Jujé 7:1 - Maktub gə́ To gə Kəmee

¹ Israɛlje d’al ta ta godndu gə́ wɔji dɔ néje gə́ kəm kar dee tuji dee pugudu-pugudu’g lé. Akan gə́ to ŋgolə Karmi, gə́ to ŋgolə Jabdi, gə́ to ŋgolə Jera, gə́ to gə́ ginkoji’g lə Juda lé odo néje gə́ kəm karee tuji dee pugudu-pugudu lé. Togə́bè ɓa ar oŋg lə Njesigənea̰ ḭ ne səa pu dɔ Israɛlje’g tɔ.

Jujé 7:1 ပူးပေါင်းရင်းမြစ်များ

Gḭ-Néje 34:27

Ŋgalə Jakob lé d’ur dɔ yoo-dəwje’g ndá d’odo némajije mee ɓee’g neelé mbata tuji gə́ deḛ tuji ŋgoko̰ dee gə́ dené lé.

2 Samel 24:1

Oŋg lə Njesigənea̰ ḭ səa pu dɔ Israɛlje’g ndá yeḛ ɔs Dabid ɓɔḭ-ɓɔḭ gə́ dɔ dee’g pana: Aw tura bula lə Israɛlje gə Judaje.

2 Mbaije 5:24

Loo gə́ deḛ teḛ dɔdərloo’g ndá Gehaji taa néje neelé ji dee’g iya kəi ləa ndá yeḛ ya̰ basaje neelé ar dee tel d’aw tɔ.

1 Sôrta Gḭka-Israɛlje 21:7

Ndukun neelé taa kəm Ala el ndá yeḛ ar bea̰ ɔs ta Israɛlje’g tɔ.

2 Sôrta Gḭka Israɛlje 24:18

Gelee gə́ nee ɓa deḛ d’uba ne kəi lə Njesigənea̰ gə́ to Ala lə bɔ deeje lé d’ya̰, nɛ deḛ ra né d’ar magə-Astartéje gə magə-poleje ɓa. Ndá oŋg lə Njesigənea̰ ḭ səa dɔ Judaje gə Jerusalemje’g mbata néra deeje gə́ togə́bè lé ar ta wa ne dɔ dee ya.

Esdras 9:6

ndá ma m’pana: Ala ləm, rɔm kul, əi Ala ləm, m’ra kəmkul ɓó m’askəm kun kəm gə́ tar par gə́ rɔi’g el mbata kaiyaje lə sí orè goo na̰ goo na̰ saar tur dɔ sí ləm, néra kori-korije lə sí aw saar teḛ mee dara’g ləm tɔ.

Maktub gə́ wɔji dɔ Jɔb 35:8

Meeyèr a kaskəm jɔg dəw mari ba ya ləm, Néra gə́ gə dɔ najee ləi kara to né gə́ maji mbata dəw ba ya ləm tɔ.

Njekillamber 9:18

Kəmkàr lé maji unda nérɔje. Nɛ njekaiya gə́ kára ba lé tuji némajije bula.

Loo gə́ killa rea kəm Daniel’g 9:7

Ǝi Mbaidɔmbaije, néra gə́ to gə dɔ najee to kaḭ ya, jeḛ ɓa rɔkul wa kəm sí mee ndəa’g nee ya, jeḛ dəwje gə́ Juda ləm, gə deḛ gə́ d’isi Jerusalem ləma, gə Israɛlje lai ləm tɔ, deḛ gə́ d’isi dəb əsé deḛ gə́ d’isi ŋgərəŋ mee ɓeeje lai gə́ i tuba dee keneŋ mbata kalta gə́ d’al tai’g d’ar taree wa dɔ dee kəmi’g lé.

Ləbije 10:6

Moyis ula Aaro̰, gə Eləajar, gə Itamar gə́ to ŋgalə Aaro̰ lé pana: Seḭ a kya̰je yiŋga dɔ sí lal kɔr gə jara kɔr dɔ el ləm, seḭ a tilje kubuje lə sí hao̰-hao̰ el ləm tɔ, nà seḭ a kwəije kar oŋg lə Njesigənea̰ ḭ səa pu dɔ koso-dəwje’g lai tɔ. Ya̰je loo arje ŋgako̰ síje gə́ to ginkoji Israɛlje lé ɓa no̰ mbata pər gə́ Njesigənea̰ ila lé.

Junas 1:7

Deḛ kára-kára lai d’ula na̰ ta gə́ yo gə́ nee pana: Gə́ reeje, ar sí n’raje né asəna gə téḛ bèe gə mba koo see na̰ ɓa ar tuji neelé oso dɔ sí’g wa. Deḛ ra né neelé ndá oso dɔ Junas’g ya ɗəgərə.

Jujé 22:16

Koso-dəwje lə Njesigənea̰ lai pa togə́bè pana: Kal gə́ seḭ alje ta ta Ala’g lé lə Israɛlje lé see ginee to ɗi wa. See gelee ban ɓa ɓasinè seḭ ubaje Njesigənea̰ yá̰je raje loo-nékinjaməs mba kḭ ne gə Njesigənea̰ ɓogənè kɔsee ne rəw wa.

Jujé 22:18

Ɓogənè seḭ ubaje Njesigənea̰ yá̰je. Ɓó lé ɓogənè seḭ ḭje gə Njesigənea̰ ɔseeje rəw ndá bèlè yeḛ kara mée a kḭ səa pu dɔ koso-dəwje’g lə Israɛl lai ya tɔ.

Jujé 22:20

Akan, ŋgolə Jera lé see yeḛ al ta ta godndu gə́ wɔji dɔ néje gə́ kəm tuji dee pugudu-pugudu lé el wa. See yee ɓa ar oŋg lə Njesigənea̰ ḭ ne səa pu dɔ koso-dəwje gə́ Israɛl lai lé el wa. Yeḛ ɓa tuji gə karee ba mbata kalta ləa el.