Jujé 7:11 - Maktub gə́ To gə Kəmee

¹¹ Israɛlje ra kaiya, deḛ d’al ta ta ndukun’g ləm gə́ m’un m’ar dee lé ləm, deḛ d’odo néje gə́ kəm karee tuji dee pugudu-pugudu lé ləm, deḛ ɓogo néje lɔm dɔ dee ləma, deḛ d’iya néje neelé mee nékodoje’g lə dee ləm tɔ.

Jujé 7:11 ပူးပေါင်းရင်းမြစ်များ

2 Mbaije 18:12

mbata deḛ d’oo ndu Njesigənea̰, Ala lə dee el ləm, deḛ d’uba ta manrɔ ləa d’ya̰ ləm, mbata deḛ d’oo ta ləa el ləma, néje lai gə́ Njesigənea̰ un ndia dɔ’g gə ndu Moyis, kura ləa lé kara deḛ ra née el ləm tɔ.

2 Mbaije 5:24

Loo gə́ deḛ teḛ dɔdərloo’g ndá Gehaji taa néje neelé ji dee’g iya kəi ləa ndá yeḛ ya̰ basaje neelé ar dee tel d’aw tɔ.

Esai 24:5

Ɓee lé dəwje gə́ d’isi keneŋ d’aree mina̰ Mbata deḛ d’al ta ta godndu Njesigənea̰’g ləm, D’ɔs ndukunje ləa rəw ləma, Deḛ gaŋg kúla manrɔ ləa gə́ to gə no̰ lé ləm tɔ.

Jeremi 31:32

Manrɔ gə́ sigi neelé a to kasəna gə yee gə́ ma man ne rɔm m’ar bɔ deeje-je mee ndɔ gə́ m’wa ji dee m’ɔr dee ne wɔgədɔ mee ɓee gə́ Ejiptə’g m’teḛ sə dee lé el. Ma m’to gə́ ɓée deeje ya nɛ lé bèe kara d’uba manrɔ neelé d’ya̰. Njesigənea̰ ɓa pa bèe.

Ojee 6:7

Deḛ d’ya̰ goo ta manrɔ lə dee To gə́ dəwje gə́ kari ba bèe, Yee gə́ bèe ɓa deḛ d’ubam d’ya̰’m ne.

Ləbije 5:15

Ɓó lé dəw kára al dɔ godndu ra ne kaiya dɔ mbə’d gə́ wɔji dɔ néje gə́ d’ɔr dee d’unda dee gə kəmee d’ar Njesigənea̰ lal gər rəbee ndá yeḛ a ree gə bàl badə gə́ rəa mina̰ el gə́ yeḛ wa mbuna nékulje’g ləa gə́ nékinjaməs ləa gə́ wɔji dɔ ta gə́ wa dəa kar Njesigənea̰ mbata lə kaiya gə́ yeḛ ra lé, a to bàl badə gə́ d’a kwɔji gadee gə́ kəm ŋgan larnda gə goo nékwɔji-né gə́ wɔji dɔ kəi-kubu-si-Ala.

Habakuk 2:6

Débee neelé see a kar dəwje lai d’oo ta ləa gə́ suta ləm, Gə nékogo ləma, gə né kɔr su ləm tɔ el wa. D’a pa pana: Meeko̰ a koso dɔ sí-seḭ gə́ mbo̰je néje Gə́ to né ka̰ sí el dɔ na̰’d! See saar ndɔ gə́ ra wa ... Meeko̰ a koso dɔ sí-seḭ gə́ Undaje ɓaŋg dɔ sí’g gə́ kédé-kédé!

Jakari 5:4

Njesigənea̰ gə́ njeboo-néje lé pana: Neḛ n’ilá mba karee andə mee kəije’g lə njéɓogoje ləm, gə kəije’g lə deḛ gə́ ɓar ri neḛ d’ubu ne rɔ dee gə taŋgɔm ləm tɔ gə mba karee ra loo-siée mee kəije’g lə dee mba tuji dee na̰’d pugudu gə kag gə kɔri-mbalje.

Matiyo 22:21

Deḛ ndigi təa’g pana: To ka̰ Sesar. Yen ŋga yeḛ ula dee pana: Né gə́ wɔji dɔ Sesar ndá arje Sesar ɓó né gə́ to ka̰ Ala lé ndá arje Ala ya tɔ.

Néra Njékaḭkulaje 5:9

Yen ŋga Piɛrə tel dəjee pana: See gelee ban ɓa seḭ ɔmje meḛ sí na̰’d sad ərje ne kəm Ndil Mbaidɔmbaije wa. Aa oo, deḛ gə́ dubu ŋgabije lé kaa gɔl dee to ɓar gə́ raga’n gə́ nee ndá d’a kuni-i ya tɔ.

Tel tura Godndu 17:2

Banelə mee ɓee-boo gə́ kára mbuna ɓee-booje’d gə́ Ala lə sí gə́ Njesigənea̰ ar sí lé diŋgam əsé dené gə́ ra né gə́ majel kəm Njesigənea̰ Ala’g lə sí al ne dɔ manrɔ ləa sí keneŋ,

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.

Jujé 23:16

Ɓó lé seḭ alje ta ta manrɔ gə́ Njesigənea̰, Ala lə sí ar sí ləm, ɓó lé seḭ poleje magəje undaje ne barmba no̰ dee’g ləm tɔ ndá oŋg lə Njesigənea̰ a kḭ səa pu dɔ sí’g ndá seḭ a tujije ne kalaŋ mee ɓee’d gə́ maji gə́ yeḛ ar sí lé ya.

Jujé 7:1

Israɛlje d’al ta ta godndu gə́ wɔji dɔ néje gə́ kəm kar dee tuji dee pugudu-pugudu’g lé. Akan gə́ to ŋgolə Karmi, gə́ to ŋgolə Jabdi, gə́ to ŋgolə Jera, gə́ to gə́ ginkoji’g lə Juda lé odo néje gə́ kəm karee tuji dee pugudu-pugudu lé. Togə́bè ɓa ar oŋg lə Njesigənea̰ ḭ ne səa pu dɔ Israɛlje’g tɔ.

Jujé 7:10

Njesigənea̰ ula Juje pana: Uba naŋg ḭta! See gelee ban ɓa i dəb kəmi naŋg saar-saar bèe wa.

Njéga̰g-Rəwtaje 2:20

Bèe ɓa oŋg lə Njesigənea̰ ḭ səa pu dɔ Israɛlje’g aree ne pana: Dəwje neelé d’al ta ta manrɔ’g ləm gə́ m’ndaŋg taree m’ar bɔ deeje-je ləm, deḛ d’ila ŋgonkoji dɔ tapam’g el ləm tɔ.

1 Samel 14:38

Sawul pana: Reeje gə́ nee, seḭ lai gə́ toje mbai dɔ ɓée njérɔje neelé ndá saŋgje loo mba koo see kaiya ɗi ɓa ɓogənè raje wa.