rəwtaje 11:35

Loo gə́ yeḛ ée bèe ndá yeḛ wa kubuje rəa’g hao̰-hao̰ til pana: Wai ŋgonəm, i ar kaarm sɔlé solé-solé ya, i to gə́ mbuna deḛ gə́ d’am m’ndəb pəd-pəd lé. Ma m’un ndum gə ndu manrɔ m’ar Njesigənea̰ mba̰ ɓó m’askəm rəm gə ndum dɔ’g el.

Njéga̰g-Rəwtaje 20:23

Ndá Israɛlje d’ḭ d’aw no̰ no̰ Njesigənea̰’g saar kàrkemetag. Deḛ dəji Njesigənea̰ pana: See to kəm kar sí j’awje gə́ kédé mba rɔ gə Bḛjamije gə́ to ŋgako̰ síje lé ya ɓəi wa. Njesigənea̰ ila dee keneŋ pana: Awje aw rɔje sə dee ya.

Njéga̰g-Rəwtaje 20:26

Israɛlje lai gə koso-dəwje bura d’ḭ d’aw Betel, deḛ no̰ ləm, d’isi lée’g neelé no̰ Njesigənea̰’g d’ɔg ne meḛ dee ɓoo saar kàrkemetag ləma, d’inja nékinjaməs gə́ ka̰ roo gə nékinjaməs gə́ wɔji dɔ kɔm na̰’d no̰ Njesigənea̰’g ləm tɔ.

Njéga̰g-Rəwtaje 21:2

Koso-dəwje d’ḭ d’aw Betel d’aw d’isi no̰ Ala’g lé saar kàrkemetag. D’ɔr ndu dee gə́ tar wəl no̰ ne d’ar mán kəm dee wa dee mbəgə-mbəgə.

1 Samel 4:12

Mee ndəa gə́ neelé ya dəw gə́ Bḛjami kára ḭ loo-rɔ’g aḭ pəd-pəd teḛ Silo, ndá kubuje ləa til hao̰-hao̰ ləm, kor wa dəa lururu ləm tɔ.