Jujé 7:21 - Maktub gə́ To gə Kəmee

²¹ Mee nébanrɔje’g lé ma m’oo kubu gə́ boi yul gə́ bḭ maji gə́ d’ḭ ne ɓee gə́ Sineyar ləm, gə larnda tɔl-joo (200) ləma, gə rɔm-larlɔr gə́ kwɔi ləa as ges nékwɔji kwɔi-lə-né ləm tɔ, m’ar kəm əḭ dɔ dee’g ndá m’odo dee, ma m’dubu dee naŋg dan mee kəi-kubu’g ləm tɔɓəi m’ar larnda to gel dee’g bər tɔ.

Jujé 7:21 ပူးပေါင်းရင်းမြစ်များ

Maktub gə́ Jak ula ne ar ngan-Allaje 1:15

Tɔɓəi malee lé a keskèm ɓa a koji kaiya ɓəi. Kaiya lé loo gə́ tɔg as lée mba̰ ndá oji yoo tɔ.

Lugu 12:15

Tɔɓəi yeḛ tel təa ula dee pana: Undaje rɔ sí ɓad dɔ nékəmkəḭ gə́ rara kara, mbata nékiŋga gə́ dəw sí danee’g bèdèg ɓa gə́ kuma̰ karee si ne gə kəmə lé el.

Pakɔsje 119:37

Maji kari am m’tel kəm wagəsa gə́ raŋg dɔ néje gə́ to gə́ maji bèlm’g lé Ndá am m’isi kəmba dɔ rəw’g ləi ya.

2 Piɛrə 2:15

Deḛ d’uba kankəm rəw d’ya̰ ɓa d’un rəw goo Balaam, ŋgolə Bosɔr’g gə́ ndigi ta lar-kaiya gə́ deḛ tɔs ne təa lé ndá deḛ ndəm ne.

Tel tura Godndu 7:25

Seḭ a rooje néndajije lə dee gə́ deḛ tɔl dee gə́ magəje lə dee lé gə pər. Larnda əsé larlɔr gə́ keneŋ lé seḭ a raje kəmkəḭ dɔ’g el ləm, seḭ a kodo deeje el ləm tɔ, nà banelə néje neelé d’a tel to gə́ gum kwa sí, Njesigənea̰ Ala lə sí oo dee gə́ néje gə́ mina̰ kəmee’g ya.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.

Gosota-Kəmkàrje 28:22

Dəw gə́ njekəmkəḭ lé ndəb ndəb tel bao, Nɛ ndòo gə́ a gə teḛ dəa’g lé yeḛ gər el.

2 Samel 11:2

Kàrkemetag gə́ kára bèe ndá Dabid ḭ loo-tée’g. Loo gə́ yeḛ aw njaa dɔ kəi’g ləa gə́ tar gə́ to kəi-mbai lé ndá yeḛ oo dené kára gə́ aar ndogo mán, yeḛ to dené gə́ ma̰də yaa̰ tɔ.

Gḭ-Néje 6:2

ŋgan-Alaje gə́ diŋgam d’oo to gə́ ŋgan dəwje gə́ dené lé ma̰də kəm dee’g ndá deḛ mbər njé gə́ na̰je mbuna dee-deḛ lai gə́ taa kəm dee lé, taa deḛ gə́ denéje lə dee.

Gḭ-Néje 3:6

Dené lé oo to gə́ kag lé to maji kəm sɔ ləm, taa kəmee rəgm ləma, to maji kəm kar dee gosɔkəmkàr ləm tɔ ndá yeḛ ti ka̰dee sɔ. Tɔɓəi yeḛ ya̰ ar ŋgabeeje gə́ aar mbɔree’g ndá yeḛ sɔ səa tɔ.

Njé gə́ Kolosə 3:5

Bèe ndá arje mal néje gə́ ra sí gə́ wɔji dɔ naŋg neelé wəi mburug rɔ sí’g, yee ɓa to mɔdkaiya ləm, gə kəmnda ləm, gə mal néje gə́ ula pər meḛ sí’g ləma, gə mwəiyoolar gə́ to gə́ magəpole lə dəwje lé ləm tɔ.

Njé gə́ Epesə 5:5

Maji kar sí gərje gao, dəw gə́ rara gə́ to njemɔdkaiya ləm, əsé njekəmnda ləma, əsé njekwəi-yoo-lar gə́ oo lar asəna gə magəpole ləm tɔ lé deḛje neelé d’askəm kila gɔl dee ɓeeko̰’g lə Kristi gə Ala el.

Njé gə́ Epesə 5:3

Mɔdkaiya ləm, gə kəmnda gə́ rara kara ləma, gə kwəi-yoo-lar ləm tɔ lé maji kar ri dee ɓar sə sí el. Yee ɓa gə́ né gə́ kəm ra lə deḛ gə́ to gə kəmee lé.

