Jujé 5:5 - Maktub gə́ To gə Kəmee

⁵ Koso-dəwje lai neelé d’inja tamɔd dee mba̰ ɓa d’unda loo mee ɓee gə́ Ejiptə teḛ ɓəi, nɛ deḛ lai gə́ d’oji dee kag-rəw’g dɔdilaloo’g goo kunda gə́ d’unda loo mee ɓee gə́ Ejiptə teḛ lé d’inja tamɔd dee el.

Jujé 5:5 ပူးပေါင်းရင်းမြစ်များ

Matiyo 12:7

Ta gə́ mee maktub’g lé pana: Meekɔrjol ɓa taa kəm ɓó nékinjanéməsje el. Ɓó lé seḭ gərje ginee ndá njéra né gə dɔ najee-je lé seḭ a kilaje ta dɔ dee’g el.

Njé gə́ Rɔmə 2:26

Bèe ndá ɓó lé dəw gə́ to gə́ njekḭja tamɔd el lé taa godndu lé ra née ndá see d’a kée gə́ njekḭja tamɔd el wa.

1 Njé gə́ Kɔrḭtə 7:19

Tamɔdə gə́ kinja kara to né el ləm, kinja tamɔd el kara to né el ləm tɔ. Ra torndu Ala ɓa to gə́ né gə́ gəd ya.

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Njé gə́ Galati 6:15

Kinja tamɔd əsé kinja tamɔd el kara to gə́ né el, tel to dəw gə́ sigi ɓa to né gə́ gəd ya.

Jujé 5:4

Aa ooje, ginee gə́ ar Juje inja ne tamɔd dee lé ɓa nee: Koso-dəwje lai gə́ d’unda loo mee ɓee gə́ Ejiptə teḛ lé diŋgamje gə́ to gə́ njérɔje lai lé d’wəi kag-rəw’g dɔdilaloo’g, goo kunda gə́ d’unda loo mee ɓee gə́ Ejiptə teḛ lé.

Jujé 5:6

Mbata Israɛlje njaa dɔdilaloo’g as ləb dee rɔ-sɔ, saar mba kar ginkoji dəwje gə́ to njérɔje lai gə́ d’unda loo mee ɓee gə́ Ejiptə teḛ lé d’udu guduru mbata deḛ d’ila ŋgonkoji dɔ torndu Njesigənea̰’g el. Gelee gə́ nee ɓa Njesigənea̰ lé man ne rəa gə mba kar ɓee gə́ yeḛ man rəa ar bɔ deeje gə mba kar síjeḛ lé d’a koo el, to ɓee gə́ mbà gə ubu tə̰ji to keneŋ yaa̰.