Jujé 7:26 - Maktub gə́ To gə Kəmee

²⁶ Tɔɓəi deḛ daa kɔri-ərje dɔ na̰’d sururu dɔ Aka̰’g d’aree to un kudee mee ndəa gən saar teḛ ɓogənè tɔ. Bèe ɓa Njesigənea̰ ar goo oŋg ləa gə́ nuŋga kəd-kəd lé yɔr ne. Gelee gə́ nee ɓa deḛ d’unda ne ri loo neelé lə wəl-loo lə Akɔr saar teḛ ne mee ndəa gən tɔ.

Jujé 7:26 ပူးပေါင်းရင်းမြစ်များ

2 Samel 18:17

Deḛ d’un nin Absalɔm d’ilá mee bwa gə́ boi gə́ to dan mee kag-kɔr’g ndá deḛ daa kɔri-ərje dɔ na̰’d dəa’g ndiil. Israɛlje d’aḭ d’ar nana kara aw mee kəi-kubu’g ləa-ləa.

2 Samel 21:14

Deḛ dubu siŋga Sawul gə ŋgonee Jonatan mee ɓee gə́ Sela, dɔ naŋg’d lə Bḛjami mee dɔɓar’g lə Kis gə́ to bɔ Sawulje lé. Togə́bè ɓa deḛ ra néje lai gə́ mbai un ndia dɔ’g ar dee lé. Gə goo né neelé ndá mee Ala to ne lɔm dɔ ɓee’g tɔ.

2 Sôrta Gḭka Israɛlje 29:10

Gelee gə́ nee ɓa m’wɔji gə mba kar síjeḛ gə Njesigənea̰, Ala lə Israɛlje manrɔ sí j’ar na̰ gə mba kar oŋg ləa gə́ o̰ to gə́ pər bèe lé wəi ne dɔ sí’g bèm ya.

Esdras 10:14

Bèe ndá maji kar ŋgan-mbaije lə sí ɓa nai tor koso-dəwje’g lé. Ndá deḛ lai gə́ d’isi mee ɓee-booje’g lə sí gə́ taa denéje gə́ ginkoji dee raŋg lé d’a ree mee ndəaje’d gə́ d’a kwɔji kar dee lé, d’a ree gə ŋgatɔgje gə njégaŋ-rəwtaje gə ɓee lə dee lə dee saar kar boo-oŋg lə Ala lə sí ḭ ne dɔ sí’d gə́ raŋg mbata né neelé ɓa.

Pakɔsje 85:4

I lé rəm gə boo-oŋg ləi ləm, Oŋg-boo ləi gə́ ḭ səi jugugu lé kara I aree wəi bèm ləm tɔ.

Teḛ-Raga 32:12

See mbata ɗi ɓa njé gə́ Ejiptə d’a pa ne pana: Yeḛ lé ar dee d’unda loo teḛ mba kar né gə́ majel ra dee ləm, gə mba tɔl dee dɔ mbalje’g ləma, gə mba kar dee d’udu dɔdilaloo’g ləm tɔ lé wa. Maji kari tel gə oŋg ləi aree wəi bèm dɔ dee’g ləm, uba goo né gə́ majel gə́ i wɔji-kwɔji ra gə koso-dəwje ləi lé ya̰ ləm tɔ.

Esai 40:2

Paje ta gɔlje ne meḛ njé gə́ Jerusalem gə ndu sí gə́ boi wəl pajena: Ra kula ɓər lə dee godo mba̰, Ta néra kori-kori lə dee ɔr dɔ dee’g mba̰ tɔ, Njesigənea̰ wɔji dee kəmkàr gə jia Godə kaiya ra deeje’g as gɔl joo.

Esai 65:10

Loo gə́ Saron a to loo-ko̰-mu lə ŋgan nékulje ləm, Wəl-loo gə́ Akɔr a to loo-to maŋgje ləm tɔ Gə mbata lə koso-dəwje ləm gə́ d’a saŋgəm lé.

Nɔ̰-ndôo gə́ wɔji dɔ Jerusalem 3:53

Deḛ d’ilam mee bwa-mán’g, Gə mba kam m’wəi ləm, Deḛ tila kɔri mbalje dɔm’g ləm tɔ.

Ojee 2:15

N’a kar bo̰ nérea ɔs təa’g Mbata lə ndɔje gə́ yeḛ aw roo né gə́ ə̰də sululu no̰ magə-Baal’gje lé ləm, Gə loo gə́ yeḛ ɔm ne ŋgamaje gə mərje rəa’g ləma, Gə mbata kaw gə́ yeḛ aw goo njéto səa’gje Ar mée wəi ne dɔ neḛ’g ləm tɔ, Njesigənea̰ ɓa pa bèe.