Lugu 12:2

Né gə́ rara gə́ d’udu dəa gə́ d’a lal teḛ gə́ raga lé kára kara godo ləm, né gə́ rara gə́ iya rəa gə́ d’a lal gəree lé kára kara godo ləm tɔ.

Habakuk 2:9

Meeko̰ a koso dɔ sí-seḭ’d Gə́ mbo̰je nékiŋgaje gə́ gə goo rəbee el Oreeje mee kəije’g lə sí Gə mba kar kəi-si sí to ne tar sab ləm, Gə mba kɔg ne némeeko̰ loo teḛ dɔ sí’g ləm tɔ!

Esai 29:15

Meeko̰ a koso dɔ deḛ Gə́ d’iya néje gə́ d’wɔji-kwɔji ra lé Mba kar Njesigənea̰ oo el, Néra deeje lé deḛ ra loondul’g Ndá deḛ pana: See na̰ ɓa oo neḛje wa. See na̰ ɓa gər neḛje wa.

Esai 28:15

Seḭ pajena: Jeḛ manje rɔ sí j’ar yoo ləm, Jeḛ j’ɔmje ta lə sí na̰’d gə ɓee lə njé gə́ d’wəi ləm tɔ, Loo gə́ néyoo gə́ a kun loo lad-lad a dəs Ndá a teḛ dɔ sí’g el, Mbata taŋgɔmje ɓa gə́ njo̰loo-kula-dɔ lə sí ləm, Néra gə́ gə goo rəbee el ɓa gə́ né gə́ o̰ dɔ sí ləm tɔ.

Gosota-Kəmkàrje 23:31

Maji kari ai mán-nduú gə́ mḭ gə́ ḭ kas kər-kər lé el ləm, Gə yee gə́ dəa tila kororo-kororo mee ŋgo’g el ləma, Gə yee gə́ ḭ ruba naŋg pɔ-pɔ el ləm tɔ.

Gosota-Kəmkàrje 4:23

Ŋgəm məəi’g maji unda néje gə́ raŋg lai Mbata yee nee ɓa ŋgira sikəmba ḭ keneŋ.

Maktub gə́ wɔji dɔ Jɔb 31:1

Kəm ɓa m’a man ne rɔm dɔ’g Ŋga see m’a kaa ŋgoma̰də gə kəmnda ra tɔɓəi wa.

Teḛ-Raga 20:17

I a ra kəmkəḭ dɔ kəi’g lə mari el, i a ra kəmkəḭ dɔ dené’g lə mari el ləm, a ra kəmkəḭ dɔ kura’g ləa gə́ diŋgam əsé yeḛ gə́ dené’g, əsé dɔ maŋg’g ləa əsé dɔ mulayḛ̀je’g ləa əsé dɔ né gə́ rara gə́ to ka̰ mari nja doŋgɔ lé i a ra kəmkəḭ dɔ’g kára bèe el ləm tɔ.

Gḭ-Néje 10:10

Yeḛ o̰ ɓee kédé dɔ ɓeeje gə́ Babel gə Erek gə Akad gə Kalne gə́ to dɔ naŋg gə́ Sineyar.

Jujé 7:20

Akan ila Juje keneŋ pana: Tɔgərɔ ya, ma m’ra kaiya m’ɔs ne ta lə Njesigənea̰, Ala lə Israɛlje rəw ndá aa oo, néram gə́ m’ra ɓa nee:

Jujé 7:22

Juje ula dəwje ar deḛ d’aḭ d’aw mee kəi-kubu’g lé, ndá aa ooje, d’iŋga néje gə́ Aka̰ iya dee mee kəi-kubu’g ləa ləm, d’iŋga larnda gel dee’g ləm tɔ.

2 Mbaije 7:8

Loo gə́ njéba̰jije lé teḛ mee loo-si dee’g ndá deḛ d’andə mee kəi-kubu’g kára bèe d’o̰ gə d’ai keneŋ, tɔɓəi deḛ d’odo larnda, gə larlɔr, gə kubuje d’aw ne d’aw d’iya ndá, deḛ tel ree d’andə mee kəi-kubu gə́ raŋg d’odo néje gə́ keneŋ d’aw ne d’aw d’iya ya ɓəi tɔ.

Gḭ-Néje 34:27

Ŋgalə Jakob lé d’ur dɔ yoo-dəwje’g ndá d’odo némajije mee ɓee’g neelé mbata tuji gə́ deḛ tuji ŋgoko̰ dee gə́ dené lé.

Gosota-Kəmkàrje 1:19

Yee ɓa gə́ néra dəwje gə́ mal kiŋga né gə goo rəbee el lé Wa meḛ dee, Deḛ gə́ d’ula rɔ dee keneŋ mbiriri lé Deḛ tuji ne tɔ.