Jujé 7:12 - Maktub gə́ To gə Kəmee

¹² Gelee gə́ nee ɓa Israɛlje d’askəm kɔs ne njéba̰je lə dee rəw el gə mbəa, d’a tel gir dee kila kar njéba̰je lə dee mbata ndɔl wa dɔ dee, ɓó lé seḭ tujije né gə́ kəm tuji pugudu-pugudu mbuna sí’g el ndá m’a nai sə sí gogo el ŋga.

Jujé 7:12 ပူးပေါင်းရင်းမြစ်များ

Pakɔsje 44:10

Lé bèe kara i ɔs sí ŋgərəŋ ɔm ne rɔkul dɔ sí’g ləm, Loo-rɔje lə sí kara i ila gɔli sə sí keneŋ el ŋga ləm tɔ.

Pakɔsje 60:10

Moabje lé to ŋgo gə́ neḛ ndogo mán, N’tɔr markob lə neḛ kara n’ɔm dɔ Edɔmje’g ya. Seḭ gə́ ɓee lə Pilistije lé Maji kar sí ɔsje pa wɔji ne dɔ neḛ,

Gosota-Kəmkàrje 28:1

Njemeeyèr mbudu ŋgwɔd aḭ al kar dəw kore gée ləm, Njemeekarabasur ndá mée kaḭ to gə́ kura toboḭ bèe ləm tɔ.

Esai 59:2

Nɛ to néra majel lə sí ɓa Tḭ sí gə Ala lə sí ləm, To kaiyaje lə sí ɓa Ɔg sí loo koo kəmee ləma, Gə ɔgee koo ta lə sí ləm tɔ.

Jeremi 23:33

Ɓó lé koso-dəwje nee əsé njetegginta kára əsé njekinjanéməs kára ree dəjii pana: See ɗi ɓa gə́ ndərta gə́ Njesigənea̰ pa wa. Ndá i a kilá’g pana: Ndərta gə́ Njesigənea̰ pa lé ɓa nee: Njesigənea̰ pana: N’a gə mbad sí ya.

Jeremi 6:8

Dəwje gə́ Jerusalem, Taaje tandooje ləm Nà m’a kɔr rɔm rɔ sí’g, Kar ɓee lə sí tel to dɔdilaloo ləm, Gə ɓee gə́ dəw si keneŋ el ləm tɔ!

Ojee 9:12

Ɓó lé d’odo ŋgan deeje kara M’a taa dee ji dee’g kédé ɓó d’a tɔg el, Meeko̰ a koso dɔ dee’g loo gə́ m’a kuba dee kya̰ dee lé.

Habakuk 1:13

Kəmi àr ŋgad-ŋgad kəm kila dɔ né gə́ majel’g el ləm, I un kəmi rəw dɔ néra gə́ kori-kori’g lé ləm tɔ. See gelee ban ɓa i aa njéndɔji pɔdɔdɔje gərərə Ndá ila tai maree’g ndag Loo gə́ njemeeyèr aar busu yeḛ gə́ nérea to gə dɔ najee undá-yeḛ lé ɓəi wa.

Bula lə Israɛlje 14:39

Moyis ndaji ta néje neelé ar Israɛlje lai ndá koso-dəwje lé no̰ d’wa ne ndòo yoo.

Bula lə Israɛlje 14:42

Maji kar sí awje el! mbata Njesigənea̰ si mbuna sí’g el, ndá arje njéba̰je lə sí d’unda sí d’ɔm sí naŋg el ɓó!

Bula lə Israɛlje 14:43

Mbata Amalekje gə Kana̰je d’aar no̰ sí gən ndá seḭ a kwəije ta kiambas’g, mbata seḭ telje gir sí arje Njesigənea̰ areeje-yeḛ nja kara aw sə sí el tɔ.

Bula lə Israɛlje 14:45

Ndá Amalekje gə Kana̰je gə́ d’isi dɔ mbal’g neelé d’ḭ sə dee, tɔɓəi deḛ dum dɔ dee ləm, ti dee mbidi-mbidi ləm tɔ, saar teḛ ne Ɔrma.

Tel tura Godndu 7:26

Né gə́ mina̰ gə́ rara kara seḭ a reeje ne mee kəi’g lə sí el nà seḭ a tel tujije ne səa na̰’d ya. Seḭ a kə̰jeje bəḭ-bəḭ ləm, a kéeje gə́ né gə́ mina̰ ləm tɔ mbata to né gə́ a gə tuji pugudu ya.

Jujé 6:18

Undaje kəmkàr dɔ rɔ sí’g mbata néje lai gə́ seḭ a tujije pugudu-pugudu lé, mbata ɓó lé seḭ unje né gə́ kəm kar sí tujije pugudu-pugudu lé ndá seḭ a karje ndɔl wa dɔ loo-si Israɛlje ləm, a karje ta meeko̰ oso dɔ dee’g ləm tɔ.

Njéga̰g-Rəwtaje 16:20

Tɔɓəi yeḛ pana: Samso̰, Pilistije d’aar dɔi’g nee! Ndá yeḛ uba naŋg dɔ ɓi’g ḭ pa mée’g pana: N’a teḛ nar rɔ neḛ to gə́ kédé lé ləm, n’a kunda rɔ neḛ gaŋg ləm tɔ. Nɛ yeḛ gər to gə́ Njesigənea̰ ubá yá̰ mba̰ lé bèe el.

Njéga̰g-Rəwtaje 2:14

Oŋg lə Njesigənea̰ ḭ səa pu dɔ Israɛlje’g ndá yeḛ uba dee ya̰ dee ji gayim-dəwje’g ar dee tuji néje lə dee ləm, yeḛ ar njéba̰je lə dee gə́ gugu dɔ dee sub lé d’wa dee d’ar dee to ɓərje lə dee ləm tɔ ɓó d’askəm kaar naŋg gəs no̰ dee’g el.

Njéga̰g-Rəwtaje 2:4

Loo gə́ kura lə Njesigənea̰ gə́ dara pa taje neelé ar Israɛlje lai ndá koso-dəwje d’ɔr ndu dee wəl gə́ tar gə no̰ tɔ.

1 Samel 14:38

Sawul pana: Reeje gə́ nee, seḭ lai gə́ toje mbai dɔ ɓée njérɔje neelé ndá saŋgje loo mba koo see kaiya ɗi ɓa ɓogənè raje wa.