Jujé 5:1 - Maktub gə́ To gə Kəmee

¹ Mbaije lə Amɔrje lai gə́ d’isi par gə́ dɔ-gó lə baa gə́ Jurdɛ̰ ləm, gə mbaije lə njé gə́ Kana̰ lai gə́ d’isi ta baa-boo-kad’g ləm tɔ lé, loo gə́ d’oo to gə́ Njesigənea̰ ar baa gə́ Jurdɛ̰ kai rəa dana no̰ Israɛlje’g saar ar sí n’dəsje loo gə́ tudu kurum-kurum’g ndá meḛ dee ila kas bilim ləm, ndil dee teḛ rɔ dee’g ləm tɔ gə mbata lə Israɛlje lé ya.

Jujé 5:1 ပူးပေါင်းရင်းမြစ်များ

Gḭ-Néje 12:6

Abram njaa unda loo gaŋg aw saar teḛ loo gə́ ɓaree Sikem, saar teḛ loo gə́ kagje gə́ ɓar dee sɛnəje gə́ Moré d’aar keneŋ. Kana̰je d’isi mee ɓee’g neelé ɓəi.

Gḭ-Néje 48:22

Ma lé m’ari nénduba kára gə́ ur dɔ ka̰ ŋgakɔḭje’g, to yee gə́ ma m’taa ji Amɔrje’g gə kiambas ləm, gə ɓandaŋg ləm ləm tɔ.

2 Samel 21:2

Mbai ɓar koso-dəwje gə́ Gabao̰ mba kula dee ta. Koso-dəwje gə́ Gabao̰ lé to Israɛlje el nɛ to ges Amɔrje gə́ nai ya. Israɛlje d’un ndu dee d’ar dee gə ndu manrɔ nɛ lé bèe kara Sawul ndigi tɔl dee gə́ tɔl ya mbata mal Israɛlje gə Judaje gə́ rəa ŋgwɔd-ŋgwɔd lé.

1 Mbaije 10:5

gə nésɔje gə́ to dɔ tabul’g ləa ləm, gə loo-si kuraje ləa ləm, gə kula ra dee gə́ ra ne né d’aree ləm, gə njekaree nékaije ləma, gə nékinjanéməsje ləa gə́ ka̰ roo gə́ yeḛ inja dee mee kəi’g lə Njesigənea̰ lé ləm tɔ. Ta igee sel aree ula mbai lé pana:

Esdras 9:1

Loo gə́ rudu néje neelé un ɗiao mba̰ ndá ŋgan-mbaije ree rɔm’g pana: Dəwje gə́ Israɛl ləm, gə njékinjanéməsje gə Ləbije ləm tɔ lé d’unda rɔ dee ɓəd mbuna dəw-mee-ɓeeje’g neelé el ləm, ndá deḛ ndaji ne néra deeje gə́ mina̰ gə́ to kḛji gə́ to néra Kana̰je ləm, gə Hetje ləm, gə Peresje ləm, gə Yebusje ləm, gə Amo̰je ləm, gə Moabje ləm, gə Ejiptəje ləma, gə Amɔrje ləm tɔ.

Pakɔsje 135:11

Siho̰, mbai gə́ ɓee lə Amɔrje ləm, Gə Ɔg, mbai gə́ ɓee lə Basanje ləma, Gə mbaije lai gə́ Kana̰ lé ləm tɔ.

Teḛ-Raga 23:28

M’a kula kṵdarasje no̰ sí’g ndá d’a tuba Hebje, gə Kana̰je, gə Hetje kɔm dee əw.

Esai 41:5

Deḛ gə́ d’isi dɔgoré-looje’g d’ée Ndá d’isi ne dan ɓəl’g ləm, Deḛ gə́ d’isi gwɔi naŋg’d kara D’unda bala ləm tɔ, Deḛ rəm pər ree nee ya.

Ejekel 16:3

M’a kulá pana: Mbaidɔmbaije gə́ Njesigənea̰ pata togə́bè ar Jerusalem pana: Ɓee gə́ unda geli gə ɓee-kojii lé to ɓee gə́ Kana̰ ya, bɔbije to dəw gə́ Amɔr ləm, kɔinje to gə́ ginkoji’g lə Het ləm tɔ.

Ejekel 21:7

I ŋgon-dəw lé maji kari tel kəmi par gə́ Jerusalem pata ila dɔ looje gə́ to gə kəmee! Teg ginta ila dɔ ɓee gə́ Israɛl!

Loo gə́ killa rea kəm Daniel’g 5:6

Yen ŋga mbai lé kəmee tel to ɓəd ləm, takə̰jije ləa ar mée tila ŋgaḭla-ŋgaḭla ləm tɔ. Bəgərəje tɔr ar kəjeje d’unda bala pad-pad.

Amɔs 2:9

Nɛ kédé lé neḛ n’tuji Amɔrje no̰ dee’g ya, Deḛ gə́ kagrɔ dee ŋgal to gə́ kag-sɛdrə bèe ləm, Siŋga dee kara to asəna gə kag-sɛnə bèe ləm tɔ, Neḛ n’tuji kandə dee gə́ tar ləm Gə ŋgira dee gə́ naŋg ləm tɔ.

