Jujé 3:8 - Maktub gə́ To gə Kəmee

⁸ I a kun ndui togə́bè kar njékinjanéməsje gə́ to njékun sa̰duk manrɔje neelé pana: Loo gə́ seḭ a teḛje ta baa gə́ Jurdɛ̰’g ndá seḭ a kaarje naŋg keneŋ dan mán’g.

Jujé 3:8 ပူးပေါင်းရင်းမြစ်များ

2 Mbaije 2:6

Eli ulá pana: M’ra ndòo rɔi’g gə mba kari nai loo gə́ nee’g mbata Njesigənea̰ ulam gə́ baa gə́ Jurdɛ̰ ɓəi. Yeḛ ilá keneŋ pana: Njesigənea̰ to Njesikəmba ləm, i kara si kəmba ləm tɔ ndá, m’a kubai kya̰’i nda̰ el. Bèe ɓa deḛ joo bɔr d’un rəw na̰’d d’aw ya.

2 Sôrta Gḭka Israɛlje 29:15

Deḛ mbo̰ ŋgako̰ deeje dɔ na̰’d ɓa loo gə́ deḛ d’unda rɔ dee gə kəmee ndá deḛ ree mba kɔr néje gə́ mina̰ mee kəi’g lə Njesigənea̰ gə goo ndukun lə mbai lé ləm, gə goo taje lə Njesigənea̰ ləm tɔ.

2 Sôrta Gḭka Israɛlje 29:27

Ejekias un ndia mba kar dee d’inja nékinjaməs gə́ ka̰ roo dɔ loo-nékinjaməs’g, loo gə́ d’un kudu roo né ndá léegəneeya d’un kudu kɔs pa lə Njesigənea̰ to gə ndu to̰to̰je ləm, gə ndu nékimje gə́ Dabid gə́ to mbai lə Israɛlje kédé lé ar dee ra ləm tɔ.

2 Sôrta Gḭka Israɛlje 29:30

Yen ŋga mbai Ejekias gə ŋgan-mbaije d’un ndu dee d’ar Ləbije mba kar dee pidi Njesigənea̰ gə paje lə Dabid, gə ka̰ Asap, njetegginta lé, ndá deḛ pidee gə boo-rɔkal ləm, d’ɔs kəji dee naŋg d’unda barmba ləm tɔ.

2 Sôrta Gḭka Israɛlje 30:12

Mee ɓee gə́ Juda kara Ala ra kula meḛ dee’g ar meḛ dee asəna kára ba mba kar dee ra né gə goo ndukun lə mbai gə ka̰ ŋgan-mbaije karee aw lée’g béréré gə goo tapa Njesigənea̰ lé.

Nehemi 13:22

Ləbije kara m’un ndum mba kar dee d’ɔr won rɔ dee ləm, gə mba kar dee ŋgəm tarəwkɔgje mba kunda ndɔ-kwa-rɔ lé gə kəmee doi ləm tɔ.

Nehemi 13:28

Dəw kára mbuna ŋgalə Jeojada’d gə́ to ŋgolə Eliasib ŋgɔ-njekinjanéməs lé yeḛ to məəm Sanbalatje, dəw gə́ Hɔro̰. Ma m’ɔsee rɔm’g rəw gə́ raŋg.

Teḛ-Raga 14:13

Moyis ila koso-dəwje keneŋ pana: Ɓəlje el, aarje loo kaar sí’g mba kooje ne kaji lə Njesigənea̰ gə́ yeḛ a gə kaji sí kɔm sí ne tar mee ndɔ gə́ ɓogənè lé, mbata njé gə́ Ejiptə gə́ seḭ oo deeje ɓogənè neelé seḭ a koo deeje gogo el ŋga.

Nɔ̰-ndôo gə́ wɔji dɔ Jerusalem 3:26

Maji kar dəw si lɔm ya ŋgina Kaji gə́ ḭ rɔ Njesigənea̰’g lé.

Jujé 3:17

Njékinjanéməsje gə́ to njékun sa̰duk manrɔje lə Njesigənea̰ lé d’aar kɔgərɔ dɔ gɔl dee’g dɔ naŋg gə́ tudu kurum-kurum’g dan baa’d gə́ Jurdɛ̰, ar Israɛlje lai dəs dɔ naŋg gə́ tudu kurum-kurum’g saar ar ginkoji dəwje lai dəs baa gə́ Jurdɛ̰ ya.

Jujé 3:3

Tɔɓəi d’un ndu dee d’ar koso-dəwje lé pana: Loo gə́ seḭ a kooje sa̰duk-manrɔ lə Njesigənea̰, Ala lə sí gə́ njékinjanéməsje gə́ to Ləbije d’un d’aw ne ndá seḭ lé a kḭje loo-si sí’g njaaje korèje gée ya.

Jujé 3:7

Njesigənea̰ ula Juje pana: Ɓogənè m’a kun kudu kari tel to dəw gə́ boo kəm koso-dəwje gə́ Israɛl’g lai, mba kar dee gər gao to gə́ m’a nai səi to gə́ m’nai ne gə Moyis bèe ya tɔ.

Jujé 3:9

Juje ula Israɛlje pana: Rəmje pər gə́ nee ooje ta lə Njesigənea̰, Ala lə sí.

Jujé 4:11

Loo gə́ koso-dəwje dəs tar d’aw mba̰ ndá njékinjanéməsje d’un sa̰duk-manrɔ lə Njesigənea̰ lé d’aw d’aar ne no̰ koso-dəwje’g kédé tɔ.