Ojee 2:17

Lée gə́ neelé ɓa n’a karee kag-nduúje ləa ləm, Gə kəm wəl-loo gə́ ria lə Akɔr lé N’a karee tel to tarəw kunda mee yel ləm tɔ. Lée neelé ɓa yeḛ a kɔs pa keneŋ Asəna gə loo gə́ yeḛ nai ne gə ma̰dee ɓəi lé ləm, Esé asəna gə ndɔ gə́ yeḛ unda ne loo mee ɓee gə́ Ejiptə teḛ lé ləm tɔ.

Joɛl 2:13

Arje ɓəŋgərə sí ɓa ti dus Ɓó tilje kubuje lə sí ɓa ba el, Ɔsje badm telje gə́ rɔ Njesigənea̰, Ala’g lə sí, Mbata yeḛ to njemeekaw taḭ-taḭ ləm, Gə njemeekɔrjol ləm, Oŋg ḭ səa kalaŋ el ləma, Yeḛ to bao-meemaji ləm tɔ Ndá yeḛ rəm gə ndia dɔ némajelje’d Gə́ yeḛ wɔji mba ra lé.

Joɛl 2:18

Kəm Njesigənea̰ əḭ dɔ ɓee’g ləa Ar mée aw taḭ-taḭ, Bèe ɓa yeḛ oo ne kəmtondoo lə koso-dəwje ləa.

Junas 1:15

Bèe ɓa deḛ d’un Junas d’ilá dan baa-boo’g. Ndá mán baa-boo lé tel to ndiŋ tɔ.

Jakari 6:8

Yeḛ ɓarm ndá ulam pana: Aa oo, deḛ gə́ d’aw gə́ par gə́ ɓee gə́ dɔgel lé d’ar oŋg lə neḛ oso dɔ ɓee gə́ dɔgel’g.

Bula lə Israɛlje 25:8

Yeḛ ndolè goo diŋgam gə́ Israɛl lé saar teḛ mee kəi-kubu’g ləa ndá yeḛ tɔs dee gə niŋga joo bɔr gel kum dee’g, diŋgam gə́ Israɛl ləm, gə dené lé ləm tɔ. Togə́bè ɓa gin yoo-koso lé gaŋg ne ŋgəji mbuna Israɛlje’g.

Tel tura Godndu 13:17

Seḭ a mbo̰je nébanrɔje lai ndaa-loo’g ndá seḭ a rooje ɓee-boo neelé dula-dula gə nébanrɔje lai gə́ to keneŋ no̰ Njesigənea̰ Ala’g lə sí: yee a tel to nduba ya piu-piu gə no̰ ɓó d’a tel kundá gogo nda̰ el.

Tel tura Godndu 13:18

Maji kar ji sí ɔrɔ né kára kara gə́ d’un ndu dee gə mba tuji pugudu lé el mba kar oŋg lə Njesigənea̰ gə́ nuŋga kəd-kəd lé wəi bèm dɔ sí’g ləm, karee ra sə sí meemaji gə meekɔrjol ləma, kar bula lə sí ḭ ne dɔ maree’g gə́ kédé-kédé ləm tɔ, to gə́ yeḛ man ne rəa ar bɔ síje-je lé

Jujé 10:27

Loo gə́ kàr a gə kandə lé Juje un ndia gə mba kar dee tɔr nin dee kəm kagje’g ndá d’ɔm dee mee bolè mbal gə́ deḛ d’iya rɔ dee keneŋ kédé lé tɔɓəi d’udu ta bolè mbal gə biri mbalje gə́ to keneŋ un kudee mee ndəa gən saar teḛ ɓogənè.

Jujé 7:24

Juje gə Israɛlje lai səa na̰’d d’wa Akan, ŋgolə Jera ləm, d’odo larnda gə kubu gə́ boi yul, gə rɔm-larlɔr ləm, d’wa ŋgalə Akan gə́ diŋgam gə njé gə́ dené, gə maŋgje ləa, gə mulayḛ̀je-je ləa, gə badje ləa ləma, d’odo kəi-kubu ləa gə néje lai gə́ to kea̰ ləm tɔ, ndá d’aw sə dee mee wəl-loo gə́ ria lə Akɔr.

Jujé 8:29

Deḛ naa̰ mbai gə́ Ai kəm kag’d d’aree to keneŋ saar kàr andə. Loo gə́ kàr andə mba̰ ndá Juje un ndia mba kar dee d’ɔr ninee kəm kag’d tɔɓəi deḛ d’ila ninee lé tarəwkɔg’d lə ɓee-boo lé ndá deḛ daa kɔri-ərje dɔ na̰’d dəa’g sururu d’aree to keneŋ un kudee mee ndəa gən saar teḛ ɓogənè tɔ.