Jujé 7:2 - Maktub gə́ To gə Kəmee

² Juje ula diŋgamje ar dee d’ḭ Jeriko d’aw par gə́ Ai gə́ to mbɔr Bet-Aben gə́ to par gə́ loo gə́ bər lə Betel. Yeḛ ula dee pana: Aw tənje loo mee ɓee’g neelé ooje. Ndá diŋgamje neelé d’aw tən loo mee ɓee gə́ Ai lé ya tɔ.

Jujé 7:2 ပူးပေါင်းရင်းမြစ်များ

Gḭ-Néje 12:8

Yeḛ sa rəa loo gə́ nee’g lé aw par gə́ dɔ mbal’d gə́ to par gə́ bər lə Betel ndá yeḛ la kəi-kubuje ləa keneŋ ar Betel to gə́ dɔ-gó ləm, Ai to par gə́ bər ləm tɔ. Yeḛ ra loo-nékinjaməs keneŋ ar Njesigənea̰, tɔɓəi yeḛ ɓar ri Njesigənea̰ keneŋ tɔ.

Gḭ-Néje 28:19

Yeḛ unda ri loo neelé lə Betel. Nɛ kédé lé ri ɓee-boo neelé lə Luj.

1 Mbaije 12:29

Yeḛ unda néndaji ŋgon maŋg kára lé mee ɓee gə́ Betel ləm, yeḛ unda yeḛ gə́ raŋg mee ɓee gə́ Dan ləm tɔ.

Nehemi 11:31

Deḛ gə́ to ginkoji Bḛjamije lé d’isi un kudee Geba gə Mikmas gə Aja gə Betel gə ŋgan-ɓeeje ləa ləm,

Gosota-Kəmkàrje 20:18

Néje gə́ dəw wɔji-kwɔji ra lé aw lée’g béréré gə goo takwɔji-kəmkàr, Maji kari wa dɔ gɔl rɔ jəb ɓa rɔ ɓəi.

Gosota-Kəmkàrje 24:6

Mbata i a kunda kəmkàr dɔ rɔi’g ɓa a rɔ ne rɔ ɓəi ləm, Kun baŋga lé to mbata bula lə njékwɔji-takəmkàrje ləm tɔ.

Esai 10:28

Deḛ d’aw teḛ Ajat ɓa dəs d’aw Migro̰ ɓəi Ndá d’ya̰ nékodoje lə dee Mikmas.

Jeremi 49:3

Seḭ njéɓeeje gə́ Esbon, Maji kar sí tuma̰je ŋgururu-ŋgururu, Mbata Ai tuji pugudu! Ŋganje gə́ dené gə́ Raba, Maji kar sí raje né wəl-wəl ləm, Tɔje kubu-kwa-ndòo ɓər sí’g ləma, No̰je gə mán-no̰ kəm sí’g Ilaje ne rima-rima kaar ndògo-bɔrɔje’g ləm tɔ Mbata d’aw gə magə-Malkɔm gə́ ɓee-ɓər’g Gə njékinjanéməsje ləa gə mbaije ləa na̰’d.

Ojee 4:15

Ǝi seḭ Israɛlje, ɓó lé seḭ ubaje Ala lə sí yá̰je ndá Maji kar Judaje d’ar taree wa dɔ dee-deḛ el. Maji kar sí awje loo gə́ to gə kəmee’d gə́ to Gilgal el ləm, Awje Bet-Aben el ləma, Ubuje rɔ sí pajena: Njesigənea̰ si kəmba bèe el ləm tɔ.

Matiyo 10:16

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.

Njé gə́ Epesə 5:15

Bèe ndá undaje kəmkàr dɔ panjaa sí’g, njaaje asəna gə njékəmkàrje ɓó asəna gə mbəje el.

Jujé 12:9

Mbaije gə́ deḛ dum dɔ dee lé to deḛ gə́ d’isi mee ɓee-boo gə́ Jeriko ləm, gə ɓee-boo gə́ Ai gə́ to mbɔr Betel’g ləm,

Jujé 18:12

Kelee gə́ dɔgel lé rəw-nimee ḭ ta baa gə́ Jurdɛ̰’g. Yee aw par gə́ dɔgel lə Jeriko ləm, dəs mee mbalje’g par gə́ dɔ-gó ləma, gə teḛ dɔdilaloo’g Bet-Aben’g ləm tɔ.

Jujé 2:1

Juje gə́ to ŋgolə Nun lé, loo gə́ naḭ ne mee ɓee gə́ Sitim ɓəi ndá, yeḛ ula njétənlooje joo gə goo ŋgəḭ pana: Awje aw tənje loo mee ɓee’g ooje, nɛ oreeje kəm sí ndəŋ dɔ ɓee-boo gə́ Jeriko ya. Deḛ d’ɔd d’aw ndá teḛ kəi lə kaiya-dené gə́ ria lə Rahab, tɔɓəi deḛ to keneŋ tɔ.

Jujé 7:3

Deḛ tel ree rɔ Juje’g d’ulá pana: To kəm kar njérɔje lai d’aw keneŋ el, lé diŋgamje gə́ d’as tɔl-dɔg loo-joo (2.000) əsé munda (3.000) ba ya kara d’a kaskəm dum dɔ njé gə́ Ai, maji kari jɔg njérɔje lai kari ba el, mbata njé gə́ Ai to gə́ lam ba boo bula el.

1 Samel 13:5

Pilistije mbo̰ dɔ na̰ mba rɔ gə Israɛlje. Deḛ d’aw gə pusu-rɔje tɔl-dɔg (1.000) ləm, gə njérɔ gə́ gə kundaje tɔl-dɔg-loo-misa̰ (6.000) ləm tɔ, tɔɓəi njérɔje lé bula dum tura asəna gə nagəra gə́ to ta baa-boo-kad’g bèe. Deḛ d’aw d’wa loo-si dee Mikmas, par gə́ bər lə Bet-Aben.

1 Samel 14:23

Mee ndəa’g neelé Njesigənea̰ aji Israɛlje ndá ar rɔ aw kəmee gə́ kédé saar dəs Bet-Aben.

1 Samel 30:27

Yeḛ ula gə néje togə́bè ar njé gə́ Betel ləm, gə njé gə́ Ramot par gə́ dɔkɔl ləm, gə njé gə́ Jatir ləm,