Jujé 3:16 - Maktub gə́ To gə Kəmee

¹⁶ mán gə́ ḭ tar ula lé gaŋg ŋgəji tɔɓəi ndur dɔ na̰’d loo kára ba gə kuree, teḛ mbɔr ɓee-boo gə́ ria lə Adam gə́ to mbɔr Sartan’g, ar mán gə́ ḭ ula par gə́ baa-boo-kad gə́ ria lə Baa-Kad gə́ to mee ndag-loo’g lé gaŋg ŋgəji tɔ. Koso-dəwje gaŋg baa loo gə́ wɔji dɔ Jeriko njoroŋ tɔ.

Jujé 3:16 ပူးပေါင်းရင်းမြစ်များ

Gḭ-Néje 14:3

Deḛ gə́ ɓar ri dee gogo neelé deḛ d’wa dɔ na̰ mee wəl-loo gə́ Sidiim gə́ to baa-boo-kad gə́ ɓaree baa-Kad lé.

1 Mbaije 4:12

Baana, ŋgolə Ahilud guburu ɓee gə́ Taanak gə Megido, gə loo gə́ Bet-Səan gə́ to mbɔr Sartan gel njé gə́ Jisreel’g, un kudee Bet-Səan saar teḛ Abel-Mehola ləm, saar teḛ gir loo gə́ Jokmeam ləm tɔ.

1 Mbaije 7:46

Mbai lé ar dee léḛ dee ndag-loo’d gə́ wɔji dɔ Jurdɛ̰, dɔ naŋg a̰ji gə́ to mbuna Sukot’d gə Sartan’g tɔ.

Pakɔsje 114:3

Baa-boo-kad lé oo né neelé ndá Aḭ aw əw ləm, Man baa gə́ Jurdɛ̰ lé kara Rəm ula gə́ gogo ləm,

Pakɔsje 114:5

I Baa-boo-kad lé See ɗi ɓa rai ɓa aḭ aw əw bèe wa. Esé i mán baa gə́ Jurdɛ̰ lé See ɗi ɓa rai ɓa i rəm ula ne gə́ gogo ɓəi wa.

Pakɔsje 29:10

Njesigənea̰ lé si dɔ kalimbai’g ləa Mee ndəa gə́ mán bélm taa ne loo lé ləm Njesigənea̰ si gə́ mbai dɔ kalimbai’g ləa O̰ ne ɓee saar-saar gə no̰ ya ləm tɔ.

Pakɔsje 33:7

Baa-boo-kad lé Yeḛ daa manee dɔ na̰’d na̰’d ləm, Ɓul manje lé Yeḛ ŋgəm dee ɓuleeje’g ləm tɔ.

Pakɔsje 66:6

Yeḛ tel baa-boo-kad lé aree to naŋg gə́ tudu kurum-kurum ləm, Baa lé kara ar dee dəs keneŋ gə gɔl dee ya ləm tɔ. Ndəa neelé jeḛ lé j’al ne rɔ sí rəa’g ya.

Pakɔsje 74:15

I ar kəm-rəw-manje gə ŋgira-manje tuba tir-tir ləm, Man baaje gə́ d’yi kédé gə́ ləw el lé I ar dee tudu kurum-kurum ləm tɔ.

Pakɔsje 77:19

Ndi ləi gə́ ndaŋg lé ɓar paḭ-paḭ dan lel-mal’g ləm, Telee gə́ yee tel lé ndogó dɔ loo gə́ naŋg nee ləma, Naŋg kara ula ne déréré-dèrèrè ya ləm tɔ.

Pakɔsje 78:13

Yeḛ kai baa-boo-kad lé dana ya̰ ne rəw ar dee ləm, Yeḛ ur manje tar to gə́ ndògo-bɔrɔ bèe ləm tɔ.

Teḛ-Raga 14:21

Moyis ula jia ndiŋ dɔ mán baa-boo’g. Ndá Njesigənea̰ ar lel-boo ḭ bər ula gigigi-gigigi loondul’g ya saar ar loo àr ndá ɔs ne mán baa-boo gə́ gogo, yeḛ ar rəw-kaw dee gə́ dan baa-boo’g neelé tudu kurum-kurum mbata mán lé kai rəa dana.

Teḛ-Raga 14:22

Israɛlje d’andə mee baa-boo’g lé njaa loo gə́ tudu kurum-kurum’g ləm, mán baa-boo lé tel asəna gə ndògo bèe par gə́ dɔ jikɔl dee’g gə dɔ jigel dee’g ləm tɔ.

Teḛ-Raga 14:29

Nɛ Israɛlje njaa loo gə́ tudu kurum-kurum’g ya dan baa-boo’g tɔɓəi mán lé gaŋg ndəŋ aar asəna gə ndògo-bɔrɔ bèe dɔjikɔl dee’g ləm, gə dɔjigel dee’g ləm tɔ.

Teḛ-Raga 15:8

Gə goo kəmə gə́ teḛ əmi’g lé Man wa ne dɔ na̰ ko̰-ko̰ ləm, Man gə́ ula lé kara aar ne tar Asəna gə ndògo-bɔrɔ bèe ləm tɔ. Paŋgəm mán tel to né gə́ kədərə kaw-kaw dan mán baa-boo’g ya.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Ejekel 47:8

Yeḛ ulam pana: Man neelé a kaḭ gə́ dəb ɓee gə́ to par gə́ bər ndá a teḛ ndag-mbo’g kaw kur dan baa-boo-kad’g, loo gə́ yee a kur danee’g ndá mán baa-boo-kad lé a tel maji.

