Jujé 7:5 - Maktub gə́ To gə Kəmee

⁵ Njé gə́ Ai tɔl dee as dəwje rɔ-munda-gir-dee-misa̰ jén bèe, deḛ tuba goo dee un kudee tarəwɓee’g saar teḛ Sebarim ndá deḛ tɔl dee loo-suru-ɗum gə́ naŋg’d lə dee. Dəwje neelé meḛ dee ila kas ar meḛ dee təd mán tɔ.

Jujé 7:5 ပူးပေါင်းရင်းမြစ်များ

Pakɔsje 22:14

Deḛ teḛ ta dee ləgəgə-ləgəgə dɔm’g To gə́ toboḭ gə́ wa da inja miḭ dɔ’g hər-hər bèe.

Pakɔsje 58:7

Ǝi Ala, maji kari guru ŋgaŋ dee ləm, Njesigənea̰, maji kari tɔr ka ta dee Gə́ to asəna gə ka̰ ŋgan toboḭje bèe lé ɓɔgədɔ-ɓɔgədɔ ləm tɔ.

Esai 13:7

Gelee gə́ nee ɓa ji dəwje lai unda ne ndolè ləm, Meḛ dəwje lai ila ne kas bilim ləm tɔ.

Ejekel 21:7

I ŋgon-dəw lé maji kari tel kəmi par gə́ Jerusalem pata ila dɔ looje gə́ to gə kəmee! Teg ginta ila dɔ ɓee gə́ Israɛl!

Ləbije 26:36

Deḛ gə́ mbuna sí’d gə́ d’a si kəmba mee ɓee’g lə njéba̰je lə dee lé m’a kar meḛ dee təd mán, kaa kamje gə́ lel ula ne lé a ɓar goo dee’g kar dee d’aḭ, tɔɓəi d’a kaḭ ne gə́ kaḭ to gə́ dəw aḭ ne no̰ kiambas’g bèe ləm, lé dəw tuba dee el kara d’a toso kwəi ləm tɔ.

Nahum 2:10

Maji kar sí undaje larnda gə larlɔr gə́ nébanrɔ! Mbata nébaoje gə́ ɔs dɔ maree-maree to keneŋ ləm, Nébaoje gə́ ra gə néje gə́ gad dee to yaa̰ Gə gel dee gel dee lé to keneŋ ləm tɔ.

Tel tura Godndu 1:44

Togə́bè ɓa Amɔrje gə́ d’isi dɔ mbal’g neelé teḛ d’iŋga sí gə rɔ d’un sí ne no̰ dee’g to gə́ tə̰jije gə́ tuba dəw bèe, deḛ tɔl sí dɔ mbal gə́ Seir saar teḛ ne Ɔrma.

Jujé 2:11

Jeḛ j’ooje taree ndá meḛ sí ila kas ləm, ndil síjeḛ lai ya teḛ kág igi mbata lə sí ləm tɔ, mbata Njesigənea̰, Ala lə sí lé to Ala gə́ njesi sém dara gə́ tar ləm, gə dɔ naŋg nee ləm tɔ.

Jujé 2:9

tɔɓəi yeḛ ula dee pana: Ma m’gər gao, Njesigənea̰ ar sí ɓee neelé ləm, no̰ néra sí ɔm ɓəl dɔ sí’g ləma, dəwje lai gə́ mee ɓee’g neelé d’unda bala tigi-tigi no̰ sí’g ləm tɔ.

Jujé 5:1

Mbaije lə Amɔrje lai gə́ d’isi par gə́ dɔ-gó lə baa gə́ Jurdɛ̰ ləm, gə mbaije lə njé gə́ Kana̰ lai gə́ d’isi ta baa-boo-kad’g ləm tɔ lé, loo gə́ d’oo to gə́ Njesigənea̰ ar baa gə́ Jurdɛ̰ kai rəa dana no̰ Israɛlje’g saar ar sí n’dəsje loo gə́ tudu kurum-kurum’g ndá meḛ dee ila kas bilim ləm, ndil dee teḛ rɔ dee’g ləm tɔ gə mbata lə Israɛlje lé ya.