Jujé 5:6 - Maktub gə́ To gə Kəmee

⁶ Mbata Israɛlje njaa dɔdilaloo’g as ləb dee rɔ-sɔ, saar mba kar ginkoji dəwje gə́ to njérɔje lai gə́ d’unda loo mee ɓee gə́ Ejiptə teḛ lé d’udu guduru mbata deḛ d’ila ŋgonkoji dɔ torndu Njesigənea̰’g el. Gelee gə́ nee ɓa Njesigənea̰ lé man ne rəa gə mba kar ɓee gə́ yeḛ man rəa ar bɔ deeje gə mba kar síjeḛ lé d’a koo el, to ɓee gə́ mbà gə ubu tə̰ji to keneŋ yaa̰.

Jujé 5:6 ပူးပေါင်းရင်းမြစ်များ

Pakɔsje 107:4

Deḛ d’aw yo gə́ nee dɔdilaloo’g ləm, Deḛ njaa gə kar dee ba lal kiŋga ɓee-si dee ləm tɔ.

Teḛ-Raga 3:17

tɔɓəi neḛ pana: N’a kɔr sí dan nékəmndoo’d gə́ mee ɓee gə́ Ejiptə mba teḛ sə sí kaw sə sí ɓee lə Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ.

Teḛ-Raga 3:8

Bèe ɓa ma m’ree mba kɔr dee ji Ejiptəje’g ləm, gə mba kɔr no̰ dee teḛ sə dee mee ɓee gə́ maji gə́ tad yaa̰ ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ, to loo-si Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ.

Jeremi 2:2

Aw ila ta nee mbi njé gə́ Jerusalem’g togə́bè pana: Njesigənea̰ pa togə́bè pana: Ma m’ar məəm olé dɔ meenoji’g lə sí Loo gə́ seḭ naije ne gə ma̰də sí ba ləm, Loo gə́ seḭ ṵdamje ne dan kəm sí’g Asəna gə njemɔr ləm bèe ləma, Loo gə́ seḭ ndolèje goom dɔdilaloo’g Gə́ dəw dubu né keneŋ el lé ləm tɔ.

Ejekel 20:15

Dɔdilaloo’g lé neḛ manrɔ neḛ n’ula ji neḛ ndiŋ gə́ rɔ dee’g mba kɔr ne no̰ dee kaw sə dee ɓee gə́ neḛ n’wɔji ne dɔ dee lé el, to ɓee gə mbà gə ubu tə̰ji to keneŋ ləm, to ɓee gə́ maji unda ɓeeje lai ləm tɔ

Ejekel 20:6

Mee ndəa’g neelé neḛ manrɔ neḛ n’ula ne ji neḛ ndiŋ gə́ dɔ dee’g mba kar dee d’unda ne loo mee ɓee gə́ Ejiptə teḛ d’aw mee ɓee gə́ neḛ n’saŋg gə mbata lə dee lé, to ɓee gə́ mbà gə ubu tə̰ji to keneŋ ləm, to ɓee gə́ maji unda ɓeeje lai ləm tɔ.

Bula lə Israɛlje 14:23

deḛje neelé lai d’a koo ɓee gə́ ma man rɔm gə mba kar bɔ deeje-je lé el ləm, deḛ lai gə́ d’ḛjim bəḭ-bəḭ kara d’a kée nda̰ el ləm tɔ.

Bula lə Israɛlje 26:63

Deḛ neelé ɓa to Israɛlje gə́ Moyis deḛ gə Eləajar gə́ to njekinjanéməs lé tura dee ndag-loo gə́ Moab, mbɔr baa gə́ Jurdɛ̰ gə́ wɔji dɔ Jeriko njoroŋ lé.

Tel tura Godndu 1:3

Mee ləb gə́ njekɔm’g rɔ-sɔ, lə naḭ gə́ njekɔm’g dɔg-giree-kára, mee ndɔ gə́ dɔtar lə naḭ neelé ɓa, Moyis ula Israɛlje ta gə goo néje lai gə́ Njesigənea̰ un ne ndia aree gə mba karee ula dee lé.

Tel tura Godndu 2:14

Loo gə́ j’ḭje Kades-Barnea saar j’awje Jered lé, jeḛ n’ra ləb sí rɔ-munda-giree-jinaijoo, ndá njérɔje gə́ to njéboakojije lə na̰ lé d’wəi lai loo-si dee’g to gə́ Njesigənea̰ man ne rəa ar dee lé tɔ.

Tel tura Godndu 2:7

Mbata Ala lə sí gə́ Njesigənea̰ tɔr ndia dɔ sí’g gə dɔ kulaje lai gə́ seḭ raje gə ji sí ləm, yeḛ gər rəw-kaw sí gə́ seḭ awje ne dɔdilaloo gə́ tad rəg-rəg’d neelé ləm tɔ. Aa ooje, as ləb rɔ-sɔ lé Ala lə sí gə́ Njesigənea̰ nai sə sí ar né kára kara lal sí el.

Tel tura Godndu 8:4

Kubu lə sí ŋgisi rɔ sí’g el ləm, gɔl sí ti el ləm tɔ as ləb rɔ-sɔ lé.

Ǝbrəje 3:11

Meem ḭ səm jugugu am m’pa gə ndum njaŋg m’pana: D’a kaw loo-kwa-rɔ’g ləm lé nda̰ el.

Jujé 1:6

Wa rɔi kɔgərɔ ləm, gə wa diŋgam məəi’g ləm tɔ, mbata i nja ɓa a kar dəwje neelé taa ɓee neelé gə́ ka̰ dee-deḛ to gə́ ma man ne rɔm m’ar bɔ deeje-je gə mba kar dee lé ya.

Jujé 24:7

Ka síje-je no̰ ta Njesigənea̰’g. Ndá Njesigənea̰ ar loondul gaŋg mbuna sí-seḭ gə njé gə́ Ejiptə tɔɓəi yeḛ ar mán baa-boo-kad tel ree tula dɔ dee. Seḭ ooje né gə́ ma m’ra gə njé gə́ Ejiptə gə kəm sí gao ya. Tɔɓəi seḭ naije dɔdilaloo’g lé kur sí əw tɔ.

Jujé 5:5

Koso-dəwje lai neelé d’inja tamɔd dee mba̰ ɓa d’unda loo mee ɓee gə́ Ejiptə teḛ ɓəi, nɛ deḛ lai gə́ d’oji dee kag-rəw’g dɔdilaloo’g goo kunda gə́ d’unda loo mee ɓee gə́ Ejiptə teḛ lé d’inja tamɔd dee el.

Jujé 5:7

Ŋgan deeje ɓa yeḛ ar dee taa tor dee, ndá Juje inja tamɔd dee mbata deḛ to njélal kinja tamɔd deeje mbata d’inja tamɔd dee loo gə́ d’aw rəbə lé el.