Jujé 3:14 - Maktub gə́ To gə Kəmee

¹⁴ Yen ŋga koso-dəwje d’unda loo mee kəi-kubuje’g lə dee teḛ gə mba gaŋg baa gə́ Jurdɛ̰ ləm, njékinjanéməsje gə́ to njékun sa̰duk manrɔje lé kara njaa no̰ dəwje’g lé ləm tɔ.

Jujé 3:14 ပူးပေါင်းရင်းမြစ်များ

Pakɔsje 132:8

Ǝi Njesigənea̰, maji kari uba naŋg ḭ tar ree loo-kwa-rɔ’g ləi, I gə sa̰duk-manrɔ gə́ wɔji dɔ boo-ronduba ləi.

Jeremi 3:16

Loo gə́ seḭ a kojije na̰ bulaje digi-digi mee ɓee’g ndá mee ndəaje’g neelé Njesigənea̰ pana: Dəw a pata gə́ wɔji dɔ sa̰duk-manrɔ lə Njesigənea̰ el ŋga, dəw a kḛji dəa’g el ləm, mee dəw a kolé dəa’g el ləm, dəw a koo to gə́ godo mbuna dee’g el ləma, d’a tel ra gə́ raŋg el ŋga ləm tɔ.

Tel tura Godndu 31:26

Taaje maktub godndu neelé ndá ilaje mbɔr sa̰duk-manrɔ’g lə Njesigənea̰, Ala lə sí, bèe ɓa a to lée’g neelé gə́ njekɔrgoota kila dɔ sí’g.

Ǝbrəje 9:4

ndá loo-tuu-né gə́ ra gə larlɔr mba tuu ne néje gə́ ə̰də sululu dɔ’g to keneŋ ləm, sa̰duk-manrɔ gə́ d’ɔr giree lai gə larlɔr to keneŋ ləm tɔ. Jo gə́ léḛ gə larlɔr gə́ d’ɔm muru gə́ ḭ dara mée’g lé to mee sa̰duk’g ləm, kag-tɔs lə Aaro̰ gə́ idi to keneŋ ləma, bəgərə mbalje gə́ ndaŋg ta manrɔ dɔ’g to keneŋ ləm tɔ.

Jujé 24:11

Seḭ gaŋgje baa gə́ Jurdɛ̰ ndá seḭ teḛje ɓee gə́ Jeriko. Njéɓeeje gə́ Jeriko rɔ sə sí ya, Amɔrje, gə Peresje, gə Kana̰je, gə Hetje, gə Girgasije, gə Hebje, gə Yebusje kara rɔ sə sí ya tɔ. Nɛ ma m’ya̰ dee ji sí’g ya.

Jujé 3:3

Tɔɓəi d’un ndu dee d’ar koso-dəwje lé pana: Loo gə́ seḭ a kooje sa̰duk-manrɔ lə Njesigənea̰, Ala lə sí gə́ njékinjanéməsje gə́ to Ləbije d’un d’aw ne ndá seḭ lé a kḭje loo-si sí’g njaaje korèje gée ya.

Jujé 3:6

Tɔɓəi Juje ula njékinjanéməsje pana: Unje sa̰duk-manrɔ neelé dəsje ne no̰ koso-dəwje’g. Ndá deḛ d’un sa̰duk-manrɔ neelé gaŋg ne rəw no̰ koso-dəwje’g ya tɔ.

Jujé 6:6

Juje gə́ to ŋgolə Nun ɓar njékinjanéməsje ula dee pana: Unje sa̰duk-manrɔ lé ndá maji kar njékinjanéməsje siri d’wa to̰to̰ gaji badje ji dee’g mba njaa ne no̰ sa̰duk-manrɔ’g lə Njesigənea̰ lé.