Jujé 4:18 - Maktub gə́ To gə Kəmee

¹⁸ Loo gə́ njékinjanéməsje gə́ to njékun sa̰duk manrɔje lə Njesigənea̰ lé d’unda loo dan baa gə́ Jurdɛ̰ teḛ raga d’ila dabla gɔl dee dɔ naŋg gə́ tudu kurum-kurum’g ndá mán baa gə́ Jurdɛ̰ lé tel ree taa loo toree’g gogo ləm, ruba pɔ-pɔ to gə́ kédé lé ya ləm tɔ.

Jujé 4:18 ပူးပေါင်းရင်းမြစ်များ

1 Sôrta Gḭka-Israɛlje 12:15

Deḛje nee ɓa to ginkoji Gadje gə́ to ɓé-njérɔje lé, yeḛ gə́ nai gɔ mbuna dee’g lé askəm kɔr rɔ kaw rɔ gə dəwje gə́ tɔl (100) kára ləm, yeḛ gə́ tɔg yaa̰ mbuna dee’g kara askəm kɔr rɔ kaw rɔ gə dəwje gə́ tɔl-dɔg (1.000) ləm tɔ.

Esai 8:8

A kula taa ɓee gə́ Juda pəl-pəl Ndá a ruba pɔ-pɔ taa ne loo pəl-pəl ləm, A kaw saar teḛ ta gwɔsee’g liriri ləm tɔ. Bageeje gə́ yee naji dee lé D’a taa dɔ naŋg ləi pəl-pəl ya, əi Emanuɛl!

Jujé 3:13

Loo gə́ njékinjanéməsje gə́ d’un sa̰duk-manrɔ lə Njesigənea̰ gə́ to Mbai gə́ njeko̰ɓee dɔ naŋg nee lai lé d’a kila dabla gɔl dee dan mán’d gə́ Jurdɛ̰ ndá, mán gə́ Jurdɛ̰ lé a kai rəa dana kar mán gə́ ḭ tar ula lé a ndur dɔ na̰’d loo kára ba.

Jujé 3:15

Naḭ kinja koje lai lé baa gə́ Jurdɛ̰ rusu koŋgo ruba raga pɔ-pɔ ya. Loo gə́ njékinjanéməsje gə́ to njékun sa̰duk manrɔje neelé teḛ ta baa’d gə́ Jurdɛ̰ d’ula gɔl dee mán kaar koŋgo’g ndá,

Jujé 4:11

Loo gə́ koso-dəwje dəs tar d’aw mba̰ ndá njékinjanéməsje d’un sa̰duk-manrɔ lə Njesigənea̰ lé d’aw d’aar ne no̰ koso-dəwje’g kédé tɔ.

Jujé 4:17

Togə́bè ɓa Juje un ndia ar njékinjanéməsje pana: Undaje loo dan baa gə́ Jurdɛ̰’g teḛje raga tɔ.

Jujé 4:19

Ndɔ dɔg lə naḭ gə́ dɔtar lé ɓa koso-dəwje d’unda loo dan baa gə́ Jurdɛ̰ teḛ ndá d’isi Gilgal gə́ to rəw-nim ɓee-boo gə́ Jeriko par gə́ bər lé.