Jujé 6:7 - Maktub gə́ To gə Kəmee

⁷ Tɔɓəi yeḛ ula koso-dəwje pana: Njaaje guguje gir ɓee-boo ndá maji kar njérɔje gə́ njékaw no̰ deeje’g gaŋg no̰ sa̰duk-manrɔ lə Njesigənea̰ lé.

Jujé 6:7 ပူးပေါင်းရင်းမြစ်များ

Jujé 1:14

Denéje lə sí ləm, gə ŋgan síje ləma, gə koso-nékulje lə sí ləm tɔ lé deḛ ya d’a nai mee ɓee gə́ Moyis ar sí kel tura baa gə́ Jurdɛ̰ nu, nɛ seḭje lai gə́ toje njésiŋgamoŋje lé a kwaje nérɔje lə sí ji sí’g kawje ne no̰ ŋgako̰ síje’g mba laje ne sə dee

Jujé 4:13

Diŋgamje d’as tɔl-dɔg loo rɔ-sɔ (40.000) jén bèe d’wa nérɔje ji dee’g ləm, d’aar pèrèrè mba rɔ ləm tɔ lé ndá deḛ dəs no̰ Njesigənea̰’g d’aw tar mee ndag-loo’d gə́ Jeriko tɔ.

Jujé 6:3

Maji kar sí njaaje guguje dɔ ɓee-boo neelé seḭ njérɔje lai, njaaje guguje dəa gɔl kára. Seḭ a raje togə́bè as ndɔ sí misa̰.

Jujé 6:6

Juje gə́ to ŋgolə Nun ɓar njékinjanéməsje ula dee pana: Unje sa̰duk-manrɔ lé ndá maji kar njékinjanéməsje siri d’wa to̰to̰ gaji badje ji dee’g mba njaa ne no̰ sa̰duk-manrɔ’g lə Njesigənea̰ lé.

Jujé 6:8

Loo gə́ Juje ula koso-dəwje ta neelé mba̰ ndá njékinjanéməsje siri gə́ d’wa to̰to̰ gaji badje ji dee’g no̰ Njesigənea̰’g lé d’ɔs njaa d’aw ləm, d’im to̰to̰je lə dee ləm tɔ. Ndá d’aw gə sa̰duk-manrɔ lə Njesigənea̰ lé goo dee’g tɔ.