Jujé 4:23 - Maktub gə́ To gə Kəmee

²³ Mbata Njesigənea̰, Ala lə sí ar baa gə́ Jurdɛ̰ kai rəa dana no̰ sí’g ar sí dəsje loo gə́ tudu kurum-kurum’g awje, to gə́ Njesigənea̰, Ala lə sí ar baa-boo-kad gə́ ria lə Baa-Kas kai ne rəa no̰ síjeḛ’g, ar síjeḛ n’dəsje ne loo gə́ tudu kurum-kurum’g j’awje ne bèe tɔ,

Jujé 4:23 ပူးပေါင်းရင်းမြစ်များ

1 Mbaije 8:43

maji kari oo ndia mee dara’g loo-sii’g ndá ar dəw-dɔ-ɓee neelé néje lai gə́ yeḛ a dəjii, mba kar koso-dəwje lai gə́ dɔ naŋg nee gər rii gə mba ɓəli ne, to gə́ koso-dəwje ləi gə́ Israɛl bèe, bèe ɓa d’a gər to gə́ rii ɓar mee kəi gə́ ma m’unda neelé ya.

Nehemi 9:11

I kai baa-boo-kad dana no̰ dee’g Ar dee dəs danee’g loo gə́ tudu kurum-kurum’g, Nɛ deḛ gə́ tuba goo dee lé I ɔs dee ɓugu dee ɓul mán’g To gə́ kɔr mbal gə́ oso ŋguru baa’g bèe.

Pakɔsje 78:13

Yeḛ kai baa-boo-kad lé dana ya̰ ne rəw ar dee ləm, Yeḛ ur manje tar to gə́ ndògo-bɔrɔ bèe ləm tɔ.

Teḛ-Raga 14:21

Moyis ula jia ndiŋ dɔ mán baa-boo’g. Ndá Njesigənea̰ ar lel-boo ḭ bər ula gigigi-gigigi loondul’g ya saar ar loo àr ndá ɔs ne mán baa-boo gə́ gogo, yeḛ ar rəw-kaw dee gə́ dan baa-boo’g neelé tudu kurum-kurum mbata mán lé kai rəa dana.

Teḛ-Raga 15:19

Mbata kundaje lə Parao̰, gə pusu-rɔje ləa, gə njérɔ gə kundaje ləa lé d’andə mee baa-boo’g, ndá Njesigənea̰ ar mán baa-boo tel tula dɔ dee’g ya, nɛ Israɛlje lé njaa dɔ naŋg gə́ tudu kurum-kurum’g mee baa-boo’g ya.

Esai 43:16

Njesigənea̰ gə́ to njekwɔji rəw dan baa-boo-kad’g ləm, Gə njera rəw dan mán-bélmje gə́ no̰ mbiao̰-mbiao̰’g ləm,