Bula lə Israɛlje 13:29

Amalekje d’isi par gə́ dɔkɔl, Hetje, gə Yebusje gə Amɔrje d’isi dɔ mbal’g, tɔɓəi Kana̰je d’isi mbɔr baa-boo-kad’g ləm, gə dɔ koŋgo baa gə́ Jurdɛ̰’g ləm tɔ.

Jujé 17:12

Manasə lé d’askəm tuba njé gə́ d’isi mee ɓee-booje’g neelé el mbata Kana̰je d’aar dɔ gɔl dee’g njaŋg mba nai mee ɓee’g neelé.

Jujé 17:18

Nɛ seḭ a kiŋgaje dɔ mbal gə́ né ka̰ sí-seḭ mbata to mee kag-kɔr gə́ seḭ a tugaje ndá néje lai gə́ keneŋ a to ka̰ sí-seḭ ya, bèe ɓa Kana̰je lé lé pusu-rɔje lə dee gə́ ra gə larndul to keneŋ ləm, lé siŋga dee to yaa̰ ləm tɔ kara seḭ a tuba deeje ya.

Jujé 24:15

Nɛ ɓó lé seḭ ooje to gə́ to maji kəm kwa Njesigənea̰ meḛ’g sí el ndá ɓogənè ya maji kar sí mbərje yeḛ gə́ seḭ ndigije poleeje né kaareeje, lé to magəje gə́ ka síje pole dee kel tura-baa gə́ nu əsé lé to magəje lə Amɔrje gə́ seḭ síje mee ɓee’g lə dee nee kara, ma ɓa yḛ̀ jeḛ gə njémeekəije ləm lé j’a kwaje Njesigənea̰ ɓa meḛ sí’g ya.

Jujé 3:16

mán gə́ ḭ tar ula lé gaŋg ŋgəji tɔɓəi ndur dɔ na̰’d loo kára ba gə kuree, teḛ mbɔr ɓee-boo gə́ ria lə Adam gə́ to mbɔr Sartan’g, ar mán gə́ ḭ ula par gə́ baa-boo-kad gə́ ria lə Baa-Kad gə́ to mee ndag-loo’g lé gaŋg ŋgəji tɔ. Koso-dəwje gaŋg baa loo gə́ wɔji dɔ Jeriko njoroŋ tɔ.

Jujé 3:17

Njékinjanéməsje gə́ to njékun sa̰duk manrɔje lə Njesigənea̰ lé d’aar kɔgərɔ dɔ gɔl dee’g dɔ naŋg gə́ tudu kurum-kurum’g dan baa’d gə́ Jurdɛ̰, ar Israɛlje lai dəs dɔ naŋg gə́ tudu kurum-kurum’g saar ar ginkoji dəwje lai dəs baa gə́ Jurdɛ̰ ya.

Loo gə́ killa rea kəm Ja̰’g 18:10

D’a kunda rɔ dee ŋgərəŋ mbata d’a ɓəl néurti gə́ rəa lé ndá d’a pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Babilɔn, ɓee-boo gə́ njesiŋgamoŋ lé nja! Mee kàree gə́ kára ba ya nétuji gə́ wɔji dɔi teḛ dɔi’g ya.

Njéga̰g-Rəwtaje 1:1

Loo gə́ Juje wəi mba̰ ndá Israɛlje dəji Njesigənea̰ pana: See na̰ ɓa mbuna sí’g a kɔr rɔ doŋgɔr kaw rɔ gə Kana̰je wa.

Njéga̰g-Rəwtaje 11:23

Nɛ ɓasinè gə́ to gə́ Njesigənea̰, Ala lə Israɛlje ɓa tuba Amɔrje no̰ dəwje’g ləa gə́ Israɛl neelé, see to i ŋga ɓa a gə taa dɔ naŋg ɓee lə dee lé wa.

Njéga̰g-Rəwtaje 3:3

Ginkoji dəwje gə raŋg lé ɓa nee: Mbaije gə́ mi gə́ to mbai dɔ Pilistije ləm, gə Kana̰je lai ləm, gə Sido̰je ləma, gə Hebje gə́ d’isi kaar mbal gə́ Liba̰, un kudee kaar mbal gə́ Baal-Hermo̰ saar teḛ ne tarəw ɓee-boo gə́ Amat ləm tɔ.

Njéga̰g-Rəwtaje 4:2

Njesigənea̰ ya̰ dee ji Jabḭ’g, gə́ to mbai gə́ Kana̰, gə́ si o̰ ɓee Asɔr. Mbai dɔ njérɔje ləa gə́ ria lə Sisera lé si ɓee gə́ Haroset-Goyim.

1 Samel 25:37

Nɛ loo gə́ loo àr gə ndɔ ndá kido lé ḛ kəm Nabal’g ɓa dené ləa ɔr sor néje gə́ dəs lé aree ɓəi. Né ra ɓəŋgərə Nabal as yoo aree si dḭdiri tel to asəna gə kɔr mbal bèe.