Jujé 3:5 - Maktub gə́ To gə Kəmee

⁵ Juje ula koso-dəwje pana: Maji kar sí saŋgje rɔ sí mbata bèlè Njesigənea̰ a ra nédumkooje mbuna sí’g.

Jujé 3:5 ပူးပေါင်းရင်းမြစ်များ

Maktub gə́ wɔji dɔ Jɔb 1:5

Loo gə́ ndɔ muru-gadje lé dəs mba̰ ndá Jɔb ɓar ŋganeeje ree unda dee gə kəmee, tɔɓəi yeḛ uba naŋg ḭta gə ndɔ rad inja nékinjaməs gə́ ka̰ roo mbata lə dee kára-kára lai. Mbata Jɔb pana: Banelə ŋgan neḛje ra kaiya d’ar meḛ dee ɔs gel gə Ala. Yee ɓa gə́ né gə́ Jɔb ra ta-ta ya.

Pakɔsje 77:15

I lé to Ala gə́ njera néje gə́ dumkoo ya ləm, Siŋgamoŋ ləi lé i riba dəa gə́ raga mbuna koso-dəwje’g ləm tɔ.

Pakɔsje 86:10

Mbata i lé boo yaa̰ ləm, I ra néje gə́ dumkoo ləma, I nja ɓa to Ala kára ba kiao lé ləm tɔ.

Joɛl 2:16

Mbo̰je koso-dəwje ar deeje d’wa dɔ na̰ Mee loo’d gə́ to gə kəmee! Mbo̰je ɓugaje ləm, Mbo̰je ŋganje Deḛ gə́ ta mbà’g ya kara ləm tɔ! Maji kar njedené-sigi gə njeŋgao-sigi D’unda loo mee kəi-si dee’g teḛ tɔ.

Ləbije 10:3

Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

Ləbije 20:7

Seḭ a kɔrje rɔ sí kundaje gə kəmee kamje ləm, seḭ a kundaje rɔ sí gə kəmee ləm tɔ mbata ma m’to Njesigənea̰, Ala lə sí ya.

Bula lə Israɛlje 11:8

Koso-dəwje d’aw daa muru neelé ndá deḛ ree d’usu dɔ mbal kusu né’g ləm, əsé d’ur mee biri’g ləm tɔ, deḛ ndiri mee jo’g ləm, d’ila gə́ bina ləm tɔ. Lel ta dee’g asəna gə bina gə́ d’ila gə ubu bèe.

Tagə́maji gə́ Ja̰ ndang 17:19

Ma lé m’ɔr rɔm m’unda gə kəmee mbata lə dee mba kar kankəmta gə́ to meḛ dee’g lé a kɔr dee kunda dee-deḛ nja gə kəmee bèe ya tɔ.

Jujé 3:13

Loo gə́ njékinjanéməsje gə́ d’un sa̰duk-manrɔ lə Njesigənea̰ gə́ to Mbai gə́ njeko̰ɓee dɔ naŋg nee lai lé d’a kila dabla gɔl dee dan mán’d gə́ Jurdɛ̰ ndá, mán gə́ Jurdɛ̰ lé a kai rəa dana kar mán gə́ ḭ tar ula lé a ndur dɔ na̰’d loo kára ba.

Jujé 3:15

Naḭ kinja koje lai lé baa gə́ Jurdɛ̰ rusu koŋgo ruba raga pɔ-pɔ ya. Loo gə́ njékinjanéməsje gə́ to njékun sa̰duk manrɔje neelé teḛ ta baa’d gə́ Jurdɛ̰ d’ula gɔl dee mán kaar koŋgo’g ndá,

Jujé 3:4

Nɛ mbuna sí-seḭ gə sa̰duk gə́ neelé seḭ a kya̰je pən-loo as kəmkil dəw tɔl-dɔg loo joo (2.000): seḭ a teḛje mbɔree’g dəb el. Yee nja a tɔji sí rəw gə́ kəm kar sí njaaje keneŋ mbata seḭ njaaje rəw’g neelé kédé el ɓəi.

Jujé 3:6

Tɔɓəi Juje ula njékinjanéməsje pana: Unje sa̰duk-manrɔ neelé dəsje ne no̰ koso-dəwje’g. Ndá deḛ d’un sa̰duk-manrɔ neelé gaŋg ne rəw no̰ koso-dəwje’g ya tɔ.

Jujé 7:13

Ḭta ndá ɔr koso-dəwje neelé unda dee gə kəmee. I a pana: Maji kar sí saŋgje rɔ sí gə mba ndɔ gə́ bèlè mbata lə Njesigənea̰, Ala lə Israɛlje pa bèe pana: Né gə́ kəm tuji pugudu-pugudu to mbuna sí-seḭ Israɛlje’g, seḭ a kasjekəm kɔsje njéba̰je lə sí rəw el saar mba kar sí ɔrje né gə́ kəm tuji pugudu-pugudu neelé mbuna sí’g ɓa.

1 Samel 16:5

Yeḛ ila dee keneŋ pana: Bèe ya. Ma m’ree mba kinja nékinjaməs kar Njesigənea̰. Maji kar sí saŋgje rɔ sí ndá reeje awje səm na̰’d loo-kinja-né-məs’g lé. Yeḛ ar Isai gə ŋganeeje gə́ diŋgam kara saŋg rɔ dee ləm, yeḛ ɓar dee loo-kinja-né-məs’g lé ləm tɔ.