Nahum 1:4

Yeḛ ḭ gə baa-boo-kad aree tudu kurum-kurum ləm, Yeḛ ar mán baaje lai d’yi tə-tə ləm tɔ. Dɔ mbalje gə́ Basan gə Karmel lé d’wəi mbugu-mbugu ləm, Puduje gə́ Liba̰ gəḭ ləm tɔ.

Habakuk 3:8

See Njesigənea̰ ar mée ḭ səa pu dɔ baa-booje’g wa See to baa-booje ɓa oŋg ləi ḭ səi dɔ dee’g to gə́ pər bèe ləm, Meekḭ pu ləi lé i ɔm ne boo-oŋg dɔ baa-boo-kad’g Ɓa gə mba kari uba ne kundaje ləi Gə pusu-rɔ ləi gə́ ka̰ kun baŋga ləm tɔ lé wa.

Bula lə Israɛlje 34:3

Rəw-nim-ɓee lə sí gə́ par gə́ dɔkɔl lé a kun kudee dɔdilaloo gə́ Sin saar teḛ Edɔm. Par gə́ bər lé rəw-nim-ɓee lə sí gə́ dɔkɔl lé a kun kudee ŋgaŋ baa-boo gə́ ria lə Baa-kad.

Tel tura Godndu 1:1

Aa ooje, taje gə́ Moyis ula Israɛlje lai kel tura-baa gə́ Jurdɛ̰ gə́ nu dɔdilaloo’g, mee ndag-loo’d gə́ wɔji dɔ Sup njoroŋ mbuna Paran gə Topel’g, gə Laban gə Haserot’g, gə Di-Jahab’g tɔ.

Tel tura Godndu 3:17

rəw-nimee gə́ to loo kuru gə́ lə kàr lé dəs mbɔr ndag-loo’d gə́ Jurdɛ̰, ɓa dəs pə̰ baa Kineret gə baa Kad saar teḛ kaar mbal gə́ Pisga par gə́ bər ləm tɔ.

Jujé 12:3

mee ndag-loo’g saar teḛ baa-boo-kad gə́ Kineret par gə́ bər ləm, saar teḛ baa-boo-kad gə́ to ndag-loo’d gə́ to baa-boo-kad gə́ ria lə Baa-Kad par gə́ bər mbɔr Bet-Jesimot’g ləm tɔ, tɔɓəi loo gə́ par gə́ dɔkɔl mbɔr mbal’d gə́ Pisga tɔ.

Jujé 15:2

Togə́bè ɓa rəw-nim-ɓee lə deḛ gə́ dɔkɔl lé un kudee ta baa-boo-kad gə́ ria lə Baa-Kad par gə́ kəmkai gə́ wɔji dɔ loo gə́ dɔkɔl njoroŋ.

Jujé 16:7

Yee ḭ Janoa aw Atarot gə Naarata saar tibi mbɔr Jeriko, tɔɓəi aw kəmee gə́ kédé saar teḛ baa gə́ Jurdɛ̰’g.

Jujé 3:13

Loo gə́ njékinjanéməsje gə́ d’un sa̰duk-manrɔ lə Njesigənea̰ gə́ to Mbai gə́ njeko̰ɓee dɔ naŋg nee lai lé d’a kila dabla gɔl dee dan mán’d gə́ Jurdɛ̰ ndá, mán gə́ Jurdɛ̰ lé a kai rəa dana kar mán gə́ ḭ tar ula lé a ndur dɔ na̰’d loo kára ba.

Jujé 4:22

Ndá seḭ a kulaje ŋgan síje taree pajena: Israɛlje njaa loo gə́ tudu kurum-kurum’g dan baa gə́ Jurdɛ̰ gə́ nee ya.

Jujé 5:1

Mbaije lə Amɔrje lai gə́ d’isi par gə́ dɔ-gó lə baa gə́ Jurdɛ̰ ləm, gə mbaije lə njé gə́ Kana̰ lai gə́ d’isi ta baa-boo-kad’g ləm tɔ lé, loo gə́ d’oo to gə́ Njesigənea̰ ar baa gə́ Jurdɛ̰ kai rəa dana no̰ Israɛlje’g saar ar sí n’dəsje loo gə́ tudu kurum-kurum’g ndá meḛ dee ila kas bilim ləm, ndil dee teḛ rɔ dee’g ləm tɔ gə mbata lə Israɛlje lé ya.

Njéga̰g-Rəwtaje 7:22

Dəwje gə́ tɔl-munda (300) lé tel d’im to̰to̰je ya tɔɓəi, ndá mee loo-si dee’g lai lé Njesigənea̰ ar dee-deḛ nja tel tɔs na̰ gə kiambas. Njérɔje d’aḭ saar teḛ Bet-Sita par gə́ Serera saar teḛ ŋgaŋ loo’g lə Abel-Mehola gə́ to ta Tabat’g dəb.