Jujé 3:3 - Maktub gə́ To gə Kəmee

³ Tɔɓəi d’un ndu dee d’ar koso-dəwje lé pana: Loo gə́ seḭ a kooje sa̰duk-manrɔ lə Njesigənea̰, Ala lə sí gə́ njékinjanéməsje gə́ to Ləbije d’un d’aw ne ndá seḭ lé a kḭje loo-si sí’g njaaje korèje gée ya.

Jujé 3:3 ပူးပေါင်းရင်းမြစ်များ

2 Samel 6:13

Loo gə́ njékun sa̰duk manrɔje lə Njesigənea̰ lé njaa gə kuree ɗegəse as gɔl dee gə́ tila misa̰ bèe ndá yeḛ ar dee d’inja bɔ maŋg ləm gə bɔ maŋg gə́ rəa to ndəb-ndəb ləm tɔ gə́ nékinjanéməsje.

2 Samel 6:3

Deḛ d’unda sa̰duk-manrɔ lə Ala mee pusu gə́ sigi’g ndá d’ḭ ne mee kəi’g lə Abinadab gə́ to dɔdərloo’g tar. Uja gə Ahjo, ŋgalə Abinadab ɓa d’ɔr no̰ pusu gə́ sigi neelé.

1 Mbaije 8:3

Loo gə́ ŋgatɔgje gə́ Israɛl lai ree mba̰ ndá njékinjanéməsje d’un sa̰duk-manrɔ lé ree ne.

Jeremi 33:18

Njékinjanéməsje gə Ləbije d’a lal njétaa tor deeje nɔm’g el mba kar dee d’inja nékinjanéməsje gə́ ka̰ roo ləm, gə mba tuu nékarje na̰’d gə nékinjanéməsje ləma, gə mba kinja nékinjanéməsje gə ndɔje kára-kára lai ləm tɔ.

Bula lə Israɛlje 10:33

Deḛ d’ḭ dɔ mbal’g lə Njesigənea̰ d’aw ndá deḛ njaa rəbee ndɔ dee munda, d’ḭ gə sa̰duk-manrɔ lə Njesigənea̰ d’aw ne no̰ dee’g ndá njaa ne ndɔ dee munda mba saŋg ne loo gə́ kəm kwa rɔ dee keneŋ.

Bula lə Israɛlje 4:15

Loo gə́ Aaro̰ gə ŋganeeje gə́ diŋgam d’a tɔl kula gə́ wɔji dɔ kɔm né lé dɔ loo’d gə́ to gə kəmee doi’g, gə dɔ nékulaje lai gə́ wɔji dɔ kəi-kubu-si-Ala bém tɔ ndá ŋgalə Keatje d’a ree loo gə́ d’a gə kḭ kaw keneŋ lé mba kodo dee, nɛ d’a kɔrɔ rɔ néje gə́ to gə kəmee neelé el nà d’a kwəi. Yee nee ɓa to kula gə́ wɔji dɔ njékodo néje gə́ d’ɔm ji ŋgalə Keatje’g mee kəi-kubu-kiŋga-na̰’g lé.

Matiyo 16:24

Yen ŋga Jeju ula njékwakiláje pana: Nana ɓa gə́ ndigi kaw goom’g ndá maji karee ya̰ rəa yag ləm, a kun kag-dəs ləa-yeḛ nja kodo ləm tɔ ɓa a kaw ne goom’g ɓəi.

Matiyo 8:19

Yen ŋga njendaji-maktub kára bèe ree pər gə́ rəa’g ulá pana: Mbai, looje lai gə́ i sí aw gə́ keneŋ lé m’a kun gooi lad-lad ya.

Tel tura Godndu 31:25

yeḛ un ndia ar Ləbije gə́ to njékodo sa̰duk-manrɔ-je lə Njesigənea̰ lé pana:

Tel tura Godndu 31:9

Moyis ndaŋg godndu neelé ndá yeḛ ar ŋgan Ləbije gə́ to njékinjanéməsje gə́ d’odo sa̰duk-manrɔ lə Njesigənea̰ lé ləm, ar ŋgatɔgje gə́ Israɛl lai ləm tɔ.

Jujé 3:4

Nɛ mbuna sí-seḭ gə sa̰duk gə́ neelé seḭ a kya̰je pən-loo as kəmkil dəw tɔl-dɔg loo joo (2.000): seḭ a teḛje mbɔree’g dəb el. Yee nja a tɔji sí rəw gə́ kəm kar sí njaaje keneŋ mbata seḭ njaaje rəw’g neelé kédé el ɓəi.

Jujé 3:6

Tɔɓəi Juje ula njékinjanéməsje pana: Unje sa̰duk-manrɔ neelé dəsje ne no̰ koso-dəwje’g. Ndá deḛ d’un sa̰duk-manrɔ neelé gaŋg ne rəw no̰ koso-dəwje’g ya tɔ.

Jujé 3:8

I a kun ndui togə́bè kar njékinjanéməsje gə́ to njékun sa̰duk manrɔje neelé pana: Loo gə́ seḭ a teḛje ta baa gə́ Jurdɛ̰’g ndá seḭ a kaarje naŋg keneŋ dan mán’g.

Jujé 4:10

Njékinjanéməsje gə́ njékun sa̰duk manrɔje lé d’aar dan baa’d gə́ Jurdɛ̰ saar mba kar ndukun gə́ Njesigənea̰ un ar Juje mba karee ula dəwje gə goo néje lai gə́ Moyis un ndia dɔ’g ar Juje lé aw ne lée’g béréré ɓa koso-dəwje d’ɔs rɔ dee ɓad dəs d’aw ɓəi.

Jujé 6:6

Juje gə́ to ŋgolə Nun ɓar njékinjanéməsje ula dee pana: Unje sa̰duk-manrɔ lé ndá maji kar njékinjanéməsje siri d’wa to̰to̰ gaji badje ji dee’g mba njaa ne no̰ sa̰duk-manrɔ’g lə Njesigənea̰ lé.

Loo gə́ killa rea kəm Ja̰’g 14:4

Deḛ neelé ra kaiya gə denéje d’ar rɔ dee mina̰ ne el mbata deḛ to gə́ ŋgaw-buaje. Deḛ nja to gə́ njéboalookawje lə Ŋgonbad ləm, deḛ to njé gə́ d’uga dɔ dee mbuna dəwje gə́ dɔ naŋg nee asəna gə né gə́ doŋgɔr mba kar Ala ləm, gə mba kar Ŋgonbad lé ləm tɔ.

1 Samel 6:15

Deḛ gə́ to Ləbije lé d’un sa̰duk-manrɔ lə Njesigənea̰ ləm, gə ŋgon sa̰duk gə́ to mbɔree’d gə́ néje gə́ ra gə larlɔr to mée’g ləm tɔ lé d’unda naŋg ndá deḛ d’unda dee dɔ biri mbal’g lé ya. Mee ndəa’g neelé dəwje gə́ Bet-Semes d’inja nékinjanéməsje gə́ ka̰ roo ləm, gə nékinjanéməsje gə́ raŋg ləm tɔ d’ar Njesigənea̰.