Jujé 4:6 - Maktub gə́ To gə Kəmee

⁶ gə mba karee to gə́ nétɔji mbuna sí’g. Bèe ɓa ndɔ gə́ raŋg loo gə́ ŋgan síje d’a dəji sí pana: Kɔr mbalje gə́ tɔs dee dɔ na̰’d lé see ginee to gə́ ɗi wa ndá,

Jujé 4:6 ပူးပေါင်းရင်းမြစ်များ

Pakɔsje 44:1

Pa lə Koréje gə́ d’ar bao-pa mba karee ɔs sə dee lé

Pakɔsje 71:18

Ǝi Ala, dan ɓuga’g ləm gə́ dɔm pudu ya kara Maji kar i ubam ya̰’m el Gə mba karm m’ila mber ta siŋgamoŋ tɔg mbaŋ ləi lé M’ar njéboakojije lə na̰ gə́ ɓasinè lé ləm, Gə njéboakojije lə na̰ gə́ d’a gə teḛ gə́ teḛ ɓəi lé ləm tɔ.

Teḛ-Raga 12:14

Seḭ a karje meḛ sí olé dɔ ndɔ’g neelé ndá seḭ a raje ne naḭ gə́ wɔji dɔ Njesigənea̰. Seḭ a raje kaareeje to asəna gə godndu gə́ a to saar-saar gə no̰ mbata lə ŋgaka síje ya.

Teḛ-Raga 13:14

Togə́bè ɓa loo gə́ ŋgan síje d’a dəji sí ta mee ndɔ gə́ raŋg’d pana: See naḭ neelé ginee to wɔji dɔ ɗi wa. Ndá seḭ a kila deeje keneŋ pajena: Mbɔl dɔ ji siŋgamoŋ lə Njesigənea̰ gə́ ɓar mèr-mèr lé yeḛ ar sí j’undaje ne loo mee ɓee gə́ Ejiptə gə́ to ɓee-ɓər lé teḛje ya.

Teḛ-Raga 13:9

Naḭ neelé a to nétɔji gə́ a to ji sí’g ləm, a to nékolé-mee gə́ a to ŋgo no̰ sí’g ləm tɔ gə mba kar godndu Njesigənea̰ to ne tai’g.

Teḛ-Raga 31:13

I lé, maji kari ula Israɛlje pana: Lé riri kara seḭ a kaaje dɔ ndɔ-kwa-rɔje ləm kər-kər mbata yee ɓa to nétɔji gə́ a to mbuna síjeḛ sə síje’g ləm, gə mbuna ŋgaka síje’g ləm tɔ, mba kar dee gər to gə́ ma lé m’to Njesigənea̰ gə́ m’unda sí gə kəmee lé.

Esai 38:19

Yeḛ gə́ aw kəmba nja kára ba Yeḛ nja ɓa askəm pidii To gə́ m’ra ɓogənè bèe. Bɔ-ŋganje ar ŋganeeje gər ŋgonkoji ləi.

Esai 55:13

Kag-siprɛs ɓa a kuba tor kunje’g ləm, Mbəə ɓa a ra tɔg tor kun-pɔrɔrɔ’g ləm tɔ, Yee ɓa a to gə́ nérɔnduba mbata lə Njesigənea̰ ləm, As to nékolé-mee gə́ to gə no̰ gə́ a tuji el ləm tɔ.

Ejekel 20:12

Ndɔ-kwa-rɔje kara n’ar dee gə́ nétɔji mbuna neḛ-neḛ’g sə deeje mba kar dee gər to gə́ neḛ n’to Njesigənea̰ gə́ n’unda dee gə kəmee.

Ejekel 20:20

Maji kar sí undaje ndɔ-kwa-rɔje lə neḛ gə kəmee gə mba kar dee to mbuna neḛ sə síje’d gə́ nétɔji gə mba kar sí gərje ne to gə́ neḛ n’to Njesigənea̰, Ala lə sí.

Néra Njékaḭkulaje 2:39

Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

Tel tura Godndu 11:19

Seḭ a ndooje ŋgan síje taree ləm, seḭ a kula deeje taree loo gə́ seḭ síje mee kəije’g lə sí ləm, gə loo gə́ seḭ awje mbá’g ləm, gə loo gə́ seḭ a toje naŋg ləma, gə loo gə́ seḭ a k’ḭje tar ləm tɔ.

Jujé 22:27

nɛ mba karee to nékɔrkəmta mbuna síjeḛ sə síje’g ləm, mbuna ŋgaka síje gə ŋgaka sí-seḭje’g ləm tɔ, to gə́ jeḛ ndigi ra né no̰ Njesigənea̰’g gə nékinjanéməsje gə́ ka̰ roo ləm, gə nékinjanéməsje gə ka̰ kuga dɔ kaiya ləma, gə nékinjanéməsje gə́ ka̰ kɔm na̰’d ləm tɔ, mba kar ndɔ gə́ raŋg ŋgan sí-seḭje d’a kula ŋgan síjeḛje pana: Né lə sí kára kara to rɔ Njesigənea̰’g el lé d’a kaskəm pa bèe el.

Jujé 4:21

Yeḛ ula Israɛlje pana: Loo gə́ ŋgan síje d’a dəji sí ndɔ gə́ raŋg pana: Kɔr mbalje gə́ tɔs dee dɔ na̰’d neelé see ginee to ɗi wa.

Jujé 4:5

Yeḛ ula dee pana: Dəsje no̰ sa̰duk-manrɔ’g lə Njesigənea̰, Ala lə sí gə́ kédé dan mán baa’d gə́ Jurdɛ̰ gə mba kar nana kara dan sí’g un kɔr mbal kára kára dɔ tamee’g tamee’g gə goo bula lə ginkoji Israɛlje lai