Jujé 3:4 - Maktub gə́ To gə Kəmee

⁴ Nɛ mbuna sí-seḭ gə sa̰duk gə́ neelé seḭ a kya̰je pən-loo as kəmkil dəw tɔl-dɔg loo joo (2.000): seḭ a teḛje mbɔree’g dəb el. Yee nja a tɔji sí rəw gə́ kəm kar sí njaaje keneŋ mbata seḭ njaaje rəw’g neelé kédé el ɓəi.

Jujé 3:4 ပူးပေါင်းရင်းမြစ်များ

Gḭ-Néje 31:2

Jakob oo kəm Laba̰ ndá aa oo, kəmee to ɓəd dəa’g ɓó to to gə́ kédé lé el.

1 Sôrta Gḭka-Israɛlje 11:2

Kédé lé loo gə́ Sawul to ne mbai lé i ɓa to njekɔrno̰ Israɛlje mba kaw sə dee raga ləm, gə tel sə dee ɓée ləm tɔ. Bèe ɓa Njesigənea̰, Ala ləi ulai ne pana: I a kul dəwje ləm gə́ Israɛl ləm, i a to mbai dɔ koso-dəwje ləm ləm tɔ.

Pakɔsje 25:12

See dəw gə́ ra ɓa ɓəl Njesigənea̰ wa. Njesigənea̰ a tɔjee rəw gə́ kəm karee njaa keneŋ.

Pakɔsje 89:7

Mbata see na̰ ɓa mee dara’g askəm pana: Neḛ n’to tana gə Njesigənea̰ bèe wa. See na̰ ɓa to tana səi mbuna dəw-kundaje’g lə Ala ɓəi wa.

Teḛ-Raga 19:12

I a kwɔji ŋgaŋ loo gə́ gugu dɔ mbal neelé kar dəwje ndá i a kula dee pana: Undaje kəmkàr dɔ rɔ sí’g gə mba kuba dɔ mbal neelé el ləm, əsé gə mba kɔrɔ rəa tèm el ləm tɔ. Nana ɓa gə́ ɔrɔ mbal neelé ndá d’a tɔlee gə́ tɔl ya.

Teḛ-Raga 3:5

Ala pana: Tibi mbɔr loo gə́ nee lé el, tɔr négɔl ləi gɔli’g, mbata loo gə́ i aar keneŋ neelé to loo gə́ to gə kəmee.

Teḛ-Raga 4:10

Moyis ula Njesigənea̰ pana: Ǝi Mbaidɔmbaije, ma lé m’to dəw gə́ njetakwɔi. Né neelé un kudee tagə́nè el ləm, ndɔkanona el ləma, to mee ndəa gə́ i un kudu kwɔji ne ta gə kura ləi lé el ləm tɔ, mbata tam gə ndo̰m wɔi yaa̰ ya.

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Esai 48:17

Njesigənea̰ gə́ to njekoga dɔ sí, Njerɔkunda lə Israɛlje pa togə́bè pana: Ma nja m’to Njesigənea̰, Ala lə sí, Ma m’ndoo sí mbata maji lə sí ləm, Ma m’ɔr no̰ sí dan rəw’d Gə́ kəm kar sí njaaje keneŋ ləm tɔ.

Jujé 3:3

Tɔɓəi d’un ndu dee d’ar koso-dəwje lé pana: Loo gə́ seḭ a kooje sa̰duk-manrɔ lə Njesigənea̰, Ala lə sí gə́ njékinjanéməsje gə́ to Ləbije d’un d’aw ne ndá seḭ lé a kḭje loo-si sí’g njaaje korèje gée ya.

Jujé 3:5

Juje ula koso-dəwje pana: Maji kar sí saŋgje rɔ sí mbata bèlè Njesigənea̰ a ra nédumkooje mbuna sí’g.