Jujé 4:7 - Maktub gə́ To gə Kəmee

⁷ seḭ a kula deeje pajena: Man baa gə́ Jurdɛ̰ lé kai rəa dana no̰ sa̰duk-manrɔ’g lə Njesigənea̰, loo gə́ d’unee gaŋg ne mán baa gə́ Jurdɛ̰ ndá mán baa gə́ Jurdɛ̰ kai rəa dana, yee ɓa kɔr mbalje neelé d’a to gə́ nékolé-mee lə Israɛlje gə́ a to gə no̰ lé tɔ.

Jujé 4:7 ပူးပေါင်းရင်းမြစ်များ

Pakɔsje 111:4

Néreaje gə́ dumkoo lé Yeḛ ar meḛ sí olé dɔ’g ləm, Njesigənea̰ lé to njemeekoso lemsé ləm, Gə njekoo kəmtondoo ya ləm tɔ.

Teḛ-Raga 12:14

Seḭ a karje meḛ sí olé dɔ ndɔ’g neelé ndá seḭ a raje ne naḭ gə́ wɔji dɔ Njesigənea̰. Seḭ a raje kaareeje to asəna gə godndu gə́ a to saar-saar gə no̰ mbata lə ŋgaka síje ya.

Teḛ-Raga 28:12

D’a tula jərje gə́ joo neelé dɔ kubu gə́ dɔ bag épod’d gə mba karee to nékolé-mee dɔ Israɛlje’g, bèe ɓa a to asəna gə nékolé-mee bèe gə́ Aaro̰ a kodo ne ri dee no̰ Njesigənea̰’g dɔ bageeje’d gə́ joo’g lé.

Teḛ-Raga 30:16

I a taa lar kuga dɔ rɔ dee ji Israɛlje’g ndá, a ra ne kula gə́ wɔji dɔ kəi-kubu-si-Ala, yee ɓa to nékolé-mee Israɛlje no̰ Njesigənea̰ gə́ to njekoga dɔ dee kédé lé.

Esai 66:3

Dəw gə́ tɔl bɔ maŋg gə́ nékinjaməs lé Yeḛ tɔl dəw bèe ya ləm, Dəw gə́ inja ŋgon badə gə́ nékinjaməs lé Yeḛ təd gwɔb bisi bèe ya ləm, Dəw gə́ un nékar gə́ to nduji lé Yeḛ saga məs da-bər bèe ya ləma, Dəw gə́ tuu né gə́ ə̰də sululu lé Yeḛ wa magəje mée’g bèe ya ləm tɔ. Deḛ lai neelé d’ɔr kəm rəwje lə dee Mba njaa keneŋ ləm, Meḛ dee lel dee dɔ néje’g lə deḛ gə́ mina̰ ləm tɔ.

Bula lə Israɛlje 17:5

Yee ɓa to nékolé-mee mbata lə Israɛlje mba kar dəw gə́ rara gə́ to gə́ ginkoji’g lə Aaro̰ el lé a rəm gə́ keneŋ mba tuu né gə́ ə̰də sululu no̰ Njesigənea̰’g el ləm, a to asəna gə Koré gə kudu-dəwje ləa el ləm tɔ gə goo ta gə́ Njesigənea̰ pa gə ndu Moyis.

1 Njé gə́ Kɔrḭtə 11:24

tɔɓəi loo gə́ yeḛ ra Ala lé oiyo ndá yeḛ wa gaji dana ɓəi pana: Yee gə́ nee to gə́ darɔm gə́ m’ya̰ m’ar sí. Raje togə́bè gə mba kar meḛ sí olé ne dɔm’g.

Tel tura Godndu 16:3

Ndɔ ra naḭ lé seḭ a ko̰je muru gə́ əm-tiné to keneŋ el nɛ muru gə́ lal əm-tiné ɓa a ko̰je as ndɔ sí siri, muru gə́ lal əm-tiné lé to muru nékəmndoo lə sí mbata seḭ ḭje rad mee ndəa gə́ seḭ undaje ne loo mee ɓee gə́ Ejiptə teḛje lé: seḭ a raje togə́bè mba kar mee ndɔje lai gə́ seḭ síje ne kəmba lé meḛ sí a kolé ne dɔ ndɔ gə́ seḭ undaje ne loo mee ɓee gə́ Ejiptə teḛje ne lé ya.

Jujé 4:6

gə mba karee to gə́ nétɔji mbuna sí’g. Bèe ɓa ndɔ gə́ raŋg loo gə́ ŋgan síje d’a dəji sí pana: Kɔr mbalje gə́ tɔs dee dɔ na̰’d lé see ginee to gə́ ɗi wa ndá,