Jujé 4:3 - Maktub gə́ To gə Kəmee

³ Un ndui togə́bè ar dee pana: Odoje kɔr mbalje dɔg-giree-joo dan mán baa’d gə́ Jurdɛ̰ ndá, lé gə́ njékinjanéməsje d’aar kɔgərɔ dɔ gɔl dee’g keneŋ lé ndá awje ne aw ɔmje loo gə́ a toje keneŋ loondul’g lé.

Jujé 4:3 ပူးပေါင်းရင်းမြစ်များ

Gḭ-Néje 28:22

Kɔr mbal nee gə́ ma m’unda gə́ nékolé-mee lé a to kəi lə Ala ndá néje lai gə́ i a karm lé m’a kai dee loo dɔg ndá m’a kun təa kára kari ya tɔ.

Pakɔsje 103:2

Ŋgaw məəm, maji kari unda no̰ dɔkaisəgərə lə Njesigənea̰ Ɓó gə ar məəi wəi dɔ néra majije’g ləa kára kara pai bèe godo.

Pakɔsje 11:4

Njesigənea̰ si mee kəi’g ləa gə́ to gə kəmee doi lé ya. Njesigənea̰ lé kalimbai ləa to mee dara’g, Kəmee ɓa aa ne loo gərərə ləm, Kəmee lé tən ne dəwje soo-soo ləm tɔ.

Lugu 19:40

Nɛ yeḛ tel ila dee keneŋ pana: Ma m’ula sí təsərə, ɓó lé deḛ ɓa d’wa ta dee d’isi mundu ndá kɔr mbalje ɓa d’a ra né wəl-wəl ya!

Jujé 24:27

Ndá Juje ula koso-dəwje pana: Aa ooje, mbal neelé a to nékɔrkəmta lə sí mbata yee oo ta néje lai gə́ Njesigənea̰ ula sí ya, bèe ɓa yee a to ne nékɔrkəmta lə sí gə mba kar sí ubaje ne Ala lə sí yá̰je el ŋga.

Jujé 3:13

Loo gə́ njékinjanéməsje gə́ d’un sa̰duk-manrɔ lə Njesigənea̰ gə́ to Mbai gə́ njeko̰ɓee dɔ naŋg nee lai lé d’a kila dabla gɔl dee dan mán’d gə́ Jurdɛ̰ ndá, mán gə́ Jurdɛ̰ lé a kai rəa dana kar mán gə́ ḭ tar ula lé a ndur dɔ na̰’d loo kára ba.

Jujé 4:4

Juje ɓar dəwje dɔg-gir-dee-joo, to deḛ gə́ yeḛ ɔr dee kédé mbuna Israɛlje’g lé, dəw kára-kára wɔji ne dɔ ginkoji gə́ kára-kára tɔ.

Jujé 4:8

Israɛlje ra né gə́ Juje un ne ndia ar dee lé. Ndá deḛ d’odo kɔr mbalje dɔg-giree-joo dan baa’d gə́ Jurdɛ̰ to gə́ Njesigənea̰ un ne ndia ar Juje lé gə goo bula lə ginkoji Israɛlje ndá d’aw d’unda dee loo gə́ deḛ to keneŋ loondul’g lé ya tɔ.

1 Samel 7:12

Samel un mbal kára ila mbuna Mispa’g gə Seḭ’g ndá yeḛ ɓaree Eben-Ejer, mbata yeḛ pana: Njesigənea̰ la sə sí saar teḛ loo gə́ nee’g.