Jujé 5:14 - Maktub gə́ To gə Kəmee

¹⁴ Yeḛ ilá keneŋ pana: Wah! ma m’to ɓé-njérɔje lə Njesigənea̰ gə́ m’ree ɓasinè ɓəi. Juje oso nea̰’g bəbərə dəb kəmee naŋg dəjee pana: See ta ɗi ɓa mbai ləm a kula kura ləa wa.

Jujé 5:14 ပူးပေါင်းရင်းမြစ်များ

Gḭ-Néje 17:17

Abrakam oso naŋg bəbərə dəb kəmee naŋg. Yeḛ kogo ndá pa mée’g pana: See diŋgam gə́ ra ləb tɔl (100) a koji ŋgon loo gə́ ra tɔɓəi wa. Sara kara ləbee aḭ rɔ-jinaikara (90) tɔ, nɛ see yeḛ a koji ŋgon ya tɔɓəi wa.

Gḭ-Néje 17:3

Abram oso naŋg bəbərə, dəb kəmee naŋg, ndá Ala ulá pana:

2 Samel 7:19

Yee gə́ nee to né gə́ lam ba bèe kəmi-i Mbaidɔmbaije gə́ Njesigənea̰’g nɛ i pata gə́ wɔji dɔ ŋgaka kura ləi mbata ndɔje gə́ d’aw ree ɓəi tɔ. See i a kar dəw oo néje neelé wa, Njesigənea̰ Mbaidɔmbaije!

2 Samel 7:20

See ta ɗi ɓa Dabid askəm pa kari tɔɓəi wa. I Mbaidɔmbaije gə́ Njesigənea̰ lé gər kura ləi gao ya!

Pakɔsje 110:1

Pa lə Dabid Njesigənea̰ ula Mbaidɔmbaije ləm pana: Si dɔ jikɔlm’g Saar mba karm m’ar njéba̰je ləi Tel to nétura-gɔl-kɔm ləi lé.

Pakɔsje 24:10

See na̰ ɓa to mbai gə́ njedo̰gɔr-ronduba lé wa. Njesigənea̰ gə́ njeboo-néje, Aa ooje, yeḛ nja ɓa to mbai gə́ njedo̰gɔr-ronduba lé ya.

Teḛ-Raga 4:10

Moyis ula Njesigənea̰ pana: Ǝi Mbaidɔmbaije, ma lé m’to dəw gə́ njetakwɔi. Né neelé un kudee tagə́nè el ləm, ndɔkanona el ləma, to mee ndəa gə́ i un kudu kwɔji ne ta gə kura ləi lé el ləm tɔ, mbata tam gə ndo̰m wɔi yaa̰ ya.

Teḛ-Raga 4:13

Moyis pana: Ǝi Mbaidɔmbaije, ula dəw gə́ raŋg to gə́ məəi ndigi.

Esai 55:4

Aa ooje, ma m’undá gə́ njekɔrgoota ləm Mbuna koso-dəwje’g ləm, M’undá gə́ mbai gə́ njedum dɔ koso-dəwje ləm tɔ.

Esai 6:8

M’oo ndu Mbaidɔmbaije gə́ pana: See na̰ ɓa n’a kulá karee aw mbata lə neḛje wa. Ma m’ilá keneŋ m’pana: Yḛ̀ m’aar nee, ulam am m’aw.

Ejekel 3:23

Ma m’ḭta m’aw mee wəl-loo’g lé ndá aa oo, rɔnduba lə Njesigənea̰ teḛ keneŋ to gə́ m’oo kédé mbɔr baa gə́ Kebar’g lé. Yen ŋga m’oso m’dəb kəm naŋg.

Loo gə́ killa rea kəm Daniel’g 10:13

Mbai dɔ ɓeeko̰ gə́ Persə oma̰ səm as ndɔ rɔ-joo-giree-kára. Nɛ aa oo, Mikaɛl, yeḛ gə́ kára mbuna mbaije gə́ boo’g lé ree mba la səm tɔɓəi ma m’nai lée’g neelé rɔ mbaije gə́ Persə tɔ.

Loo gə́ killa rea kəm Daniel’g 10:21

Nɛ ma m’ndigi kar kəmi inja dɔ taje gə́ ndaŋg mee maktub gə́ ka̰ kankəmta’g. Dəw kára kara la səm mba koma̰ ne sə dee-deḛ neelé el nɛ Mikaɛl, mbai lə sí lé ɓa.

Loo gə́ killa rea kəm Daniel’g 12:1

Mee ndəa’g neelé Mikaɛl, mbai gə́ boi gə́ to njetaa dɔ dəwje ləi a kḭ tar. A to ndɔ néɓəŋgərəti ya. Un kudee mee ndɔ tum ginkoji dəwje gə raŋg’g saar ndəa’g neelé dəw oo gar néɓəŋgərəti gə́ togə́bè lé el. Mee ndəa’g neelé dəwje ləi gə́ ndaŋg ri dee mee maktub’g ɓa d’a kaji ya.

