Jujé 7:25 - Maktub gə́ To gə Kəmee

²⁵ Juje pana: See gelee ban ɓa i ar ta meeko̰ oso dɔ sí’g bèe wa. Njesigənea̰ a kar ta meeko̰ oso dɔi’g ɓogənè. Ndá Israɛlje lai tilá gə kɔri-ər. Deḛ tila dee gə kɔri-ər ləm, roo dee ləm tɔ.

Jujé 7:25 ပူးပေါင်းရင်းမြစ်များ

Jujé 6:18

Undaje kəmkàr dɔ rɔ sí’g mbata néje lai gə́ seḭ a tujije pugudu-pugudu lé, mbata ɓó lé seḭ unje né gə́ kəm kar sí tujije pugudu-pugudu lé ndá seḭ a karje ndɔl wa dɔ loo-si Israɛlje ləm, a karje ta meeko̰ oso dɔ dee’g ləm tɔ.

1 Sôrta Gḭka-Israɛlje 2:7

Ŋgalə Karmi ɓa ri dee to nee: Akar, yeḛ gə́ ɔm ɓəl dɔ Israɛlje’g loo gə́ yeḛ al ta wɔji ne dɔ néje gə́ Ala un ndia mba kar dee tuji dee pugudu lé.

Tel tura Godndu 17:5

diŋgam əsé dené gə́ njera né gə́ majel neelé gə́ ar ta wa ne dəa lé seḭ a kaareeje ree tarəwkɔgje’g lə sí ndá seḭ a tiláje gə kɔri-ərje saar kaareeje wəi.

Ləbije 24:14

Ar njḛdɔl-Ala neelé teḛ loo-si sí’g gə́ raga, deḛ lai gə́ d’oo tapea neelé d’a kɔm ji dee dəa’g ndá koso-dəwje lai d’a tilá gə kɔri-ər tɔlee.

Ləbije 20:2

Ula Israɛlje pana: Ɓó lé dəw kára mbuna Israɛlje’g əsé mbuna dəw-dɔ-ɓeeje gə́ d’isi mee ɓee Israɛl’g wa ŋgonee kára ar magə-Molok ndá kəm tɔlee gə́ tɔl ya: dəw-mee-ɓeeje lé d’a tilá gə kɔri-ər ya.

Ǝbrəje 12:15

Undaje kəmkàr dɔ rɔ sí’g mba kar dəw kára kara mbuna sí’g lal kiŋga noji lə Ala el, mba kar ŋgira meekad uba meḛ sí’g jugugu-jugugu el tɔ, nà dəwje d’a kaw ne pum-pum kunda ne mar deeje bula rəw tuji’g.

2 Njé gə́ Tesalonikə 1:6

Mbata Ala a ra né gə́ to gə dɔ najee ya, bèe ɓa deḛ gə́ d’ula kəm sí ndòo lé yeḛ a tel kula kəm dee-deḛ ya ndòo bèe ləm,

Njé gə́ Galati 5:12

Deḛ gə́ njébəglooje mbuna sí’g lé ma m’ndiŋga rɔm mba kar dee tɔs dee tɔr dee ya.

Jujé 7:15

Yeḛ gə́ d’a teḛ dəa’d gə́ dəw gə́ un né gə́ kəm karee tuji pugudu-pugudu lé d’a rée, yeḛ ləm, gə néje lai gə́ to kea̰-yeḛ ləm tɔ mbata kuba gə́ yeḛ uba ta manrɔ lə Njesigənea̰ ya̰ ra ne né gə́ to kḛji kəm ra el mbuna Israɛlje’g lé.

Tel tura Godndu 21:21

Bèe ɓa koso-dəwje lai gə́ mee ɓee-boo’g ləa lé d’a tilá gə kɔri-ər tɔlee. Seḭ a raje togə́bè mba kɔrje ne né gə́ majel mbuna sí’g gə mba kar Israɛlje lai d’oo ndá d’a ɓəl ne tɔ.

Tel tura Godndu 13:10

Seḭ a tɔleeje gə́ tɔl ya, seḭ nja a kunje né kiláje ne dɔtar gə mba tɔlee ɓa gée’g gogo koso-dəwje lai d’a kula ji dee keneŋ ɓəi.

Ləbije 21:9

Ɓó lé ŋgolə njekinjanéməs gə́ dené ar ta ndɔl wa dəa loo gə́ tel rəa gə́ kaiya-dené ndá yeḛ ar ta ndɔl wa dɔ bɔbeeje to: bèe ndá d’a roo ŋgon lé gə́ roo ya.

Ləbije 20:14

Ɓó lé diŋgam taa dené ɓa tel taa kea̰je dɔ’g ɓəi ndá to nékɔb, kəm roo dee, yeḛ ləm gə denéje neelé ləm tɔ mba kar néra gə́ majel gə́ al dɔ loo sula togə́bè lé godo mbuna sí’g ya.

Gḭ-Néje 38:24

As naḭ munda gogo ndá deḛ ree d’ula Juda pana: Məmije Tamar tel to kaiya-dené ŋga ndá yeḛ aw gə kèm. Juda pana: Maji kar sí oreeje gə́ raga ndá réeje ya.

Gḭ-Néje 34:30

Yen ŋga Jakob ula Simeo̰ gə Ləbi pana: Seḭ ɓa arje məəm to kəgəgə, amje m’tel to né gə́ ə̰də majel əm njéɓeeje gə́ nee, gə əm Kana̰je’g ləm, gə əm Peresje’g ləm tɔ. Ma lé m’aw gə dəwje bula el ndá deḛ lé d’a mbo̰ na̰ dɔm’g kɔsm rəw kundam tɔlm, ma gə njémeekəije ləm lai ya.

1 Samel 14:29

Jonatan pana: Bɔm ula kəm dəwje ndòo ɓa nee, mbata, aa ooje, loo gə́ ma m’naa ubu tə̰ji neelé tam’g ndá kəm inja yərərə ya.

Tel tura Godndu 13:11

Seḭ a tiláje gə kɔri-ər kaareeje wəi mbata yeḛ saŋg loo kar sí ubaje Ala lə sí gə́ Njesigənea̰ yá̰je, yeḛ gə́ ar sí undaje loo mee ɓee gə́ Ejiptə kəi-kula-ɓər’g teḛje lé.

Gosota-Kəmkàrje 1:19

Yee ɓa gə́ néra dəwje gə́ mal kiŋga né gə goo rəbee el lé Wa meḛ dee, Deḛ gə́ d’ula rɔ dee keneŋ mbiriri lé Deḛ tuji ne tɔ.

Gosota-Kəmkàrje 15:27

Yeḛ gə́ ŋgur nékiŋga gə́ gə goo rəbee el rəa ŋgwɔd-ŋgwɔd lé Ɓar tuji gə́ dɔ njémeekəije’g ləa, Nɛ yeḛ gə́ ə̰ji né gə́ d’un gə mba ndogee ne bəḭ-bəḭ lé A sí kəmba.