Jujé 4:11 - Maktub gə́ To gə Kəmee

¹¹ Loo gə́ koso-dəwje dəs tar d’aw mba̰ ndá njékinjanéməsje d’un sa̰duk-manrɔ lə Njesigənea̰ lé d’aw d’aar ne no̰ koso-dəwje’g kédé tɔ.

Jujé 4:11 ပူးပေါင်းရင်းမြစ်များ

Esai 52:12

Maji kar sí undaje loo teḛje gə kaar gəd el ləm, Gə teḛje gə ŋgwɔd el ləm tɔ, Mbata Njesigənea̰ a kaw no̰ sí’g ləm, Yeḛ gə́ to Ala lə Israɛlje a korè goo sí ndəŋ ləm tɔ.

Jujé 24:11

Seḭ gaŋgje baa gə́ Jurdɛ̰ ndá seḭ teḛje ɓee gə́ Jeriko. Njéɓeeje gə́ Jeriko rɔ sə sí ya, Amɔrje, gə Peresje, gə Kana̰je, gə Hetje, gə Girgasije, gə Hebje, gə Yebusje kara rɔ sə sí ya tɔ. Nɛ ma m’ya̰ dee ji sí’g ya.

Jujé 3:17

Njékinjanéməsje gə́ to njékun sa̰duk manrɔje lə Njesigənea̰ lé d’aar kɔgərɔ dɔ gɔl dee’g dɔ naŋg gə́ tudu kurum-kurum’g dan baa’d gə́ Jurdɛ̰, ar Israɛlje lai dəs dɔ naŋg gə́ tudu kurum-kurum’g saar ar ginkoji dəwje lai dəs baa gə́ Jurdɛ̰ ya.

Jujé 3:8

I a kun ndui togə́bè kar njékinjanéməsje gə́ to njékun sa̰duk manrɔje neelé pana: Loo gə́ seḭ a teḛje ta baa gə́ Jurdɛ̰’g ndá seḭ a kaarje naŋg keneŋ dan mán’g.

Jujé 4:10

Njékinjanéməsje gə́ njékun sa̰duk manrɔje lé d’aar dan baa’d gə́ Jurdɛ̰ saar mba kar ndukun gə́ Njesigənea̰ un ar Juje mba karee ula dəwje gə goo néje lai gə́ Moyis un ndia dɔ’g ar Juje lé aw ne lée’g béréré ɓa koso-dəwje d’ɔs rɔ dee ɓad dəs d’aw ɓəi.

Jujé 4:12

Ginkoji Rubḛje, gə ginkoji Gadje, gə ges ginkoji Manasə lé d’wa nérɔje ji dee’g d’ɔr ne no̰ Israɛlje to gə́ Moyis ula dee ne kédé lé tɔ.

Jujé 4:18

Loo gə́ njékinjanéməsje gə́ to njékun sa̰duk manrɔje lə Njesigənea̰ lé d’unda loo dan baa gə́ Jurdɛ̰ teḛ raga d’ila dabla gɔl dee dɔ naŋg gə́ tudu kurum-kurum’g ndá mán baa gə́ Jurdɛ̰ lé tel ree taa loo toree’g gogo ləm, ruba pɔ-pɔ to gə́ kédé lé ya ləm tɔ.