Jujé 4:5 - Maktub gə́ To gə Kəmee

⁵ Yeḛ ula dee pana: Dəsje no̰ sa̰duk-manrɔ’g lə Njesigənea̰, Ala lə sí gə́ kédé dan mán baa’d gə́ Jurdɛ̰ gə mba kar nana kara dan sí’g un kɔr mbal kára kára dɔ tamee’g tamee’g gə goo bula lə ginkoji Israɛlje lai

Jujé 4:5 ပူးပေါင်းရင်းမြစ်များ

Gḭ-Néje 31:46

Jakob ula ŋgakea̰je pana: Odoje kɔr mbalje tɔs deeje dɔ na̰’d. Deḛ d’odo kɔr mbalje d’wa kugu dɔ na̰’d ndá deḛ d’usɔ né dɔ’g tɔ.

Teḛ-Raga 24:4

Moyis ndaŋg taje lə Njesigənea̰ lé lai. Tɔɓəi yeḛ ḭta gə ndɔ rad, ndá yeḛ unda loo-nékinjaməs mbɔr mbal’g, yeḛ tɔs kɔr mbalje dɔg-gir-dee-joo dɔ na̰’d wɔji ne dɔ ginkoji lə Israɛlje gə́ dɔg-gir-dee-joo lé.

Tel tura Godndu 27:2

Loo gə́ seḭ a gaŋgje baa gə́ Jurdɛ̰ dəsje gə mba kawje mee ɓee gə́ Ala lə sí gə́ Njesigənea̰ ar sí lé mba̰ ndá seḭ a kodoje kɔr mbalje gə́ boi-boi tɔs deeje dɔ na̰’d ɓa seḭ a kundaje pɔrɔ keneŋ ɓəi.

Tel tura Godndu 9:1

Seḭ Israɛlje lé maji kar sí ooje maji! Ɓogənè seḭ a gə gaŋgje baa gə́ Jurdɛ̰, gə mba tuba ne ginkoji dəwje gə raŋg gə́ bula d’unda sí ləm, siŋga dee ur dɔ sí’g ləm tɔ, seḭ a gə taaje ɓee-booje gə́ boi gə́ ndògo-bɔrɔ gə́ keneŋ aw saar mee dara’g,

Jujé 22:10

Loo gə́ deḛ teḛ dɔ naŋg’d mbɔr baa gə́ Jurdɛ̰ gə́ wɔji dɔ ɓee gə́ Kana̰ lé ndá, Rubḛje gə Gadje, gə ges ginkoji Manasə ra loo-nékinjaməs keneŋ ta baa gə́ Jurdɛ̰, yee gə́ to loo-nékinjaməs gə́ boi yaa̰ gə́ to tar ɗaŋg kəm dee’g lé.

Jujé 4:4

Juje ɓar dəwje dɔg-gir-dee-joo, to deḛ gə́ yeḛ ɔr dee kédé mbuna Israɛlje’g lé, dəw kára-kára wɔji ne dɔ ginkoji gə́ kára-kára tɔ.

Jujé 4:6

gə mba karee to gə́ nétɔji mbuna sí’g. Bèe ɓa ndɔ gə́ raŋg loo gə́ ŋgan síje d’a dəji sí pana: Kɔr mbalje gə́ tɔs dee dɔ na̰’d lé see ginee to gə́ ɗi wa ndá,