Loo gə́ killa rea kəm Daniel’g 8:11

Yee aw njal mba rɔ gə mbai dɔ boo-kuraje gə́ dara ləm, ɔgee dɔ nékinjaməs gə́ d’aw ra ta-ta gə́ kédé-kédé ləma, yee ila ndɔl dɔ loo ləa gə́ to gə kəmee doi lé ləm tɔ.

Ləbije 9:24

Pər ḭ no̰ Njesigənea̰’g ndá roo nékinjaməs gə́ ka̰ roo gə ubuje gə́ to loo-nékinjaməs’g lé. Koso-dəwje lai d’oo ndá deḛ ra né u-u-u gə rɔlel tɔɓəi deḛ d’oso rəb dəb kəm dee naŋg tɔ.

Bula lə Israɛlje 16:22

Moyis gə Aaro̰ d’oso naŋg bəbərə-bəbərə dəb kəm dee naŋg, deḛ pana: Ǝi Ala! i gə́ ar dəwje lai d’isi kəmba lé! Dəw kára ba ɓa ra kaiya ndá ŋga, see oŋg ləi a kḭ səi pu dɔ koso-dəwje’g ləi lai to gə́ ban wa.

Bula lə Israɛlje 22:31

Togə́bè Njesigənea̰ ar kəm Balaam inja ndá Balaam oo kura lə Njesigənea̰ gə́ aar rəbə gə kiambas gə́ ɔr sɔlee’g jia’g lé ndá yeḛ ula dəa naŋg unda barmba dəb kəmee naŋg.

Matiyo 22:44

Mbaidɔmbaije lé ula Mbai ləm pana: Si dɔ jikɔlm’g saar Mba karm m’ar njéba̰je ləi tel to nétura-gɔl-kɔm ləi lé.

Matiyo 8:2

Aa ooje njeba̰ji kára ree pər gə́ rəa’g unda barmba naŋg nea̰’g pana: Mbai, ɓó lé i ndigi ndá i kaskəm kar rɔm ɔr ɓə̰dərə-ɓə̰dərə ya.

Lugu 1:43

Nojikwa gə́ togə́bè a kḭ ra ɓa ree dɔm’g ɓa ko̰ Mbaidɔmbaije ləm ree gə mba koom ne ɓa pa taree nee wa.

Lugu 20:42

Dabid nja pata mee maktub Pakɔs’g pana: Mbaidɔmbaije lé ula Mbai ləm pana: Si dɔ jikɔlm’g

Lugu 5:12

Loo gə́ Jeju sí mee ɓee-boo gə́ kára bèe ndá diŋgam kára gə́ ba̰ji ila bina rəa’g mbə̰gərə-mbə̰gərə aa loo ée ndá rəm oso naŋg bəbərə dəb kəmee naŋg nea̰’g, un ta ulá oso ne ndòo pana: Mbaidɔmbaije, ɓó lé məəi ndigi ndá i askəm kar rɔm ɔr ɓə̰dərə-ɓə̰dərə ya.

Tagə́maji gə́ Ja̰ ndang 20:28

Tomas ilá keneŋ pana: Mbaidɔmbaije ləm! Ala ləm!

Néra Njékaḭkulaje 9:6

Sool unda bala tigi-tigi ɓəl undá badə gaŋgee, aree pana: Mbaidɔmbaije, see ɗi ɓa i ndigi kam m’ra wa. Tɔɓəi Mbaidɔmbaije ulá pana: Uba naŋg ḭta aw uru mee ɓee’g ndá d’a kulai né gə́ kəm kari ra ɓəi.

Njé gə́ Pilibə 3:8

Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm,

Ǝbrəje 2:10

Tɔgərɔ ya, Ala gə́ unda néje lai ləm, nékundaje lai to kea̰-yeḛ ləm tɔ lé yeḛ nja ra gə goo rəbee loo gə́ yeḛ ar njegin bəgərə kaji lə ŋganee bula uru dan néurti’g, mba karee to ne dəw gə́ maji dum ləm, mba karee ɔr no̰ dee ula ne rɔnduba dɔ dee’g ləm tɔ.

Jujé 20:1

Njesigənea̰ ula Juje pana:

Loo gə́ killa rea kəm Ja̰’g 12:7

Loo gə́ mbuna dara’g lé tel to gə́ loo-rɔ. Misel gə kuraje ləa deḛ rɔ gə dakɔb lé. Ndá dakɔb gə kuraje ləa rɔ sə dee tɔ,